ပြည်သူအများစုအား အိမ်ခန်းများကို ပိုမိုလွယ်ကူစွာ ဝယ်ယူပိုင်ဆိုင်နိုင်စေရန် ရည်ရွယ်ထားသော Cit Loft အိမ်ရာစီမံကိန်းအသစ်မှ အခန်းများကို ၂၅ နှစ် အရစ်ကျ အိမ်ရာချေးငွေစနစ်ဖြင့် ယခုလကုန်မှစတင်ကာ ရောင်းချသွားမည်ဖြစ်ကြောင်း FMI ၏ ဥက္ကဌ ဦးသိန်းဝေက ဇန်နဝါရီ ၁၂ တွင် ပြုလုပ်သည့် အထူးကျင်းပသည့် အထွေထွေအစည်းအဝေး၌ ပြောကြားခဲ့သည်။
City Loft (Cit Loft @ StarCity) ကို ရန်ကုန်မြို့၊ သန်လျင်မြို့နယ်တွင် တည်ရှိသည့် Star City အိမ်ရာဝင်းအတွင်းရှိ ၂၂ ဧက ကျယ်ဝန်းသော မြေနေရာတွင် တည်ဆောက်သွားမည်ဖြစ်ကာ ဆောက်လုပ်မှုကို အဆင့်အလိုက် တည်ဆောက်သွားမည်ဖြစ်ပြီး ပထမအဆင့်တွင် အိမ်ခန်းများကို ဝယ်ယူသူများထံသို့ ၂၀၂၀ ပြည့်နှစ် ပထမလေးလပတ်မှစတင်၍ အပ်နှံသွားမည်ဖြစ်ကြာင်း သိရသည်။ ရှယ်ယာရှင်များအတွက် အိမ်ခန်းများရောင်းချခြင်းကို ၂၀၁၈ ခုနှစ်၊ ဒီဇင်ဘာ ၂၁ ရက်တွင် စတင်ခဲ့ပြီး အများပြည်သူအတွက် အိမ်ခန်းများရောင်းချခြင်းကို Star City ရှိ အရောင်းပြခန်းမတွင် ယခုလကုန်မှ စတင်၍ ရောင်းချသွားမည်ဖြစ်ကြောင်း သိရသည်။ "ပြီးခဲ့တဲ့ FMI နှစ်ပတ်လည်အစည်းအဝေးမှာ ကျွန်တော်တို့ ပေးခဲ့တဲ့ကတိအတိုင်း ရန်ကုန်မြို့ရှိ လူလတ်တန်းစားဈေးကွက်အတွက် ရည်ရွယ်ထားတဲ့ City Loft အိမ်ရာ စီမံကိန်းအသစ်ကို လက်ရှိမှာအကောင်အထည်ဖော်နေပြီ ဖြစ်ပါတယ်။ City Loft သည် ဈေးနှုန်းသင့်တင့်မှုရှိပြီး ၂၅ နှစ် အရစ်ကျ အိမ်ရာချေးငွေစနစ်ဖြင့် ဝယ်ယူနိုင်သဖြင့် သမားရိုးကျ အိမ်ခြံမြေဈေးကွက်ကို လက်လှမ်းမမီနိုင်သူများအနေဖြင် ပိုမိုလွယ်ကူစွာ ဝယ်ယူပိုင်ဆိုင်နိုင်မည်ဖြစ်သည်" ဟု FMI ၏ဥက္ကဌ ဦးသိန်းဝေက ပြောသည်။
City Loft @ StarCity တွင် မြန်မာနိုင်ငံ၌ ပထမဆုံးအကြိမ်အဖြစ် စတူဒီယို အိမ်ခန်းများ ထည့်သွင်း တည်ဆောက်သွားမည်ဖြစ်ပြီး အိပ်ခန်းတစ်ခန်း၊ နှစ်ခန်း နှင့် သုံးခန်းပါဝင်မည့် အိမ်ခန်းများ ပါရှိကြောင်း၊ စတူဒီယိုအခန်းများနှင့် အိမ်ခန်းများအားလုံး လုံခြုံမှုရှိခြင်း၊ လူ့အဖွဲ့အစည်းကို အဓိကထားခြင်း၊ ပတ်ဝန်းကျင်ထိန်းသိမ်းရေးကို အလေးထားခြင်း၊ ဝန်ဆောင်မှုပေးခြင်းနှင့် အဆင်ပြေခြင်း အစရှိသည့် Yoma Land ၏ ကတိကဝတ်ထားသည့်အတိုင်း အံကိုက်အောင်စီမံထားရှိမည်ဖြစ်ကာ နေထိုင်သူများအတွက် ရေကူးကန်၊ အားကစားရုံ၊ ပန်းခြံ နှင့် ဈေးဝယ်ပလာဇာ တို့အပြင် YBS ဘတ်စ်ကား ရပ်နားစခန်းလည်း ပါရှိမည်ဖြစ်ကြောင်း သိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
