မိတ်ဆွေတစ်ဦးက အိမ် နှင့် မြေဝယ်ရန် အစီအစဉ်ရှိ ကြောင်း၊ ဝယ်မည့် အိမ်တွင် မူလ အိမ်ရှင်ငှားထားသော အိမ်ငှားများ ရှိနေကြောင်း၊ အိမ်ငှားရမ်းခြင်း နှစ်ချုပ် သက်တမ်းမကုန်သေးသဖြင့် ဆက်လက်အငှားချထားလျှင် မည် သို့ ဆောင်ရွက်ရ မည်ဖြစ်ကြောင်း ဆွေးနွေးလာပါသည်။

မှန်ပါသည်။ အိမ်မြေတိုက် ခန်းများ ဝယ်ယူရာတွင် အိမ်ငှားရှိ သော အဆောက်အအုံကို ဝယ်မိ သဖြင့် အရောင်းအဝယ် ကိစ္စတွင် အိမ်ငှားများ ပါဝင်လာပေသည်။ အိမ်ငှားသက်တမ်း ကုန်သော် လည်း ဆင်းမပေးဘဲ ဆက်လက် နေထိုင်သဖြင့် တရားစွဲဆိုရသည့် အခြေအနေမျိုးလည်းရှိတတ်သည်။ ထို့ကြောင့် ဝယ်ယူစဉ်က အ ဆောက်အအုံ တိုက်ခန်းသည် အ ခန်းလွတ်မဟုတ်ဘဲ အိမ်ငှားများ ရှိ နေပါက အဆိုပါ အိမ်ငှားများနှင့် ဝယ်ယူလိုက်သူတို့ အိမ်ရှင်အိမ် ငှား သီးခြား စာချုပ် ချုပ်ဆိုရမည် ဖြစ်သည်။

အိမ်ရှင် အိမ်ငှားဆက်စပ်မှု

၁၉၆ဝ ပြည့်နှစ် မြို့ပြဆိုင် ရာ ငှားရမ်းခ ကြီးကြပ်ရေး အက် ဥပဒေပုဒ်မ ၂ (ဂ)တွင် အိမ်ရှင်ဆို သည်မှာ မိမိအတွက်ဖြစ်စေ၊ သူ တစ်ပါးအတွက်ဖြစ်စေ၊ သူတစ်ပါး၏ ကိုယ်စားဖြစ်စေ၊ ဥပစာ တစ်ခု ခုနှင့် စပ်လျဉ်း၍ ငှားရမ်းခရထိုက် ခွင့်ရှိသော သူကို ဆိုလို သည်ဟု ဖော်ပြထားပေသည်။

ထို့တူ ယင်းအက်ဥပဒေ ပုဒ်မ ၂(ဆ)တွင် အိမ်ငှားဆိုသည် မှာ ဥပစာအတွက် မိမိကိုယ်တိုင် ဖြစ်စေ၊ အခြားသူမှ တစ်ဆင့်ဖြစ် စေ ငှားရမ်းခပေးရမည့် သူတစ်ဦး တစ်ယောက် ဆိုလိုသည်ဟု ဖော် ပြထားပါသည်။

ထို့ကြောင့် အဆောက်အ ဦဝယ်စဉ်က ပါရှိလာသော မူလ အိမ်ငှှားကို မိမိနှင့် အိမ်ရှင်အိမ် ငှား ဆက်စပ်မှုရှိစေရန် အိမ်ရှင် အိမ်ငှား စာချုပ်ထပ်မံချုပ်ဆိုပြီး ငှားရမ်းခများ ရယူထားရမည်ဖြစ် သည်။ သို့မှသာ အိမ်ရှင်အိမ်ငှား ဆက်စပ်မှုရှိလာမည်ဖြစ်သည်။

နှစ်ချုပ်ငှားရမ်းသည့် ကိစ္စရပ်များတွင် အဆောက်အအုံ ရောင်းချသူ မူလအိမ်ရှင်နှင့် ငှားရမ်းခြင်းသက်တမ်းကုန်ဆုံးပြီး ဆက်လက်နေ ထိုင်ပါက ဝယ်ယူသူ ပိုင်ရှင်နှင့် အိမ်ရှင်အိမ်ငှား ဆက်စပ်မှုမရှိဘဲ အဆောက်အအုံ တွင် ကျူးကျော်နေထိုင်သူ အဖြစ် ရောက်ရှိ သွားပေသည်။

