မြန်မာပြည်ရဲ့ ထိပ်တန်းအိမ်ခြံမြေဝဘ်ဆိုဒ်ဖြစ်တဲ့ Shweproperty.com မှ အမေရိကန်ဒေါ်လာ (၃)သန်း ရင်းနှီးမြှုပ်နှံမှု( Series B တွင်) ရရှိခဲ့ကြောင်း မကြာသေးခင်က ကြေညာလိုက်ပါတယ်။ အဆိုပါရင်းနှီးမြှုပ်နှံမှုတွင် CAV Investment Group မှ ဦးဆောင်ခဲ့ပြီး ၊ 500 StartUps, REA Group ၏ ယခင်အမှုဆောင်အရာရှိချုပ်ဖြစ်သူ Simon Baker , Galaxy Media & Entertainment Vietnam ၏ Chairwoman ဖြစ်သူ Dinh Thi Hoa နဲ့ ယခင်ရင်းနှီးမြှုပ်နှံမှုများတွင် ပါဝင်ပြီးဖြစ်တဲ့ Vostok New Ventures (Nasdaq Stockholm) နှင့် ယူကေအခြေစိုက်ရင်းနှီးမြှုပ်နှံမှုများလည်း ပါဝင်ပါတယ်။
“ မြန်မာမှာ အွန်လိုင်းအိမ်ခြံမြေဈေးကွက်တစ်ခုကို ဦးဆောင်နေတဲ့ Shwe Property ကိုပျိုးထောင်ပြီး လုပ်ငန်းလည်ပတ်နေတဲ့ Justin Sway နဲ့ Shwe Property Team ကို ကျွန်တော့အနေနဲ့ အလွန်လေးစား မိပါတယ်။ ဈေးကွက်အတွင်းဦးဆောင်နေတဲ့ ဝဘ်ဆိုဒ်တစ်ခုကို တည်ထောင်ခဲ့တယ်။ အသစ်တွေနဲ့ Business Model ပိုင်းတီထွင်ဖန်တီးမှုတွေကို ရင်ဆိုင်ဖြေရှင်းခဲ့တယ်။ နောက်ထပ်ပြောချင်တာကတော့ သူတို့ဟာ ကမ္ဘာ့အဆင့်မီ အင်တာနက်အိမ်ခြံမြေစီးပွားရေးလုပ်ငန်းတစ်ခုကို တည်ထောင်ခဲ့တယ်ဆိုတာပါပဲ။ မြန်မာပြည် ဈေးကွက်မှာ ဦးဆောင်နေတဲ့ လုပ်ငန်းတစ်ခုမှာ ရင်းနှီးမြှုပ်နှံခွင့်ရတဲ့အတွက် ကျွန်တော်အနေနဲ့ များစွာ ဝမ်းမြောက်မိပါတယ်” လို့ Simon Baker က ဆိုပါတယ်။
စင်္ကာပူအခြေစိုက် Emerging Market Investments Advisers (EMIA) ဟာ ကဏ္ဍအသီးသီးမှာရှိတဲ့ စီးပွားရေးလုပ်ငန်းပေါင်း (၁၃)ခုနဲ့ ဖွဲ့စည်းထားတဲ့ ပုဂ္ဂလိကရင်းနှီးမြှုပ်နှံမှု စီမံကိန်းတစ်ခုဖြစ်ပါတယ်။ EMIA ရဲ့ Chief Investment Officer, Trent Eddy ကတော့ “ မြန်မာ့နံပါတ်တစ် အွန်လိုင်းအိမ်ခြံမြေလုပ်ငန်းမှာ ရင်းနှီးမြှုပ်နှံဖို့ အတွက် များစွာစိတ်လှုပ်ရှားခဲ့ပါတယ်။သူတို့ရဲ့ ခိုင်မာတဲ့ IT နည်းပညာပိုင်း စီမံခန့်ခွဲမှုတွေ၊ အွန်လိုင်းအိမ်ခြံမြေဝဘ်ဆိုဒ်တစ်ခု ဈေးကွက်ထဲမှာ ဦးစီးဦးဆောင်ပြုမှုတွေနဲ့ သူတို့ရဲ့ ခိုင်မာတဲ့ ရှယ်ယာရှင် တွေကို မြင်တွေ့ရတဲ့အတွက် ကျွနု်ပ်တို့အနေနဲ့ များစွာဂုဏ်ယူမိပါတယ်။ Shwe Property Team ကိုလည်း ဆက်လက်ပြီးတော့ ထောက်ပံ့သွားဖို့နဲ့ သူတို့ရဲ့ စီးပွားရေးအရှိန်အဟုန်နဲ့ မြင့်တက်လာဖို့ကိုလည်း မျှော်လင့် တယ်” လို့ ပြောပါတယ်။
