အရက်ပြန်ဆိုတာကတော့ အိမ်သုံးဆေးဝါးအဖြစ် အသုံးပြုတက်ပါတယ်။ အရက်ပြန်ရဲ့ အသုံးဝင်ပုံကလည်းများစွာ ရှိပါတယ်။ တစ်ခုသတိပြုစေချင်တာက အိမ်သုံးဆေးဝါးအဖြစ်အသုံးပြုလို့ရပေမယ့် သူ့မှာတော့ အန္တရယ်ရှိနိုင်ပါတယ်။ လူရဲ့ အတွင်းပိုင်းကလိီစာတွေအတွက်တော့ မသုံးရပါဘူးနော်။ အပြင်ပိုင်းနေရာအတွက်တော့ အသုံးဝင်နိုင်သလို အရာ၀တ္ထုတွေ အတွက်လည်း အသုံးပြုလို့ရပါတယ်။အရက်ပြန်ကို အသုံးပြုပြီးတော့ အကျိုးကျေးဇူးရနိုင်ခြင်းတွေ အပြင် တခြားအသုံးပြုနိုင်တာလည်းရှိတာကြောင့် သိသင့်တာလေးတွေကို ဝေမျှပေးလိုက်ပါတယ်။

၁။ အရက်ပြန်သည် ပြင်းအားများတိုင်း မကောင်းပါ

ပစ္စည်းတွေကို ပိုးမွှားသန့်စင်ဖို့ ၇၀ % ဒါမှမဟုတ် ၉၉ % isopropyl alcohol ပါဝင်တဲ့ အရက်ပြန်ကို ဝယ်ယူအသုံးပြုကြပါတယ်။ အယ်လ်ကိုဟော ရာခိုင်နှုန်း မြင့်မားစွာ ပါဝင်တာက ပိုပြီးထိရောက်မယ်လို့ ထင်မှတ်ထားကြပေမယ့် အမှန်တကယ်တော့ ပိုးသတ်ဖို့အတွက် ၇၀ % က ပိုပြီးကောင်း မွန်တယ်လို့ သိရပါတယ်။ ရေပိုမိုပါဝင်တဲ့အတွက် အယ်လ်ကိုဟောက ဖြည်းဖြည်းချင်း ပျော်ဝင်သွားကာ ဆဲလ်ထဲကို ထိုးဖောက်ဝင်ရောက်ပြီး ဘက်တီးရီးယားကို သတ်ပစ်နိုင်တာ ကြောင့်ပါ။ သင်တို့ အသုံးပြုတဲ့ အရက်ပြန်က အယ်လ်ကိုဟောပါဝင်နှုန်း ၈၀-၈၅ % ထက် ကျော်လွန်သွားရင် ပိုးသတ်နိုင်စွမ်းကျဆင်းသွားပါတယ်။

၂။ အပင်ပေါ်က ပိုးကောင်တွေကို ဖယ်ရှားနိုင်ပါတယ်...

အိမ်တွင်းက အပင်တွေမှာ ပိုးကောင်တွေ ရှိနေရင် အရက်ပြန်နဲ့ ပွတ်ပေးနိုင်ပါတယ်။ အဲဒီလို ပြုလုပ်တာက အဆိပ်အတောက်ကင်းစင်ပြီး သဘာဝနည်းအတိုင်း ပိုးမွှားတွေကို ဖယ်ရှားပေးနိုင်ပါတယ်။

၃။ ခွဲစိတ်အပြီး ပျို့အန်တာ ကို သက်သာနိုင်ပါတယ်

ခွဲစိတ်ကုသမှု ခံယူအပြီးမှာ ပျို့အန်ချင်လာတာက မေ့ဆေးရဲ့ဆိုးကျိုးကြောင့်ပါ။ အယ်လ်ကိုဟော pad နဲ့ ပွတ်တိုက်ထားတဲ့ ရနံ့ကို ရှူလိုက်တာက ပျို့အန်ချင် တာ သက်သာနိုင်တယ်လို့ လေ့လာမှုတွေအရ သိရပါတယ်။ ပျို့အန်ပျောက်ဆေးဝါး အသုံးပြုတာထက်လည်း ထိရောက်မှု ပိုပြီးမြန်ဆန်ပါတယ်။

၄။ အဖျားမကျနိုင်ပါဘူး

အရင်တုန်းက ကလေးတွေအဖျားကျဆင်းဖို့အတွက် ကလေးရဲ့အရေပြားကို အရက်ပြန်နဲ့ ပွတ်တိုက်ပေးတတ်ကြပါတယ်။ အခုအခါမှာတော့ ဒီလိုပြုလုပ်တာက ကလေးအတွက် အန္တရာယ်များလွန်းတယ်လို့ သိပ္ပံပညာရှင်တွေက ထုတ်ဖော်လိုက်ပါတယ်။ အရက်ပြန်က ကလေးရဲ့ အရေပြားထဲကို စိမ့်ဝင်ပြီး အယ်လ်ကိုဟောအဆိပ်အ တောက်ဖြစ်တာ၊ သတိလစ်မေ့မျောသွားတာနဲ့ သေဆုံးတဲ့အထိ ဖြစ်နိုင်တယ်လို့ ဆိုပါ တယ်။ အထူးသဖြင့် နို့စို့ကလေးနဲ့ အသက်ငယ်လွန်းတဲ့ကလေးတွေမှာပါ။

