အိမ်ဆောက်ရက်ရွေးတဲ့အခါမှာ တနင်္ဂနွေနေ့ရွေးရင် ဒုက္ခဆင်းရဲရောက်တတ်ပြီး တနင်္လာနေ့ဆောက်ရင် (၂)လမြောက်မှာ သားသမီးပွားစီးရင် ချမ်းသာကြွယ်ဝတတ်ပါတယ်။ အင်္ဂါနေ့ဆောက်ရင် ဆန်ရေစပါးပေါများကြွယ်ဝပြီး ဗုဒ္ဓဟူးနေ့ဆောက်ရင် သုခချမ်းသာရပါတယ်။ ကြာသပတေးနေ့ဆောက်ရင် ချမ်းသာကြွယ်ဝပြီး သောကြာနေ့ဆောက်ရင် (၃)လကြာရင် သုခပွားတတ်ပါတယ်။
အိမ်ဆောက်လရွေးတဲ့အခါမှာလည်း တန်ခူးလချမ်းသာကြွယ်ဝတတ်ပြီး ကဆုန်လ ဆန်ရေစပါးပေါများ ကြွယ်ဝပါတယ်။ ဝါခေါင်လ စီးပွားဥစ္စာတိုးပွားပြီး နတ်တောလ ထင်ပေါ်ကျော်စောမည်။ ပြာသိုလ လူအများ ချီးမွမ်းခံရတတ်ပြီး တပေါင်းလ ချမ်းသာကြွယ်ဝတတ်ပါတယ်။ ကျန်ခြောက်လလောက်မှာ ဆောက်ရင် ပျက်စီးခြင်းတွေ ကြုံရတတ်တယ်လို့ သိရပါတယ်။
ဒါ့အပြင် အိမ်တွင်းအလှဆင်ရင် ပရိဘောဂနဲ့ပက်သက်ပြီး သစ်သားသုံးမယ်ဆိုရင် မသုံးအပ်တဲ့သစ် (၈)မျိုးရှိပါတယ်။
ခုတ်ပြတ်စဉ်တွဲလဲကျနေတဲ့ သစ်၊ သစ်ခွ၊ သစ်ကိုင်းကြားတင်နေတဲ့ သစ်၊ အဖျားကြီးပြီးအရင်းရှူးနေသော သစ်၊ အရင်းဖျားရှူးပြီး အလယ်ကြီးတဲ့ သစ်၊ လမ်းကူးချောင်းကူး သစ်၊ အပင်ချင်းအကိုင်းချင်း ကြိတ်သော သစ်၊ အပင်မှာနွယ်ရစ်ပတ်တဲ့ သစ်၊ မျက်ရည်ပေါက်လိုအကွက်ထနေတဲ့ သစ်တွေကို ရှောင်ကြဉ်သင့်ပါတယ်။
အိမ်၊ ကျောင်းဆောက်ရာမှာ မသုံးအပ်တဲ့သစ် (၁၁)မျိုးက မိကျောင်း၊ မအူ၊ သခွတ်၊ ညောင်၊ သျှိသျှား၊ သီး(သား)၊ သပြေ၊ သစ်စိမ်ရေသား၊ ကလော၊ လက်ပံ၊ လဲ တို့ဖြစ်တယ်လို့ သိရပါတယ်။
Ref & Photo Credit : Lodarya
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
