သင့်အနေနဲ့ အိမ်ရာချေးငွေလျှောက်ပြီး အိမ်ဝယ်ဖို့ ဆန္ဒရှိတယ်ဆိုရင်တော့ ဒါတွေကို သိထားရပါမယ်။ မြန်မာနိုင်ငံက အိမ်ရာချေးငွေ ထုတ်ချေးပေးနေတဲ့ ပုဂ္ဂလိကဘဏ်တွေတစ်ခုနဲ့တစ်ခု ချေးငွေကာလတွေနဲ့ လျှောက်ထားပုံအနည်းငယ်ကွဲလွဲမှုတွေရှိပါတယ်။ ဒီတစ်ခေါက်ကတော့ KBZ ဘဏ်မှာ အိမ်ရာချေးငွေလျှောက် မယ်ဆိုရင် ဘာတွေသိထားသင့်လဲဆိုတာကို ရှင်းပြပေးမှာဖြစ်ပါတယ်။

ဘာတွေလိုအပ်လဲ?

·  မှတ်ပုံတင်

·  သန်းခေါင်စာရင်း

·  ရပ်ကွက်ထောက်ခံစာ

·  လုပ်ငန်းလိုင်စင် (ကိုယ်ပိုင်စီးပွားရေးလုပ်ကိုင်သူ)

·  အလုပ်ရှင်၏ ထောက်ခံချက် (ဝန်ထမ်းဖြစ်ပါက)

·  ဓာတ်ပုံ (Passport Size)

ဘယ်လိုလျှောက်ထားရမလဲ?

မိမိကြိုက်နှစ်သက်တဲ့အိမ်ကို ရွေးချယ်ပြီး KBZ Bank ကို သွားရပါမယ်။ ကိုယ့်ရဲ့လစဉ်ဝင်ငွေထောက်ခံချက်တွေ နဲ့အတူ အခြားလိုအပ်ချက်စာရွက်စာတမ်းတွေကို ယူဆောင်ပြီး ဘဏ်ချေးငွေရနိုင်မယ့် ပမာဏကို တွက်ချက်ရ ပါမယ်။ မိမိလိုချင်တဲ့အိမ်နဲ့ ဘဏ်ချေးငွေရမရ ကိုက်ညီမှုရှိမရှိ တွက်ချက်ပြီး ဘဏ်မှအိမ်ရာချေးငွေ ကျွမ်းကျင်ပညာရှင်တွေရဲ့ အကြံပြုချက်ကို လိုက်နာရပါမယ်။ အတိုးနှုန်းအနေနဲ့ ဗဟိုဘဏ်က သတ်မှတ်ထားတယ်။

အားသာချက်

-    (၂)ဦးပေါင်း လစဉ်ဝင်ငွေဖြင့်လျှောက်ထားနိုင်ခြင်း

-    (၃)နှစ်ကနေ (၁၅)နှစ်ထိ နှစ်ရှည်ချေးငွေလျှောက်ထားနိုင်ခြင်း

-    အိမ်ငှားခအစား ကိုယ်ပိုင်အိမ်ရဲ့ အိမ်ရာချေးငွေကိုသာ ပေးချေရခြင်း

-    ဘဏ်ရဲ့ ရာဖြတ်ကဏ္ဍပါဝင်လို့ အိမ်ခန်းပေါက်ဈေးအတိုင်း ဝယ်ယူခွင့်ရခြင်း

-    နှစ်ဦးပေါင်းဝင်ငွေနဲ့ အိမ်ရာချေးငွေလျှောက်ထားနိုင်ခြင်း။

အိမ်ရာချေးငွေစတင်လျှောက်ထားသည့်နေ့မှစ၍  တစ်လအတွင်း ဘဏ်ချေးငွေရရှိအောင် KBZ Bank မှ အမြန်ဆုံးစီစဉ်ဆောင်ရွက်ပေးသွားမှာဖြစ်ပါတယ်။

Written By : ဝိုင်းနန္ဒီထွန်း (ShweProperty.com)

Posted By : Sint Sint (ShweProperty.com)