Shwe Property ကို အမှုဆောင်အရာရှိချုပ် -မြန်မာပြည်ဖွား Mr.Justin Sway , မန်းနေးဂျင်း ဒါရိုက်တာအဖြစ် Kevin Goos ( ယခင် Century21 ကမ္ဘောဒီးယား၏ အမှုဆောင်အရာရှိချုပ်)၊ Shwe Property တည်ထောင်သူနှင့်ဒါရိုက်တာ ဦးကောင်းသူဝင်းတို့မှ ဦးဆောင်နေတာဖြစ်ပါတယ်။ မြန်မာပြည်ရဲ့ ပထမဦးဆုံး အွန်လိုင်းအိမ်ခြံမြေလုပ်ငန်းဖြစ်ပြီး (၂၀၁၁)ခုနှစ်တွင် စတင်တည်ထောင်ခဲ့တာဖြစ်ပါတယ်။ Shwe Property ဟာ Customer ၊ အကျိုးဆောင်တွေနဲ့ ဆောက်လုပ်ရေးလုပ်ငန်းရှင်တွေ စိတ်တိုင်းကျတာဝန်ယူ ဆောင်ရွက်ပေးနေတဲ့ Online Real Estate Group ဖြစ်ပြီး၊ အသိအမှတ်ပြုခံရမှုတွေ ရရှိပြီးသားဖြစ်ပါတယ်။ အိမ်ခြံမြေ Listings ပေါင်း တစ်သိန်းကျော်ကို လွှင့်တင်ထားပါတယ်။
“ Shwe Property အနေနဲ့ မြန်မာပြည်မှာ နံပါတ်(၁)အွန်လိုင်းအိမ်ခြံမြေ ဝဘ်ဆိုဒ်တစ်ခုအနေနဲ့ အသိအမှတ်ပြုထားခြင်းခံရပြီး၊ Client တွေနဲ့ ရေရှည်ဆက်ဆံရေးတည်ဆောက်ထားခြင်းနဲ့ခိုင်မာတဲ့ စီမံခန့်ခွဲမှုကို တည်ဆောက်ထားတဲ့အတွက် တစ်နှစ်ထက်တစ်နှစ်ကို ပိုပြီးတိုးတက်ကြီးမားလာတာကို တွေ့ရမှာ ပါ။ လက်ရှိ ရင်းနှီးမြှုပ်နှံမှုကိုတော့ ကျွန်တော်တို့ရဲ့ စီးပွားရေးလည်ပတ်မှုတွေဖြစ်တဲ့ Sales and Marketing, Product Development တွေနဲ့ အိမ်ရာဝယ်ယူတဲ့သူတွေအတွက် အိမ်ရာဝယ်ယူခြင်းစနစ်ကိုလည်း ထပ်ပြီးတော့ တိုးချဲ့ဖန်တီးသွားမှာပါ။” လို့ Shwe Property မှ မန်းနေးဂျင်းဒါရိုက်တာ Mr.Kevin Goos က ဆိုပါတယ်။
Shwe Property ရဲ့ မိသားစုဝင်ဖြစ်လာတဲ့ ရင်းနှီးမြှုပ်နှံမှုမှာပါဝင်ကြတဲ့ လုပ်ငန်းရှင်တွေအားလုံးကိုလည်း ကျေးဇူးတင်ကြောင်း၊ နဂိုရင်းနှီးမြှုပ်နှံပြီးသား Vostok New Ventures နဲ့ ယူကေအခြေစိုက်ရင်းနှီးမြှုပ်နှံမှု ကုမ္ပဏီတွေအနေနဲ့လည်း လက်ရှိရင်းနှီးမြှုပ်နှံမှုအပိုင်းမှာ ထပ်မံပါဝင်ခဲ့ကြတဲ့အတွက် များစွာဂုဏ်ယူမိကြောင်း၊ ဆက်လက်ပြီးတော့လည်း မြန်မာနိုင်ငံရဲ့ အိမ်ခြံမြေနယ်ပယ်ကို ထောက်ပံ့ပေးပြီးအကောင်းဆုံး ပုံဖော်ပေးသွားမယ်လို့ Shwe Property ရဲ့ အမှုဆောင်အရာရှိချုပ် Justin Sway က မှတ်ချက်ပြုခဲ့ပါတယ်။
Written By : ဝိုင်းနန္ဒီထွန်း (ShweProperty.com)
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
