ရန်ကုန်မြို့မှာ အဆောက်အအုံဆောက်လုပ်ခွင့် ပါမစ်ကို အွန်လိုင်းက လျှောက်ထားနိုင်တဲ့ Pilot Testing Phase အစီအစဉ် မိတ်ဆက်ပွဲကို သြဂုတ် ၉ ရက်က မြို့တော်ခန်းမမှာ ကျင်းပခဲ့ပါတယ်။
အွန်လိုင်းကနေ အဆောက်အအုံ ဆောက်လုပ်ခွင့်တင်တဲ့ အစီအစဉ်ကိုတော့ ဇွန်လကစပြီး လုပ်ဆောင်နေတာဖြစ်ပြီး လက်ရှိမှာတော့ ဆောက်လုပ်ခွင့် ခွင့်ပြုချက် ၅၁ ခု ခွင့်ပြုပြီးလည်း ဖြစ်ပါတယ်။
လျှောက်လွှာကိုတော့ မြေရှင်၊ အဆောက်အအုံ ဆောက်လုပ်မယ့် အင်ဂျင်နီယာနဲ့ ဗိသုကာပညာရှင်တို့ထဲက လျှောက်တင်ရမှာဖြစ်ပြီး ၁၃ ရက်အတွင်းမှာ ပြန်လည်ခွင့်ပြုမိန့်ချပေးမှာ ဖြစ်ပါတယ်။
ခွင့်ပြုမိန့်လျှောက်လွှာ ရရှိမယ်ဆိုရင် ပရင့်ထုတ်ယူနိုင်မှာ ဖြစ်ပါတယ်။ အွန်လိုင်းကနေ လျှောက်တဲ့ ပိုက်လော့ပရောချက်အစီအစဉ်က အရင်ကလို စာရွက်စာတမ်းတွေယူပြီး ရုံးကို သွားရောက် လျှောက်တင်စရာ မလိုဘူးလို့ ဆိုပါတယ်။
ဒါ့အပြင် လာမယ့် ဒီဇင်ဘာလကစပြီး အွန်လိုင်းကနေ ဆောက်လုပ်ခွင့်လိုင်စင် လျှောက်တဲ့ စနစ်ကို အတည်ပြု လုပ်ဆောင်သွားမယ်လို့ ပြောပါတယ်။
လက်ရှိမှာတော့ အဆောက်အအုံ ဆောက်လုပ်ခွင့် လိုင်စင်က တလကို ၅၀၀ လောက် ခွင့်ပြုပေးနေတယ်လို့ ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာဌာန (အဆောက်အအုံ) က တာဝန်ရှိသူက ပြောပါတယ်။
လျှောက်လွှာကို ရန်ကုန်မြို့တော် စည်ပင်သာယာရေးကော်မတီရဲ့ ybps.ycdc.gov.mm ဝက်ဘ်ဆိုက်မှာ လျှောက်ထားနိုင်မှာ ဖြစ်ပါတယ်။
Ref : The Lifestylemyanmar
Photo Credit : Nationwiderealtyinvestors
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
