ရုံးခန်းမှာအမွှေးပွ ကော်ဇောထူထူထားပါ
အမွှေးပွ၊ ခပ်ထူထူဆိုတာက သိုးမွှေးကော်ဇောမျိုးပေါ့။ ဒါက ကြွယ်ဝချမ်းသာခြင်းရဲ့ သရုပ်ကို ဆောင်စေပါတယ်။ ကော် ဇောက မြေကြီးဓာတ်ဖြစ်တယ်။ ဒါကြောင့် ငွေကြေး ရဲ့ သရုပ်သကန်လည်း ဖြစ်လို့ ငွေကြေးဥစ္စာတိုးပွား စေပါတယ်။
အိပ်ခန်းတံခါးကို ပန်းရောင်(သို့) အနီရောင်သုတ်
ဒီအရောင်တွေက နှလုံးသားရေးရာကို ဦးစား ပေးတယ်။ ချစ်ခြင်းမေတ္တာသင့်ဘဝထဲဝင်လာဖို့ ဖိတ် ခေါ်ပေးတတ်တယ်။ အိပ်ခန်းထဲမှာ ခေါင်းအုံး၊ အိပ်ရာခင်း စတာတွေပါ ပန်းရောင်များများသုံးပါ။
အိပ်ခန်းနံရံကို အရောင်ရင့်ရင့်သုတ်ပါ
အရောင်ရင့်ရင့်က ရင်းနှီးကျွမ်းဝင်မှုကို အားပေးတယ်။ မိမိနဲ့ မိမိ ချစ်သူနှစ်ဦးကြားကိုသံယော ဇဉ်ပိုဖြစ်စေတယ်။ ချစ်ခြင်းမေတ္တာ ပိုမိုခိုင်မြဲရှည်ကြာ ချင်ရင်တော့ အခန်းနံရံကို အစိမ်းရောင်သုတ်ပါ။
အိပ်ခန်းမှာ ယင်းနဲ့ယန်း အရောင်တွေပါတဲ့ ပစ္စည်း များများသုံးပါ
ယင်းက အမဓာတ်၊ ယန်းက အဖိုဓာတ်၊ ဒါကြောင့် ယင်းအရောင်တွေဖြစ်ကြတဲ့ အပြာ၊ အစိမ်း၊ အနက်တို့နဲ့ ယန်းအရောင်တွေဖြစ်ကြတဲ့ အနီ၊ လိမ္မော်၊ အဝါရောင်ပါတဲ့ပစ္စည်းတွေ အိပ်ခန်း မှာ များများထားပါ။ ခရမ်းရောင်ကတော့ ယင်းနဲ့ ယန်းနှစ်ရောင်စပ်(အပြာနဲ့အနီရော)ဖြစ်တာကြောင့် ကောင်းပါတယ်။
ရတနာသေတ္တာကို ဖဲကြိုးအနီနဲ့ ချည်နှောင်
ရတနာသေတ္တာမှာ ရတနာတွေထည့်ပြီး ဖဲကြိုး အနီနဲ့ ချည်ထားပါ။ ဒါက ရတနာတွေ ပွားစီး စေတဲ့ သ ဘောပါ။
ဖိနပ်ကို စီကာစဉ်ကာ ထားပါ
ဖိနပ်က ထောက်ပံ့မှုရဲ့ သင်္ကေတလည်း ဖြစ်သလို မြေကြီးနဲ့ ထိစပ်တဲ့သဘောကိုလည်းဆောင်တယ်။ ဒါကြောင့် ဖိနပ်ကို သေသေချာချာ စီကာစဉ် ကာထားရတယ်။ ဟောင်းနွမ်းတဲ့ဖိနပ်၊ မတော်တော့တဲ့ဖိနပ်၊ ခေတ်နောက်ကျတဲ့ ဖိနပ်ပုံစံမျိုးတွေရှိရင်တော့ မြန်မြန်သာ စွန့်ပစ်။
အိပ်ခန်းထဲမှာ ပရိဘောဂဟောင်းတွေကို ပြင်ပါ
ပရိဘောဂအကျိုးအပျက်က အိမ်ထောင်ရေးကိုပါ ထိခိုက်စေတယ်။ ကတိပျက်တာတွေ ဘာတွေ ဖြစ်စေတယ်။ ဒါကြောင့် ဒါတွေကို မကျိုးပဲ့စေနဲ့။ ကျိုးပဲ့တာရှိရင်လည်း မြန်မြန်ပြင်။