၅။ မင်စွန်းရာကို ဖယ်ရှားနိုင်ပါတယ်

သင့်အဝတ်အစားတွေပေါ်မှာ မင်စွန်းသွားရင် အယ်လ်ကိုဟောနဲ့ ဖယ်ရှားနိုင်ပါတယ်။မင်မ ခြောက်သွေ့ခင်မှာ ပြုလုပ်ပါ။ မင်စွမ်းရာပေါ်မှာ အယ်လ်ကိုဟော pad နဲ့ ဖုံးအုပ်ပါ။ pad ပေါ်မှာ မင်တွေ ပြည့်သွားရင် အသစ်တစ်ခုလဲလှယ်ပြီး မင်စွန်းတာကုန်သွားတဲ့အထိ ပြုလုပ်ပါ။မင်စွန်းရာအဟောင်းကိုတော့ ဖယ်ရှားဖို့ ခက်ခဲနိုင်ပါတယ်။

၆။ သင့်အိမ်ကို သန့်ရှင်းရေး ပြုလုပ်ရာမှာ အသုံးပြုနိုင်ပါတယ်

မှန်နဲ့ မှန်တံခါးတွေကို သန့်ရှင်းရေးပြုလုပ်ဖို့ အရက်ပြန်တစ်ပိုင့်ကို ပန်းကန် ဆေးဆပ်ပြာရည် လက်ဖက်ရည်ဇဃန်း တစ်ဝက်၊ အမိုးနီးယားခွက်တစ်ဝက်စာနဲ့ ရောစပ်ပြီး ရေ တစ်ဂါလန်ထည့်ကာ Spray ဘူးထဲထည့်ကာ အသုံးပြုပါ။

၇။ အအေးကပ်ဖို့ အသုံးပြုနိုင်ပါတယ်....

ထိခိုက်ဒဏ်ရာပေါ်မှာ အအေးကပ်ဖို့ အရက်ပြန်ကို အောက်ပါအတိုင်း အသုံးပြုပါ။ ပလတ်စတစ် Zip plot အိပ်တစ်ခုထဲကို ၇၀ % အရက်ပြန်နဲ့ ရေကို ဆတူအချိုး ထည့်ပြီး ရေခဲသေတ္တာထဲက ရေခဲတဲ့ နေရာမှာထည့်ထားပါ။ အပြာရောင်လေး ဖြစ် ချင်ရင်တော့ ဆိုးဆေးအပြာ (Blue food coloring) ထည့်လိုက်ပါ။ အဆစ်လွဲတာ၊ အရွတ်ထိခိုက်တာတွေအတွက် အသုံးဝင်ပါတယ်။

၈။ အစွန်းချွတ်ဆေး၊ အရောင်ချွတ်ဆေးတွေနဲ့ အတူတူ အသုံးမပြုပါနဲ့

အယ်လ်ကိုဟောကို အစွန်းချွတ်ဆေးတွေနဲ့ အတူတူတွဲပြီး ဘယ်တော့မှအသုံးမပြုပါနဲ့။ အဆုတ်ထိခိုက်နိုင်တဲ့ အန္တရာယ်ရှိတဲ့ ဂက်စ်တွေ ထွက်လာနိုင်လို့ပါ။ အဲဒီဂက်စ်ကြောင့် မျက်စိ၊ လည်ချောင်းနဲ့ အဆုတ်မှာ ပူစပ်ပူလောင် ဖြစ်နိုင်ပါတယ်။

၉။ မျက်နှာပြင် အများစုကို ပိုးသန့်စင်နိုင်ပါတယ်....

အယ်လ်ကိုဟောနဲ့ ရေကို ဆတူရောစပ်ပြီး ဂရင်းနိုက်နဲ့ ကြွေပြားတွေလို မာကျောတဲ့ မျက်နှာပြင်တွေကို ပိုးသန့်စင်ဖို့ အသုံးပြုနိုင်ပါတယ်။ တချို့ဆေးရုံတွေမှာ တော့ နားကြပ်၊ အဖျားတိုင်းသာမိုမီတာနဲ့ ကပ်ကြေးတွေကို အရက်ပြန်နဲ့ ပိုးသတ်ကြပါတယ်။ ကျွမ်းကျင်သူတွေကတော့ ဆေးခန်းသုံးနဲ့ ခွဲစိတ်ခန်းသုံးပစ္စည်းတွေကို အရက်ပြန်နဲ့ ပိုးသတ်တာကို အားမပေးပါဘူး။ အရက်ပြန်က ဘက်တီးရီးယားမျိုးမှုန်တွေကို မသတ်ပစ်နိုင်တဲ့အတွက် ရောဂါကူးစက်နိုင်တာကြောင့်လို့ ဆိုပါတယ်။

၁၀။ Hand sanitizer ပြုလုပ်နိုင်ပါတယ်....

Hand sanitizer ကို မိမိကိုယ်တိုင် ပြုလုပ်နိုင်ဖို့ ခွက်တစ်ခွက်ရဲ့ သုံးပုံ နှစ်ပုံစာ အယ်လ်ကိုဟောကို ခွက်ရဲ့ သုံးပုံတစ်ပုံစာ ရေနဲ့ သေချာ နှံစပ်အောင် ရောစပ်ပြီး ပု လင်းထဲထည့်ထားကာ အသုံးပြုပါ။

၁၁။ နားပိုးဝင်တာ သက်သာနိုင်ပါတယ်

အယ်လ်ကိုဟောနဲ့ ရှလကာရည်ကို ဆတူရောစပ်ပြီး ရလာတဲ့ အရည်ကို နားရွက်ထဲကို အစက်အနည်းငယ်ချပြီး နားရွက်ကို တစ်ဖက်စောင်းပြီး ပြန်ထုတ်ပါ။ နားထဲ ရေဝင်နေရင် ခြောက်သွေ့သွားနိုင်ပြီး ရောဂါပိုးဝင်နေရင်လည်း နားရဲ့ pH ကို ပုံမှန် ဖြစ်စေပါတယ်။