ပိုင်ရှင်ပြောင်းသွားခြင်း

အိမ်ငှားရှိသော အ ဆောက်အအုံကို ဝယ်လိုက်သဖြင့် မူလအဆောက်အအုံတွင်ရှိသော အိမ်ငှားမှာ အဆောက်အအုံဝယ် သူ၏ အိမ်ငှားအဖြစ် အလိုအ လျောက်ရောက်ရှိသွားမည် မဟုတ် ပေ။ မိမိဝယ်ယူခြင်းသည်လည်း ဥပဒေနှင့်အညီ ဝယ်ယူခြင်း ဖြစ် ရ ပေမည်။

အိမ်ခြံမြေဖြစ်ပါက စာချုပ်စာတမ်း မှတ်ပုံတင် အက်ဥပ ဒေ ပုဒ်မ ၁၇ နှင့်အညီ အရောင်း အဝယ်မှတ်ပုံတင် စာချုပ် ချုပ်ဆိုရ မည်ဖြစ် ပါသည်။ သို့မှသာ ပစ္စည်း လွှဲပြောင်းခြင်း အက်ဥပဒေ ပုဒ်မ ၅၄ အရ အဖိုးစားနားပေးအပ်ပြီး တရားဝင်လက်ရောက်ရယူ လွှဲ ပြောင်းပိုင်ဆိုင်ခွင့်ရမည် ဖြစ် သည်။

တရားရုံးချုပ်က ဆုံးဖြတ် ထုံးဖွဲ့ထားသည့် ” ဒေါ်တင်ရွှေနှင့် ဦးသောင်းညွန့် ၁၉၈၃ ခုနှစ် မြန် မာနိုင်ငံတရားစီရင်ထုံး စာမျက်နှာ ၁၈၈” အမှုတွင် ဦးသောင်းညွန့်က အချင်းဖြစ်နေအိမ်တွင် ဒေါ်တင် ရွှေသည် အိမ်ငှားအဖြစ်နေထိုင် လျက်ရှိကြောင်း၊ ငှားရမ်းခများကို ၁၉ရဝ ခုနှစ်ထိသာ ပေးခဲ့ပြီး နောက်ပိုင်းပေးရန် ပျက်ကွက်ခဲ့ ကြောင်း၊ ဒေါ်တင်ရွှေ၏ ပေါ့လျော့ ပျက်ကွက်မှုကြောင့် အချင်းဖြစ် ဥပစာပျက်စီးလာခဲ့ကြောင်း၊ ဒေါ် တင်ရွှေနှင့်အတူ နေထိုင်သူ ဦးချစ် စိန်မှာ ညဥ့်နက်သန်းခေါင်ထိ အ သံချဲ့စက်ဖွင့်သဖြင့် ရဲအက်ဥပဒေ ပုဒ်မ ၄၁ အရ မြို့နယ်တရားရုံးက ဦးချစ်စိန်အား ဒဏ်ငွေ ၇၅ ကျပ် တပ်ရိုက်ခဲ့ကြောင်း၊ ဥပစာမှ ဖယ် ရှားပေးရန် အကြောင်း ကြားစာပေး ပို့သော်လည်း ဖယ်ရှားမပေးသဖြင့် ဒေါ်တင်ရွှေအပေါ် အိမ်နှင်လိုမှု စွဲဆိုခဲ့ခြင်းဖြစ်ကြောင်း အဆိုပြု စွဲ ဆိုထားသည်။



မြို့နယ်တရားရုံးနှင့် တိုင်း တရားရုံးတို့မှ ဦးသောင်းညွန့်စွဲဆို သည့်အတိုင်း အနိုင်ဒီကရီ ချမှတ် ပေးခဲ့သဖြင့် ဒေါ်တင်ရွှေမှ တရား ရုံးချုပ်သို့ အယူခံဝင်လာခြင်း ဖြစ် သည်။

တရားရုံးချုပ်က သုံးသပ် ဆုံးဖြတ်သည်မှာ ယခုအမှုတွင် ဒေါ်တင်ရွှေ၏ အယူခံလွှာ၌ မိမိ သည် ဦးသောင်းညွန့်နှင့် အိမ်ရှင် အိမ်ငှားဆက်သွယ်မှု မရှိကြောင်း၊ မိမိ၏ အိမ်ရှင်မှာ ဦးလုံးတင်ဖြစ် ကြောင်း၊ မိမိထံမှ ဦးသောင်းညွန့် က အိမ်ငှားရမ်းခများ တောင်းခံ ဖူးခြင်း မရှိကြောင်း၊ ဦးလုံးတင်က ဦးသောင်းညွန့်အား ကတိစာချုပ် ဖြင့် အချင်းဖြစ်နေအိမ်ကို ရောင်း ချသည်ဟု ဆိုသော်လည်း ယင်း စာချုပ်မှာ မှတ်ပုံတင်စာချုပ်မ ဟုတ်ကြောင်း တင်ပြထုချေထား သည်။

