မြို့နယ်အစုံက တိုက်ခန်းတွေ၊ ကွန်ဒိုတွေနဲ့ Myanmar Plaza မှာ စည်စည်ကားကားကျင်းပခဲ့တဲ့ Shwe Property ရဲ့ အိမ်ရာအရောင်းပြပွဲကြီးကို အောင်မြင်စွာကျင်းပနိုင်ခဲ့ပါတယ်။ ပြပွဲရဲ့ အဓိကကျတဲ့ အချက်က တော့ ဝါကျွတ်မင်္ဂလာဆောင်မယ့် စုံတွဲတွေအတွက် ရည်ရွယ်ပြီးကျင်းပခဲ့တာဖြစ်ပါတယ်။
တန်ဖိုးသင့်၊ တန်ဖိုးမြင့်နဲ့ ဇိမ်ခံအိမ်ရာတွေကို အမျိုးအစားစုံလင်စွာ ခမ်းခမ်းနားနားခင်းကျင်းပြသထားတဲ့ မြန်မာ ပလာဇာရဲ့ အိမ်ရာအရောင်းပြပွဲမှာ လူစည်ကားနေခဲ့ပါတယ်။ အိမ်ရာတွေရဲ့ ငွေပေးချေမှုပုံစံတွေကို အသင့်တော်ဆုံးဖြစ်အောင် စီစဉ်ပေးထားသလို ဘဏ်နဲ့ချိတ်ဆက်ထားတဲ့ တိုက်ခန်းတွေ၊ ကွန်ဒိုတွေကို (၁၀)နှစ်ထိ နှစ်ရှည်အရစ်ကျနဲ့ ဝယ်ယူနိုင်ခဲ့တာမို့ ပြည်သူလူထုစိတ်ဝင်စားတဲ့ပွဲ တစ်ခုဖြစ်ခဲ့ပါတယ်။
“အလွှာပေါင်းစုံက လူတန်းစားပေါင်းစုံကို ရည်မှန်းပြီးတော့ တစ်နေရာတည်းမှာ လာရောက်ဝယ်ယူဖို့ စီစဉ် ပေးနိုင်ခဲ့တယ်။ ပြီးတော့လည်း မျှော်မှန်းထားသလိုပဲ အလွှာပေါင်းစုံရဲ့ လိုအပ်ချက်နဲ့ ကိုက်ညီအောင် အိမ်ဝယ်ယူတဲ့သူတွေဟာ သိန်း(၁၅၀) ကနေ သိန်း(၆၀၀၀)ကျော်ထိ တန်ဖိုးရှိတဲ့ အိမ်ရာတွေကို အောင်အောင် မြင်မြင်နဲ့ စီစဉ်ရောင်းချပေးနိုင်ခဲ့တယ်” လို့ Shwe Property ရဲ့ Vice President of Sales ဖြစ်သူ ဒေါ်ဝင်းလဲ့လဲ့ကြည်က ပြောပါတယ်။
ပြပွဲအတွင်း ပါဝင်ရောင်းချခဲ့တဲ့ ပရောဂျက်တွေထဲမှာ Golden City, Ayar Chantha Executive Condominium, Star City , River Front Garden, Kanbae စတဲ့ ဇိမ်ခံကွန်ဒိုတွေ ပါဝင်ပြသ ရောင်းချခဲ့ပါတယ်။ တန်ဖိုးအမျိုး အစားစုံစုံလင်လင်နဲ့ Sun Myat Tun Construction, MKT Construction, Naing Group Construction, Myanmar Seilone, iGreen, December, SKK, Maggin စတဲ့ ဆောက်လုပ်ရေးကုမ္ပဏီပေါင်း များစွာ ပါဝင်ခဲ့ပါတယ်။