၁၂။ သစ်သားနဲ့ သရေပေါ် အသုံးမပြုပါနဲ့

အရက်ပြန်ကို သစ်သားပေါ်မှာ ပွတ်တိုက်ရင် သစ်သားပျက်စီးနိုင်သလို သရေ ပေါ်မှာ အသုံးပြုခဲ့ရင်လည်း အရောင်ကျွတ်သွားတာနဲ့ အဖတ်ကွာကြတာတွေ ဖြစ်ပြီး ပျက်စီးနိုင်ပါတယ်။အခုဆိုရင်တော့ မြန်မာနိုင်ငံမှာ ကိုဗစ်ပိုးရောဂါလည်း ဖြစ်ပွားနေတောကြောင့် အရက်ပြန်ပါဝင်သော လက်သန့်ဆေးများကို လူတိုင်းဆောင်ထားနေရတာလည်း ဖြစ်ပါတယ်။ကိုဗစ်ရောဂါပိုးမကူးစက်နိုင်အောင် အသုံးပြုကြတာပါ။အိမ်ထဲမှာ အနေများ တာ၊ အိမ်ပြင်ထွက်ရင် mask တပ်တာ၊ လက်ကို ဆပ်ပြာ နဲ့ဆေးတာ ဒါမှမဟုတ် အယ်လ်ကိုဟော ပါဝင်တဲ့ Hand gel နဲ့ ဆေးကြောတာ၊ တွေလည်း လုပ်ဆောင်ကြပါတယ်။မိမိလက်ကိုင်ဖုန်းနဲ့ မိမိလက်နဲ့ ထိတွေမိတဲ့ မျက်နှာပြင်တွေကို အရက်ပြန်နဲ့ ပွတ်တိုက်တာတွေကို ပြုလုပ်လာကြပါတယ်။ ဒါပေမယ့် ဖုန်းကို ပွတ်တာကိုတော့ ရှောင်ကြည်စေချင်ပါတယ်။ အခန့်မသင့်ရင်ဖုန်းပျက်စီးသွားနိုင်ပါတယ်။

မီသနောလို့ ခေါ်တဲ့ အဆိပ်ဓာတ်ဟာ အရက်ပြန်၊ အိမ်သုတ်ဆေးတွေ၊ ပေါ်လစ်တင်ဆီ၊ ရေမွှေး၊ ကြွေကြေးချွတ်ဆေးတွေမှာ ပါဝင်ပါတယ်။ မီသနောဓာတ်ဟာ ရှူရှိုက်မိတဲ့အခါ၊ မျိုချမိတဲ့အခါ အာရုံကြောနဲ့ အစာချေအဂါၤ၊ ကျောက်ကပ်တွေကို ကောင်းကောင်းပြဿနာ ပေးနိုင်နေပါတယ်။ မတော်လို့များ မတော်တဆ မီသနော အဆိပ်သင့်တဲ့အခါ ...

- အန်မယ် ပျိုမယ်။

- ဗိုက်နာမယ်။

- အသက်ရှူရ ခက်မယ်။

- သွားရည်တွေ ကျမယ်။

- ခေါင်း အဆက်မပြတ်ကိုက်မယ်။

- မျက်စိ ဝါးမယ်။

- စိတ်ကစဥ့်ကလျား မတည်မငြိမ် ဖြစ်တာတွေ ဖြစ်တတ်ပါတယ်။

မီသနောအရည် ပါဝင်တဲ့အရာတွေကို မတော်တဆသောက်မိတဲ့အခါ သွေးပေါင်တွေ ထိုးကျသွားပြီး အသက်ရှူနှုန်း မြန်လာတာကို တွေ့ရမှာပါ။ နှလုံးခုန်နှုန်းတွေ အလွန်မြန်ဆန်လာပြီး မတည်မငြိမ်ဖြစ်လာပါမယ်။ မီသနောအဆိပ်သင့်တာရဲ့ အဓိကအန္တရာယ်ကတော့ ခန္ဓာကိုယ်ထဲ အက်ဆစ်ဓာတ်များလာတာပါ။ အက်ဆစ်ဓာတ်တွေ အလွန်အကျွံ မြင့်တက်လာပြီး အသက်ရှူနှုန်းတွေ အလွန်မြန်လာပါတယ်။ အသက်ရှူရ စတင်ခက်ခဲလာပြီး အမောဖောက်လာမှာ ဖြစ်ပါတယ်။

မီသနောအဆိပ်ဓာတ်ဟာ ရေမွှေးတွေမှာလည်း ပါဝင်ပြီး မတော်တဆ သောက်မိတဲ့ကလေးတွေမှာ ရုတ်တရက် တက်ပြီး ဆေးရုံရောက်လာလေ့ ရှိပါတယ်။ အသက်ငယ်ငယ် ကလေးလေးတွေဟာ ရေမွှေး တစ်ပုလင်းလုံး မော့ချပြီး အပြင်းအထန် အန်၊ အသက်ရှူ ခက်ခဲကာ ဆေးရုံ ရောက်လာတဲ့အဖြစ်တွေ ရှိပါတယ်။ အောက်ဆီဂျင်ပေးခြင်း ဆလိုင်းပုလင်း အများကြီးချိတ်ခြင်း၊ နောက်ဆုံး လိုအပ်သလို ကျောက်ကပ် ဆေးတာတွေနဲ့ ကုသရပါတယ်။မီသနော အဆိပ်သင့်တဲ့ လူနာတွေဟာ -