အိပ်ခန်းတံခါး မကျပ်စေနဲ့
အိပ်ခန်းတံခါးကို သက်သောင့်သက်သာ ဖွင့်လို့ ပိတ်လို့ရအောင်လုပ်ပါ။ တံခါးပတ္တာတွေကို ဆီထည့်ပေးပါ။ ဒါမှအချစ်ရေး၊ အိမ်ထောင်ရေးမှာလည်း အဖုအထစ်၊ မပြေမလည်တွေ ကင်းပျောက်မယ်။
ခြံထဲမှာ နှင်းဆီပင်စိုက်
နှင်းဆီပန်းက အချစ်ရဲ့ သင်္ကေတပဲ။ ဒါ ကြောင့် နှင်းဆီပန်းပင်တွေ ဝေဆာနေအောင် စိုက် ပေးပါ။ အနီရောင်(သို့)ပန်းရောင်ကို ပိုပြီး ရွေးချယ် စိုက်ပျိုးပါ။
အိပ်ခန်းမှာ ကွေးကောက်တဲ့ ဒီဇိုင်းရှိတဲ့ ပရိဘောဂ အနည်းဆုံးတစ်ခုတော့ ရှိပါစေ
အကွေးအကောက်၊ အဝေ့အဝိုက်၊ အဝိုင်း စတာတွေက သဟဇာတဖြစ်မှုနဲ့ ပူးပေါင်းဆောင်ရွက်မှုရဲ့ သရုပ်ကိုဆောင်တယ်။
ဒါတွေကို အိပ်ခန်းထဲမှာ ထားရတယ်။ ဝိတိုရိယခေတ် ပရိဘောဂတွေက ဒီလိုပုံစံမျိုးတွေ များတယ်။ ဒါက အိမ်ထောင်ဖက်(သို့) ချစ်သူနဲ့ ဆက်ဆံရေးပြေပြစ်မှုကို ပြဆိုနေတယ်။
အိပ်ခန်းထဲမှာ ကော်ဇောအဝိုင်းထား
အဝိုင်းက သဟဇာတဖြစ်မှုကိုပြတယ်။ အိမ်ထောင်ဖက်နဲ့ အဆင်ပြေစေတယ်။ ထောင့်မှန်စတုဂံ ပုံ ကော်ဇော်လည်း ထားလို့ရတယ်။ ဒါကတော့ သားသမီးရတနာ လိုချင်သူတွေအတွက် ပိုကောင်းတယ်။
သစ်သားတူနဲ့ စားသောက်
နှစ်ဂဏန်းနဲ့ သစ်သားနဲ့ ပေါင်းစပ်တာပဲ။ ချစ်သူနှစ်ဦး တစ်ဦးနဲ့တစ်ဦး နားလည်မှုတွေ၊ ယုယ ကြင်နာမှုတွေ တိုးပွားစေတယ်။
အိပ်ခန်းထဲမှာ အဝိုင်းပုံစံ များများသုံး
အိပ်ရာခင်း၊ ခေါင်းအုံးစွပ် စတာတွေမှာ ဒီဇိုင်းက အဝိုင်းများများပါပါစေ။ အဝိုင်းက ညီညွတ် ချစ်ကြည်မှုကို အားပေးလို့ပါ။ အဝိုင်းဒီဇိုင်းမှာ အရောင်နှစ်မျိုးပါက ပိုကောင်းတယ်။ ပန်းရောင် အဝိုင်း၊ အနီရောင်အဝိုင်းဒီဇိုင်းတွေ။
အိပ်ခန်းမှာ ပိုးထည် များများသုံးပါ
ပိုးသားခေါင်းအုံးစွပ်၊ ပိုးသားအိပ်ရာခင်း စသဖြင့်ပေါ့။ ပိုးသား၊ ကတ်ရှမီးယားပိတ်စ၊ အီဂျစ် ချည်ထည်တွေမျိုး။ ဒါတွေများများရှိလေ နှလုံးသား ပိုနူးညံ့လေ။
Ref : Manawmayajournal
Photo Credit : Hgtv
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