ယခုအမှုတွင် ဦးလုံးတင် က အချင်းဖြစ်နေအိမ်ကို ဦး သောင်းညွန့်သို့ သက်သေခံ စာ ချုပ်ဖြင့် ရောင်းချခဲ့သည်ဆိုသော် လည်း ထိုစာချုပ်မှာ မှတ်ပုံတင် အက်ဥပဒေပုဒ်မ ၁၇ နှင့် ပစ္စည်း လွှဲပြောင်းရေး အက်ဥပဒေ ပုဒ်မ ၅၄ ပါ ပြဋ္ဌာန်းချက်များနှင့်အညီ မှတ်ပုံတင်ထားခြင်းမရှိသည့် အ လျောက် အရောင်းအဝယ်မှာ အ ထမမြောက်ချေ။ ထိုကြောင့် ဦး သောင်းညွန့်မှာ အိမ်ပိုင်ရှင်ဖြစ်မ လာပေ။

ပစ္စည်းလွှဲပြောင်းခြင်း အက်ဥပဒေ ပုဒ်မ ၁ဝ၉ တွင် အ ငှားချထားသူထံမှ လွှဲပြောင်းခံယူ သူ၏ ပိုင်ရေး ပိုင်ခွင့်နှင့် ပတ်သက် ၍ အငှားချထားသူက လွှဲပြောင်း ပေးသည့် ပစ္စည်းကို ပိုင်ဆိုင်သမျှ၊ ပိုင်ရေးပိုင်ခွင့်အရပ်ရပ်အား လွှဲ ပြောင်းခံယူသူက ရရှိစေရမည်ဖြစ် သည်ဟု ပြဋ္ဌာန်းထားသည်။

ယခုအမှုတွင် ဦးသောင်း ညွန့်မှာ အိမ်ပိုင်ရှင်မဖြစ်သော ကြောင့် ဒေါ်တင်ရွှေသည်လည်း ဦးသောင်းညွန့်၏ အိမ်ငှားဖြစ်လာ သည်ဟု မဆိုနိုင်ပေ။ ဦးသောင်း ညွန့်ကလည်း ဒေါ်တင်ရွှေထံမှ ငှားရမ်းခများကို ကောက်ခံခဲ့ခြင်း မရှိကြောင်း ထွက်ဆိုထားသည်။ ထို့ကြောင့် ဦးသောင်းညွန့်မှာ ဒေါ် တင်ရွှေနှင့် အိမ်ရှင်အိမ်ငှား ဆက် သွယ်မှုရှိကြောင်း မပေါ်ပေါက်ဟု သုံးသပ်ပြီး ဦးသောင်းညွန့်စွဲဆို သည့် အမှုကို ပလပ်ခဲ့ပေသည်။

သို့ဖြစ်၍ အိမ်ငှားရှိသော အိမ်နှင့် မြေကို ဝယ်ယူပါက တရားဝင် မှတ်ပုံတင်အရောင်းအဝယ် စာချုပ် ပြုလုပ်ချုပ်ဆိုမှသာ အိမ်ငှား ချထားသူထံမှ ငှားရမ်း ထားသည့် အခွင့်အရေးသည် ပစ္စည်းလွှဲပြောင်းခြင်း အက်ဥပဒေ ပုဒ်မ ၁ဝ၉ အရ ရရှိမည်ဖြစ် သည်။ သို့မဟုတ်ပါက ဝယ်သူမှာ အိမ်ငှားအပေါ် စီမံခန့်ခွဲနိုင်သည့် အခွင့်အရေး ဆုံးရှုံးသွားမည်ဖြစ် ပြီး ဝယ်ယူထားသည့် အဆောက် အအုံ ပင်ဆုံးရှုံးသွားနိုင်ကြောင်း ဗဟုသုတအဖြစ်ရေးသား လိုက်ပါ သည်။

ဖတ်ရှုမှုအများအဆုံး အိမ်ခြံမြေဗဟုသုတများ

သင့်ဇာတာမှာ ဘယ်လိုအိမ်မျိုးနဲ့နေရမလဲ

လှေဦးတိုက် လှည်းဦးတိုက် အိမ်တွေမှာနေရင် ဘာဖြစ်တက်လဲ

မြေအမျိုးအစား အလိုက်စာရွက်စာတမ်း စစ်ဆေးရမည့် ပုံစံများ

စရံငွေပေးပြီးမှ ရောင်းသူ အိမ်မြေပိုင် ကွယ်လွန်သွားလျှင်


Credit By :ထီယု (ဥပဒေ အတိုင်ပင်ခံ)
Posted By :Chan Myae (ShweProperty.com)