“ ပြီးခဲ့တဲ့ မြန်မာပလာဇာအိမ်ရာ အရောင်းပြပွဲမှာ အမတို့ Project Sales Team ကနေ ကျပ်သိန်း(၁၈၀)ကနေ စပြီး ကျပ်သိန်း(၁၂၀၀) ကြား တန်ဖိုးရှိတဲ့ ကွန်ဒိုနဲ့ တိုက်ခန်းတွေကို ရောင်းချနိုင်ခဲ့တယ်။ ပြပွဲကို လာတဲ့ သူတွေက တကယ်ကို အိမ်ဝယ်ဖို့ လာရောက်ကြတဲ့သူများတယ်။ဆိုလိုတာက Qualified Buyers တွေပေါ့နော်။ အိမ်ခြံမြေဈေးကွက်ကလည်း တဖြေးဖြေးနဲ့ ဒီနှစ်အတွင်းမှာ ကောင်းမွန်တဲ့ ဘက်ကို ဦးတည်လာတဲ့အတွက် ဝယ်ယူတဲ့သူတွေ ရွေးချယ်စရာပိုများလာတယ်။အခုဆိုရင် နာမည်ကြီးဘဏ်တွေရဲ့ အိမ်ရာချေးငွေ Home Loan စနစ်နဲ့ ချိတ်ဆက်ပြီးတော့ ဝယ်ယူုနိုင်တဲ့ အခွင့်အလမ်းတွေ စတင်လာနေကြပြီ။ နောက်ဆိုရင် ပြည်သူနဲ့ ဘဏ်တွေကြား၊ ရောင်းသူနဲ့ ဝယ်ယူသူကြားထဲမှာ တွင်တွင်ကျယ်ကျယ် ချိတ်ဆက် လာနိုင်ခွင့်နဲ့ အတူ ပြည်သူတွေအနေနဲ့ကိုယ်အိပ်မက်ထဲက အိမ်ကလေးတစ်လုံးကို လူတိုင်းပိုင်ဆိုင်ခွင့် အမြန်ဆုံးရရှိနိုင်တော့မယ် လို့ အမသုံးသပ်မိတယ်။” လို့ Project Sales Manager မသင်းသင်းအေးက ရှင်းပြခဲ့ပါတယ်။
ပြပွဲကို စက်တင်ဘာလ(၂၂)ရက်နေ့ကနေ (၂၄)ရက်နေ့ထိ ကျင်းပခဲ့တာဖြစ်ပါတယ်။ ပရောဂျက်ပေါင်း(၃၅၀) ကျော် ခင်းကျင်းပြသခဲ့တဲ့ သုံးရက်တာ အိမ်ရာအရောင်းပြပွဲကို လာရောက်သူ စုစုပေါင်း(၃၀၀၀၀)ကျော် ရှိပါတယ်။ အိမ်ရာ ပရောဂျက်ပေါင်း(၁၁)ခုရဲ့ အိမ်ခန်းပေါင်း(၁၂၀)ခန်း ရောင်းချခဲ့ရပြီး တန်ဖိုးအားဖြင့် အမေရိကန်ဒေါ်လာ (၁၄.၅) သန်း တန်ဖိုးပမာဏခန့် အောင်မြင်စွာ ရောင်းချနိုင်ခဲ့ပါတယ်။လူတိုင်းအိမ်ရာပိုင်ဆိုင်နိုင်ဖို့ ရည်ရွယ်ချက်နဲ့ လစဉ်လတိုင်း အိမ်ရာအရောင်းပြပွဲတွေကို အထူးပရိုမိုးရှင်းအစီအစဉ်တွေနဲ့ Shwe Property ကနေ စီစဉ်ကျင်းပပေးနေပါတယ်။ အောက်တိုဘာလအတွင်း Rose Garden Hotel မှာ ကျင်းပမယ့် ပြပွဲမှာလည်း အိမ်ရာပရောဂျက်ပေါင်းအမျိုးအစား စုံလင်စွာနဲ့ မြို့နယ်စုံက တိုက်ခန်းတွေကို ဘဏ်ချေးငွေအထူးပြုပြီး ဝယ်ယူနိုင်ဖို့ စီစဉ်ပြသသွားမှာဖြစ်ပါတယ်။
Written By: Wut Yee Htun (Shweproperty.com)
Posted By : Ra Wai (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