- မျက်တွင်းတွေ ချောင်ကျလာတယ်။

- အသားအရေတွေ ဖျော့တော့လာတယ်။

- ထိုင်းမှိုင်း လေးလံလာမယ်။

- အသက်ရှူကြပ်လာကာ နောက်ဆုံး သေဆုံးသည်ထိ အခြေအနေ ဆိုးလာနိုင်ပါတယ်။

ဒါတွေဟာမီသနောပါဝင်သော အရက်ပြန်ကို မတော်တဆ မှားယွင်းစွာ အသုံးပြုမိမယ်ဆိုရင် ခံစားရမယ့်နောက်ဆက်တွဲ ဆိုးကျိုးတွေပဲဖြစ်ပါတယ်။ အဲဒီလိုတွေ မဖြစ်ရအောင် ရှောင်ရှားရမယ့် အရာလေးတွေလည်း ဖော်ပြပေးလိုက်ပါတယ်နော်။

- အရက်ပြန်ပုလင်းတွေ၊ ရေမွှေးတွေကို ကလေးတွေနဲ့ ဝေးဝေးထားပါ။

- ကလေးတွေကို အိမ်သုတ်ဆေးတွေနဲ့ မဆော့ပါစေနဲ့။

- ဘားတွေမှာ ကိုယ်မသိတဲ့သူ တိုက်တဲ့အရက်ကို လက်မခံပါနဲ့။

- ကော့တေးတွေ၊ ဈေးပေါတဲ့ဘီယာတွေမှာ မီသနော ပါနေတတ်ပါတယ်။

- ကြွေကြေးချွတ်ဆေးတွေ၊ အိမ်သာသန့်ဆေးတွေ သုံးပြီးတိုင်း လက်ကို ဆပ်ပြာနဲ့ ပြောင်အောင်ဆေးပါ။

မီသနော အဆိပ်သင့်တာက သေဆုံးနိုင်ခြေ များပါတယ်။ အဓိက,က ကျောက်ကပ် လုံးဝပျက်စီးသွားတတ်ပါတယ်။ ဒါကြောင့် မီသနောအဆိပ်ဓာတ် ပါဝင်တဲ့အရာတွေကို အန္တရာယ်ကင်းကင်း အသုံးပြုခြင်း၊ တွေ့ကရာ မော့ချတတ်သော ကလေးတွေနဲ့ ဝေးဝေးထားခြင်း၊သောက်စရာ အချိုရည်ပုလင်းတွေနဲ့ မထားသိုခြင်းဖြင့် အလွယ်တကူ မှားသောက်မိတာတွေကို ကာကွယ်နိုင်ပါတယ်နော်။

Hydrogen Peroxide သို့မဟုတ် အရက်ပြန်နဲ့ အနာကိုသန့်စင်လို့ရနိုင်ပါသလား။

hydrogen peroxide သို့မဟုတ် အရက်ပြန်နဲ့ အနာကိုသန့်စင်ပေးတာက အမှန်တကယ်တော့ အရေပြားတစ်ရှူးတွေကိုထိခိုက်ပျက်စီးစေပြီး အနာကျက်နှေးစေပါတယ်။ အရက်ပြန် နဲ့hydrogen peroxide နှစ်မျိုးစလုံးက ဘက်တီးရီးယားတွေကိုသေစေနိုင်တဲ့ ထိရောက်တဲ့ ပိုးသတ်ဆေးတွေဖြစ်လို့ အသုံးများကြပါတယ်။

Hydrogen Peroxideကတော့

Hydrogen peroxide ကို အရေပြားပြတ်ရှရာ၊ပေါက်ပြဲဒဏ်ရာတွေအတွက် အသုံးပြုလေ့ရှိကြပေမယ့် တကယ်တမ်းရောဂါပိုးသေစေဖို့လည်း စိတ်မချရတဲ့အပြင် တစ်ရှူးတွေကိုထိခိုက်စေနိုင်တယ်လို့သိရပါတယ်။ ထိခိုက်ရှနာတွေလို အသေးစားဒဏ်ရာတွေကိုသန့်စင်ဖို့အတွက် အကောင်းဆုံးကရေအလျင်နဲ့ လောင်းချဆေးကြောတာပါပဲ။ဆပ်ပြာအပျော့စားလည်းသုံးနိုင်ပါတယ်။ သေးစားဒဏ်ရာတွေကို အမှုန်အမွှားတွေ၊ အညစ်အကြေးတွေ၊ ဘက်တီးရီးယားပိုးတွေကို ဖယ်ရှားနိုင်ဖို့ မိနစ်အနည်းငယ်ကြာအောင်ရေဆေးပေးရပါမယ်။

Hydrogen peroxide က အနာထဲမှာ အမှုန်တွေကပ်မကျန်အောင်၊သွေးစတွေကိုဖယ်သုတ်ဖို့ အနာကိုအစိုဓါတ်ပေးပြီး နှူးတဲ့နည်းနဲ့ သန့်စင်ပေးပါတယ်။ အရေပြားကဆဲလ်သေတွေကိုလည်း ဖယ်ရှားပေးပါတယ်။ ဒါပေမယ့် သူက အနာကျက်စေဖို့ အကျိုးပြုတဲ့ တွယ်ဆက်တစ်ရှူးကိုပြန်လည်တည်ဆောက်ပေးတဲ့ fibroblasts ဆဲလ်တွေကိုလည်း ပျက်စီးစေပါတယ်။ဒါ့ကြောင့်မို့ အရက်ပြန်ကို မကြာခဏမသုံးဖို့ အကြံပြုလာကြတာဖြစ်ပါတယ်။

