တစ်ချို့အလှကုန် ပစ္စည်းတွေဟာ ရေခဲသေတ္တာထဲ ထည့်သုံးသင့်တာ

Updated 28th Mar 2016

Written by

her-world, Shweproperty

ကိုယ်သုံးနေတဲ့ အလှကုန်တစ်ချို့ကို ရေခဲသေတ္တာထဲ ထည့်သုံးရမယ်ဆိုတာ အူကြောင်ကြောင်နိုင်လိုက်တာလို့ တွေးမိမှာတော့ အမှန်ပါပဲ။ စားစရာလည်း မဟုတ်၊ သောက်နေကျ နွားနို့လည်း မဟုတ်တော့ အလှကုန်တွေကို ရေခဲသေတ္တာထဲ ထည့်ပြီး သုံးရမယ်ဆိုတာ သဘာဝကျရဲ့လားပေါ့။ ဒါပေမယ့် တစ်ချို့အလှကုန်တွေကို ကြာရှည်ခံဖို့ အတွက်ဆိုရင်တော့ အစားအသောက်တွေကို ကြာရှည်ခံအောင် ထားတဲ့သဘောနဲ့ နည်းတူ ရေခဲသေတ္တာထဲ ထည့်သုံးရပါလိမ့်မယ်။ ဘယ်လိုအလှကုန်တွေကို ရေခဲသေတ္တာထဲ ထည့်သင့်သလဲဆိုတာ......

၁၊Eye Cream (သို့) Gel

မျက်လုံးအစ်လို့၊ မို့လို eye cream တွေ လိမ်းတတ်ကြတယ်ဟုတ်။ တစ်ခါတစ်လေ အစားအသောက်မှားလို့၊ အငန်တွေ အများကြီး စားလိုက်မိလို့ မို့နေတဲ့ မျက်လုံးတွေအတွက် လိမ်းပေးရတဲ့ eye cream တွေ ရေခဲသေတ္တာထဲ ထည့်သိမ်းပြီး လိမ်းခါနီးမှ ထုတ်လိမ်းလိုက်မယ်ဆိုရင် မျက်ဝန်းတစ်ဝိုက် အစ်နေ ဖောင်းနေတာတွေကို လျော့ကျသွားမှာပါ။ အအေးဓာတ်က ဖောင်းအစ်နေတာတွေကို လျှော့ချပေးနိုင်တယ်ဆိုတာ မယုံမရှိပါနဲ့။

၂။ ရေမွှေး

ရေမွှေးတွေကို အပူချိန်မြင့်တဲ့နေရာ၊ ဒါမှမဟုတ် နေရောင်ခြည်နဲ့တိုက်ရိုက်ထိတွေ့မှုရှိတဲ့ နေရာတွေမှာ အမြဲထားထားမယ်ဆိုရင် သုံးနေကျရေမွှေးတောင် အနံ့ပြောင်းသွားတတ်တာမျိုး ရှိပါတယ်။ ဒီတော့ သင့်သိပ်ကြိုက်တဲ့ ရေမွှေးတွေကို ဒီအတိုင်း ရနံ့သင်းသင်းလေးနဲ့ မပြောင်းလဲ တမ်းရှိနေဖို့အတွက် ရေခဲသေတ္တာထဲ ထည့်ထားလိုက်ပေါ့။

၃။နှုတ်ခမ်းနီ

နှုတ်ခမ်းနီတွေ ကြာရှည်ခံဖို့ဆိုရင်လည်း ရေခဲသေတ္တာထဲ ထည့်ထားဖို့ လိုပါတယ်။ ဒါဟာ သင့်နှုတ်ခမ်းနီအရောင် အတွက်သာမက အပူကြောင့် အရောင်ပြောင်းခြင်းကိုလည်း ကာကွယ်ပေးနိုင်တာကြောင့်ပါ။

၄။sunscreen

နေပူထဲသွားရင် လိမ်းနေကျ sunscreen ကိုလည်း ရေခဲသေတ္တာထဲ ထည့်သိမ်းနိုင်ပါတယ်။ လုံးဝမသုံးရသေးတဲ့ ဗူးအသစ် ရှိတယ်ဆိုရင် မသုံးခင်အချိန်ကတည်းက ရေခဲသေတ္တာထဲ ထည့်သိမ်းပြီး သုံးနိုင်ပါတယ်။ အသားအရေအတွက် အထူး သင့်လျော်တာမို့ စမ်းကြည့်လိုက်ပါလို့။

၅၊လက်သည်းဆိုးဆေး

အပူချိန်မြင့်မားတဲ့အခါ၊ ဒါမှမဟုတ် နေရောင်ခြည်က လက်သည်းဆိုးဆေးပုလင်းတွေပေါ် တိုက်ရိုက်ကျရောက်နေတဲ့အခါမျိုးတွေမှာ လက်သည်းဆိုးဆေးရည်ဟာ ပြစ်သွားတာမျိုး၊ ဒါမှမဟုတ် ကာလာပြောင်းသွားတာမျိုးတွေ ရှိတတ်ပါ တယ်။ မစိုးရိမ်ပါနဲ့။ လက်သည်းဆိုးဆေးပုလင်းတွေကို ရေခဲသေတ္တာထဲမှာ ပစ်ထည့်ထားလိုက်ပါ။ ကာလာလည်း ပြောင်းလဲခြင်းမရှိ၊ အရည်ပြစ်သွားတာလည်း မရှိပဲ အားလုံး အိုကေသွားပါလိမ့်မယ်။

၆။မိတ်ကပ်ရည်နဲ့ အရည်အလှကုန်များ

ဖောင်ဒေးရှင်းကစလို့ mascara လို အလှကုန်အရည်တွေအားလုံးကို ရေခဲသေတ္တာထဲ ထည့်သိမ်းနိုင်ပါတယ်။ သူတို့တွေဟာ များသောအားဖြင့် စတင်သုံးစွဲတဲ့အချိန်ကစလို့ ဘယ်လောက်ထိသာ ကြာရှည်ခံမယ်ဆိုတဲ့ အချိန်ကာလ သတ်မှတ်ချက်တစ်ခု ပါပြီးသားပါ။ ဒါ့ကြောင့် သုံးနေစဉ်အတောအတွင်းသာမက သတ်မှတ်ထားတဲ့ အချိန်အထိ တာရှည်ခံဖို့ဆိုရင် ရေခဲသေတ္တာထဲ ထည့်ထားဖို့ လိုပါတယ်။

၇။သဘာဝအတိုင်း ထုတ်လုပ်ထားတဲ့ အလှကုန်များ

သဘာဝအတိုင်း ထုတ်ထားတဲ့ လိုးရှင်း၊ ဆပ်ပြာစတဲ့ အရာတွေထဲမှာ ကြာရှည်ခံအောင် ထည့်သွင်းထားတဲ့ ဓာတုပစ္စည်းတွေ မပါဝင်တတ်ပါဘူး။ ဒါ့ကြောင့် ကြာရှည်ခံဖို့ဆိုရင်တော့ ရေခဲသေတ္တာထဲ ထည့်ထားတာ အကောင်းဆုံးပါပဲ။

Ref : herworld

Photo Credit : trend

Posted By : Wai Phyoe

Recommended

Get daily fresh news delivered to your inbox

By subscibing you agree to our privacy policy