မန္တလေးမြို့တွင် ကျပ်(၅၀၀) ဘီလီယံရင်းနှီးမြုပ်နှံမှုဖြင့် မြေဧက (၂၅၀၀)တွင် အမရပူရမြို့သစ်စီမံကိန်းကို ၂၀၁၇ ခုနှစ် အောက်တိုဘာတွင် Mandalay Business Capital City Development Ltd မှ စီမံကိန်းကာလကို (၁၀)နှစ် သတ်မှတ်ကာစတင်အကောင်အထည်ဖော်မည်ဖြစ်ကြောင်းသိရှိရသည်။
"Mandalay Business Capital City Development Ltd,.ကုမ္ပဏီကိုပိုင်တာကတော့ မြန်မာနိင်ငံသားတစ်ဦးတည်းပိုင် ကုမ္ပဏီဖြစ်ပါတယ်။ အမရပူရမြို့သစ် စီမံကိန်းကြီးအတွက် သဘာဝပတ်ဝန်းကျင် သက်ရောက်မှုစစ် တမ်း EIA / SIA Report ကို နိုငံတကာအသိအမှတ်ပြုတဲ့ ပြည်တွင်းပညာရှင် ဒေါက်တာဝင်းမောင်နဲ့ အဖွဲ့ကဧရာဝတီမြစ်ရဲ့ အခြေအနေနဲ့ တိုင်းထွာရေးလုပ်ငန်းကိုတော့ နယ်သာလန်နိုင်ငံမှ Dr. KeesSloft ၏ Delraresအဖွဲ့မှ ပညာရှင်များနဲ့ ဧရာဝတီမြစ်ကြောင်းဆိုင်ရာ River Model တစ်ခုကိုဆောင်ရွက်ခဲ့တယ်။ ငလျင်တိုင်းထွာစစ်ဆေးမှုကိုလည်း ပြည်ပပညာရှင်များကိုယ်တိုင် ဆောင်ရွက်ထားပါတယ်။" ဟု Mandalay Business Capital City Development Ltd မှ ပြန်ကြားရေးတာဝန်ခံဦးဇော်ရဲဝင်းကပြောသည်။
စီမံကိန်းဆောက်လုပ်မည့် မြေများမှာကိုင်းမြေ၊ ရွာမြေနှင့် မြေနုကျွန်းစသည့်မြေအမျိုးအစားများဖြစ်ကြောင်းသိရသည်။ “ဒီစီမံကိန်းကြီးသာ ပြီးသွားပြီဆိုရင်တော့ မန္တလေးမြို့ကြီးလည်းဒီထက်သာယာလာပြီးစည်ကားလာမယ်။ အရောင်းအဝယ်တွေကလည်းယခင်ထက်ပိုပြီးကောင်းလာနိုင်ပါတယ်။ ဒီမြို့သစ် စီမံကိန်းကြီးကိုတော့ တကယ်အောင်မြင်အောင် လုပ်ဖို့လိုတယ်။ ဒီနေရာကနေကုန်စည် စီးဆင်းမှုတွေအနေနဲ့လည်းအရမ်းကိုအဆင်ပြေလာနိုင်တယ်။ ဒီမန္တလေးမြို့ကတော့ စီးပွားရေးအရတကယ့်ကိုယ် အချက်အခြာကျတဲ့ မြို့တစ်မြို့ ဖြစ်ပါတယ်။" ဟုအမရပူရမြို့နယ်မှ မြို့ခံဦးသောင်းကပြောသည်။
အဆိုပါ စီမံကိန်းတွင် ဈေးကြီး၊ Super market၊ ဆေးရုံ၊ ရုပ်ရှင်ရုံ၊ ကုမ္ပဏီများ၊ ကစားကွင်း၊ အလုပ်ရုံများနှင့် ကိုယ်ပိုင်အထက်တန်းကျောင်းများပါဝင်ဆောက်လုပ်သွားမည်ဖြစ်ကြောင်းသိရသည်။
Ref : Yangon Media Group
Photo Credit : MOI
Posted By : Myat Minn
Property Sales Event
နောက်ဆုံးရ သတင်းများ
For Sale
For Rent
New Homes
other properties