Hydrogen peroxide ရဲ့ရောဂါပိုးသေစေနိုင်တဲ့အစွမ်းက အမြဲတော့ မထိရောက်နိုင်ပါဘူး။ရောဂါပိုးတွေကို မျိုးမပွားအောင်တားဆီးနိုင်တဲ့bacteriostatic ဓါတ်ပစ္စည်းတစ်မျိုးဖြစ်ပေမယ့် ဘက်တီးရီးယားတွေကို အကုန်မရှင်းထုတ်ပစ်နိုင်ဘဲ ပိုဆိုးတဲ့ရောဂါပိုးဝင်ခြင်းတွေပါဖြစ်စေနိုင်ပါတယ်။ ဒါပေမယ့် မှိုပိုးတွေကိုလည်းသေစေနိုင်ပြီး မှိုပိုးဝင်ခြင်းကို ကာကွယ်နိုင်လို့ စဉ်းတီတုံး သို့မဟုတ် စားပွဲခုံတို့လိုရောဂါပိုးရှိနိုင်တဲ့နေရာတွေကို သန့်ရှင်းဖို့ အသုံးပြုကြတာဖြစ်ပါတယ်။

အရက်ပြန်

အနာကိုသန့်စင်ဖို့ အသုံးများတဲ့နောက်တစ်မျိုးက အရက်ပြန်ပဲဖြစ်ပါတယ်။ ဘာလေးပဲဖြစ်ဖြစ် ဂွမ်းမှာအရက်ပြန်ဆွတ်ပြီး အနာကိုဖိထားတာ၊ သုတ်လိုက်တာတွေလုပ်လေ့ရှိကြသလို ဒဏ်ရာကြီးကြီးမားမားတွေမှာတောင် အရက်ပြန်လောင်းချပြီးရင် ပိုးသေတယ်လို့ စိတ်ချလက်ချသုံးကြပါတယ်။ အရက်ပြန်သုတ်ပြီးရင်ပိုးမဝင်တော့ဘူးလို့တွေးပြီး အနာကို ဆေးတောင်မထည့်သူတွေရှိပါတယ်။ ဒါပေမယ့် လူတွေသိပ်မသိကြတာက အရက်ပြန်ဟာ အနာတဝိုက်အရေပြားမှာ ပိုးမွှားတွေကိုဖယ်ရှားနိုင်ဖို့ အထောက်အကူပြုတာမှန်ပေမယ့် အရေပြားကိုလည်းလောင်စေနိုင်တာပဲဖြစ်ပါတယ်။ အရက်ပြန်နဲ့ပွတ်လိုက်တဲ့အခါ အရေပြားဆဲလ်တွေ ထိခိုက်ပျက်စီးစေနိုင်ပြီး ရောင်ရမ်းလာစေနိုင်ပါတယ်။

ဒါ့ကြောင့် ထိခိုက်ရှနာတွေကို သန့်စင်ဖို့အရင်ဆုံးတွေးရမှာ ကရေနဲ့ဆေးကြောတာဘေးအကင်းဆုံးပါပဲ။အနာသန့်စင်သွားတဲ့အထိရေ လောင်းဆေးပါ။ အနာမှာအမှုန်တွေ၊ အစအနတွေကပ်နေသေးရင် ဆရာဝန်ပြပြီး ကုသမှုခံယူပါ။ ထိခိုက်ရှနာကုသမှုကိုဘယ်တော့မဆို ကိုယ်တိုင် လုပ်ဆောင်နိုင်ပါတယ်။အနာကိုဆေးကြောမယ်ဆိုရင် အရင်ဆုံး လက်ကို စင်ကြယ်အောင်ဆေးပါ။ ဒါမှရောဂါပိုးမဝင်နိုင်မှာပါ။သွေးတိတ်အောင်အရင် လုပ်ပါ။ ပွန်းပဲ့ရှနာတွေလောက်ကတော့ အလိုလိုသွေးတိတ်သွားလေ့ရှိပါတယ်။လိုအပ်ရင်တော့ ပတ်တီးစ၊ ဂွမ်းစသန့်သန့်လေးနဲ့ အသာလေးဖိထားပြီးသွေးတိတ်တဲ့အထိ အနာဖြစ်တဲ့နေရာကိုမြှင့်ထားပေးပါ။အနာကို သန့်စင်ပါ။ အနာကိုရေနဲ့ဆေးကြောရပါမယ်။

အနာပေါ်ကနေရေနဲ့လောင်းပြီးဆေးချတာကရောဂါပိုးဝင်နိုင်တဲ့ အန္တရာယ်လျော့နည်းစေပါ တယ်။အနာပတ်ဝန်းကျင်ကို ဆပ်ပြာနဲ့ဆေးကြောသန့်စင်ပါ။ ဒါပေမယ့် အနာပေါ်ကို ဆပ်ပြာမထိပါစေနဲ့။hydrogen peroxide သို့မဟုတ် iodineဆေးရည်တွေမသုံးပါနဲ့။ အရမ်းစပ်ပါလိမ့်မယ်။ အနာထဲမှာ အစအနတွေ၊ အညစ်အကြေးတွေကို ဖယ်ထုတ်ရင်တော့ အရက်ပြန်နဲ့သန့်စင်ထားတဲ့ ဇာဂနာလေးနဲ့အသာအယာဖယ်ထုတ်နိုင်ပါတယ်။အနာပိုးသတ်ဆေးတစ်ခုခုလိမ်းပါ။ အနာကို အစိုဓါတ်ကျန်စေဖို့၊အနာကျက်စေဖို့၊အမာရွတ်မကျန်စေဖို့အတွက် ပိုးသတ်ဆေး(ဥပမာ- Septidine, Betadine) အရည် သို့မဟုတ် အဆီတစ်ခုခုကို ခပ်ပါးပါးလိမ်းပေးပါ။

တကယ်လို့ ဒဏ်ရာ ကြီးရင်၊ အနာမကျက်ရင်၊ ပိုးဝင်နေပြီလို့ယူဆရရင်၊ အနာတဝိုက်မှာ အရမ်းနာနေရင်၊ရောင်ရမ်းလာရင်၊ ဒဏ်ရာများရင် အဖျားတက်နေရင် ဆရာဝန်အမြန်ဆုံးပြပြီး ကုသမှုခံယူတာကတော့ အကောင်းဆုံးပါပဲ။အရက်ပြန်က အိမ်တိုင်းရဲ့ ဆေးသေတ္တာထဲမှာ ထားထားသင့်တဲ့ ပစ္စည်းပါ။ သူက ပိုးသတ်တာ၊ချွေးပေါက်ကျဉ်းတာ၊ လင်နမင်လိုမျိုး အသုံးဝင်တာ၊ ပစ္စည်း မျက်နှာပြင်ပေါ်က ပိုးတွေကို သေစေတာတွေအတွက် ထိထိရောက်ရောက်အသုံးဝင်ပါတယ်။ အခြေခံအားဖြင့် ပျော်ဝင်ပစ်္စည်းဖြစ်တဲ့အတွက် ဖုန်မှုန်နဲ့ အဆီတွေကိုလည်း ပျော်ဝင်စေနိုင်ပါတယ်။အရက်ပြန်ကို ထပ်ပြီးအသုံးပြုလို့ရနိုင်တဲ့ အရာများတွေနဲ့ ပြုလုပ်ပုံအဆင့်ဆင့်တွေကိုပါ ဖော်ပြပေးထားပါတယ်။

Swimmer Ear ကို ကာကွယ်ပေးခြင်း

အတွင်းနားထဲကို ရေဝင်တဲ့အခါမှာ ရေပြန်ထွက်အောင် လုပ်ဖို့အတွက် ခက်ခဲနိုင်တာကြောင့် နားထဲကို ရောဂါပိုးတွေ ဝင်ရောက်နိုင်ခြေများကာ Swimmer Ear (နားပြည်တည် )ဖြစ်လာပါတယ်။ ဒီလိုမဖြစ်အောင် အရက်ပြန်က ကာကွယ်ပေးနိုင်ပါတယ်။

အရက်ပြန်က ရေထက် အငွေ့ပြန်လွယ်တာကြောင့်ပါ

ရေဝင်တဲ့ နားထဲကို အရက်ပြန် အနည်းငယ် ထည့်ပေးလိုက်ရင် ရေနဲ့ အရက်ပြန်ရောပြီး အငွေ့ပြန်သွားတဲ့ အတွက်နားက ခြောက်သွေ့သွားပြီး ရောဂါပိုးမဝင်အောင် ကာကွယ်ပေးပါတယ်။ပြုလုပ်ပုံ – ရေဝင်နေတဲ့ နားကို အပေါ်ဘက် ထားပြီး ဘေးစောင်းအိပ်ပါ။ အရက်ပြန်နဲ့  ရှလကာရည်ကိုတစ်ဆစီ ရောထားတဲ့ အရည်ကို နားအစက်ချပြွန်နဲ့ နားထဲကို နှစ်စက်မှ လေးစက် ထည့်ပြီး ၁၀ မိနစ်စောင့်ပါ။ ပြီးရင် ရေထွက်အောင် နားကို တစ်ဖက်ပြန်စောင်းလိုက်ပါ။

ကုတ်ရာခြစ်ရာနှင့် ပြတ်ရှဒဏ်ရာကို သန့်စင်နိုင်ခြင်း အရက်ပြန်က ပိုးသတ်နိုင်တဲ့ဂုဏ်သတ္တိ ရှိတဲ့အတွက် ဒဏ်ရာမျက်နှာပြင်ပေါ်က ဘက်တီးရီးယားတွေ ထပ်မံပေါက်ဖွားမှု မရှိအောင် ကာကွယ်ပေးနိုင်ပြီး ရှိပြီးသား ဘက်တီးရီးယာ းတွေကိုလည်း သေစေနိုင်ပါတယ်။ ကျုံ့စေတဲ့ ဂုဏ်သတ္တိလည်း ရှိတဲ့အတွက် သွေးတိတ်စေနိုင်ပါတယ်။ပြုလုပ်ပုံံ – ဝါဂွမ်းအသုံးပြုပြီး ဒဏ်ရာပေါ်ကို အရက်ပြန် သုတ်လိမ်းပါ။ မိနစ် အနည်းငယ်  ခန့်ထားပြီး အစိုဓာတ်လိမ်းဆေး ထပ်မံလိမ်းပေးပါ။ (အရက်ပြန်က အရေပြားခြောက်သွေ့နိုင်တဲ့အတွက် အစိုဓာတ်လိမ်းခရင်မ်ကို အသုံးပြုရပါမယ်) ဝက်ခြံကို ကာကွယ်နိုင်ခြင်း – အရက်ပြန်ရဲ့ ရောဂါပိုးသေစေတာနဲ့အေးစေတဲ့ ဂုဏ်သတ်္တိကြောင့် ဝက်ခြံမဖြစ်အောင် ကာကွယ်နိုင်ပါ တယ်။

မွေးညင်းပေါက်တွေကို ပိတ်ဆို့ထားတဲ့ ဖုန်မှုန့်တွေကို ဖယ်ရှားဖို့ အရက်ပြန်က ကူညီပေးနိုင်ပါတယ်။ပြုလုပ်ပုံ – ဝက်ခြံဖုပေါက်တာကို သတိထားမိမိချင်း အဖုပေါ်မှာ အရက်ပြန် တို့လိုက်ပြီး ၁၀ မိနစ်ခန့်ထားထားပါ။ ပြီးရင် ရေနွေးနဲ့ ရေဆေးကြောပြီး အစိုဓာတ် ထိန်းခရင်မ်လိမ်းပေးပါ။ တစ်နေ့ နှစ်ကြိမ် အသုံးပြုနိုင်ပါတယ်။

IVY အဆိပ်တက်ခြင်းအတွက် ကုသနိုင်ခြင်း

IVY အပင် ဒါမှမဟုတ် တခြားနွယ်ပင်တွေကြောင့် အရေပြားယားယံပြီး နီရဲလာရင် အရက်ပြန်ကို အသုံးပြုနိုင်ပါတယ်။အရက်ပြန်က အေးစေတဲ့ ဂုဏ်သတ်္တိရှိပြီး အရေပြားပေါ်မှ ပိုးတွေ သေစေနိုင်တဲ့အတွက် တခြားရောဂါပိုးတွေ မဝင်ရောက်အောင်လည်း ကာကွယ်နိုင်ပါတယ်။ပြုလုပ်ပုံံ – စက္ကူပေါ်မှာ အရက်ပြန်ဆွတ်ပြီး အဆိပ်မိနေတဲ့ အရေပြားပေါ်မှာ သုတ်လိုက်ပါ။ အရေပြား လုံးဝခြောက်သွေ့သွားရင် ရေနွေးဆပ်ပြာနဲ့ ဆေးကြောပါ။ နှစ်ရက်၊ သုံးရက်အထိ ပြုလုပ်ပေးနိုင်ပါတယ်။

ခြေသည်းမှိုပိုးဝင်ခြင်းအတွက် ကုသနိုင်ခြင်း

ပိုးသေစေတဲ့ဲ ဂုဏ်သတ်္တိရှိတဲ့အတွက် ခြေသည်းမှိုေ ရာဂါအတွက်လည်း ကုသနိုင်ပါတယ်။ ခြောက်သွေ့လွယ်တဲ့အတွက် ပူနွေးစွတ်စိုတဲ့ ပတ်ဝန်းကျင်ကို နှစ်ခြိုက်ကြတဲ့ ဖန်းဂတ်စ်ပိုးတွေ ပေါက်ဖွားမှုကိုလည်း တားမြစ်ပေးနိုင်ပါတယ်။ပြုလုပ်ပုံံ – အရက်ပြန်နဲ့ ရှလကာရှည်ကို ဆတူရောထားပါ။ အဲဒီအရည်ကို ဝါဂွမ်းဆွတ်ပြီး မှိုရှိနေတဲ့ ခြေသည်းပေါ်မှာ တင်ထားပါ။ ဝါဂွမ်းနေရာမရွေ့အောင် ပတ်တီးနဲ့ ထိန်းထားပေးပါ။ မိနစ် ၃၀-၄၅ ခန့် ထားပြီး ခြေသည်းကို အမွေးနုသွားပွတ်တံနဲ့ ပွတ်တိုက်ကာ ရေဆေးချပါ။

ဦးခေါင်းမှ သန်းများ သေစေနိုင်ခြင်း

အရက်ပြန်က သန်းတွေကို ထိထိရောက်ရောက် သေစေနိုင်တဲ့ ဂုဏ်သတ်္တိရှိပါတယ် ။ပြုလုပ်ပုံံ – သန်းရှိတဲ့ ဆံပင်ပေါ်ကို အရက်ပြန် အနည်းငယ် လောင်းချပါ။ပြီးရင် သင့်လက်တွေနဲ့ ဦးခေါင်းအရေပြားနဲ့ ဆံပင်ပေါ် အရက်ပြန်တွေ နှံ့သွားအောင် ပွတ်ပေးပါ။၅-၁၀ မိနစ်ခန့် ထားပြီး ဆံပင်ပျော့ဆေးကို ဦးရေပြားအနှံ့ ပွတ်ပေးပါ။ ပြီးရင် ဘီးနဲ့ ဖြီးချကာ ခေါင်းလျှော်လိုက်ပါ။ တစ်ပတ် တစ်ကြိမ် ပြုလုပ်ပေးနိုင်ပါတယ်။

ခြင်ကိုက်ရာ အတွက် အယားသက်သာစေခြင်း

အရက်ပြန်ဟာ ခြင်ကိုက်ဒဏ်ရာ အတွက်လည်း အသုံးဝင်ပါတယ်။ ယားယံတာ၊ ရောင်ရမ်းတာနဲ့ နာကျင်မှုေ ဝဒနာတွေ သက်သာစေတဲ့အပြင် ခြင်ကိုက်ဖုလည်း အမြန်လျော့ကျသွားနိုင်ပါတယ်။ပြုလုပ်ပုံံ – ခြင်ကိုက်ဒဏ်ရာပေါ်မှာ အရက်ပြန်နဲ့ တစ်မိနစ်ခန့် နှိပ်ပြီးပွတ်ပါ။ ၁၀ မိနစ်ခန့်ထားပြီး ရေအေးနဲ့ ဆေးချပါ။ ပြီးရင် အစိုဓာတ်ထိန်းခရင်မ်လိမ်းပေးပါ။

ကြွက်သားနာကျင်ခြင်း အတွက် ကုသနိုင်ခြင်း

အရက်ပြန်ကို လင်နမင်လို အသုံးပြုနိုင်တဲ့အတွက် ကြွက်သားကိုက်ခဲတာ ဒါမှမဟုတ် အဆစ်နာကျင်တာတွေအတွက်လည်း အလွန်အသုံးဝင်ပါတယ်။ဒဏ်ရာရတဲ့ကြွက်သား ဒါမှမဟုတ် အဆစ်နေရာကို သွေးလှည့်ပတ်မှု ကောင်းမွန်စေတဲ့အတွက် ဝေဒနာ သက်သာသွားတာပါ။ပြုလုပ်ပုံံ – နာကျင်တဲ့ ကြွက်သားပေါ်မှာ အရက်ပြန်ပွတ်လိမ်းပါ။ ၁၀ မိနစ်ခန့် စက်ဝိုင်းပုံသဏ္ဌာန်နှိပ်ပေးပြီး မျက်နှာသုတ်ပဝါနဲ့ မိနစ် ၃၀ ခန့် ပတ်ထားပေးပါ။ တစ်နေ့ကို ၂-၃ ကြိမ် ပြုလုပ်နိုင်ပါတယ်။

မင်စွန်းရာကို ဖျက်နိုင်ခြင်း

အရက်ပြန်ဟာ အဝတ် ဒါမှမဟုတ် ကော်ဇောပေါ်မှ မင်စွန်းရာတွေကိုလည်းဖယ်ရှားပေးနိုင်ပါတယ်။ပြုလုပ်ပုံံ – မင်စွန်းနေတဲ့နေရာမှ စက်္ကူနဲ့ မင်စုပ်သွားအောင် ဖိကပ်ပေးပါ။ ပြီးရင် အရက်ပြန်ဆွတ်ပေးပါ။အရက်ပြန်ဆွတ်လိုက်၊ စက္ကူနဲ့ ဖိပြီး စုပ်ယူလိုက်နဲ့ အဝတ်မှာ မင်တွေ ကုန်စင်သွားတဲ့အထိ ပြုလုပ်ပေးပါ။ပြီးရင် ရေအေးနဲ့ လျှော်ချလိုက်ပါ။ကော်ဇောပေါ်မှ မင်စွန်းရာကို ဖယ်ရှားလိုရင် ဆပ်ပြာရည် နှစ်ဆ၊ အရက်ပြန် တစ်ဆ ရောစပ်ပြီး အသုံးပြုရပါမယ်။

မှန်များကို ကြည်လင်စေနိုင်ခြင်း

အရက်ပြန်ဟာ ခြောက်သွေ့နှုန်းမြန်ဆန်ပြီး စွန်းထင်းရာတွေ မကျန်နိုင်တဲ့အတွက် မှန်တွေကို ကြည်လင်စေဖို့ အသုံးပြုနိုင်ပါတယ်။လက်ပ်တော့၊ ကီးဘုတ်နဲ့ ဖုန်းမျက်နှာပြင်တွေကိုလည်း အရက်ပြန်အသုံးပြုပြီး သန့်စင်နိုင်ပါတယ်။ပြုလုပ်ပုံံ – ရေ နှစ်ခွက်၊ အရက်ပြန် ခွက်ရဲ့ လေးပုံတစ်ပုံနဲ့ ရှလကာရည် ခွက်ရဲ့ လေးပုံတစ်ပုံတို့ ရောစပ်ထားတဲ့ အရည်ကို သင် သန့်စင်ချင်တဲ့ မှန်၊ ဖန်ခွက် အစရှိတာ တွေပေါ်မှာ ဖျန်းပြီး သတင်းစာ စက္ကူနဲ့ သုတ်ပေးပါ။သင်မသိသေးတဲ့အရက်ပြန်ရဲ့အသုံးဝင်ပုံ၊ သုံးတက်ရင်ဆေး မသုံးတက်ရင်ဘေးဖြစ်စေမယ့် အကြောင်းလေးကို ဝေမျှပြီးသွားပါပြီ။ ဒါဆိုရင်တော့ သင်တို့အိမ်မှာရှိတဲ့ ဆေး‌ေသတ္တာထဲမှာ အရက်ပြန်ရှိမရှိ စစ်ဆေးလိုက်ပါဦး။ မရှိသေးဘူးဆိုရင်တော့ အမြန်ဆုံးပဲဆောင်ထားလိုက်ပါတော့နော်။

လေ့လာမှတ်သားစရာ အိမ်ခြံမြေဆောင်းပါးများ

အသက်ရှည်ချင်ရင် အိမ်မှာ ဒီအပင်တွေကို စိုက်ပါ

အိမ်ခိုက်ပြီး အိမ်သားတွေကံဆိုးစေတဲ့အရာများ

နေအိမ်များတွင်မစိုက်သင့်သော အဆိပ်ရှိသောဂမုန်းပင်

Written By : Khine Zar (ShweProperty.com)

Posted By : Sint Sint (ShweProperty.com)