ရန်ကုန်-ဒလ (ကိုရီးယား-မြန်မာ) ချစ်ကြည်ရေးတံတားတည်ဆောက်ခြင်းသည် မြို့ပြဖွံ့ဖြိုးမှုရဲ့ ပြယုဂ်ဖြစ်သောကြောင်း ယင်းတို့နဲ့ဆက်စပ်နေတဲ့ အိမ်ခြံမြေသည် ရုတ်ချည်းဆိုသလို လှုပ်ရှားခဲ့ပါတယ်။ဒလမြို့နယ်သည် ယခင်က လမ်းပန်းဆက်သွယ်ရေးကြောင်း စိတ်ဝင်ဝင်စားမှု နည်းနေသောမြို့ဖြစ်ပါတယ်။အခုဆိုရင်တော့ လှုပ်လှုပ်ရှားရှားနဲ့ အိမ်ခြံမြေခေါ်ဈေးတွေကလည်း မိုးထိမြင့်နေသယောက်ဖြစ်နေပါတယ်။

၂၀၁၄ ခုနှစ်ကတည်းက တံတားစီမံကိန်းအကောင်အထည်ဖော်မည်ဟု သတင်း အတည်ပြုပြီးနောက် တွင် ခြံမြေ ပေ ၄၀× ၆၀ မြေတစ်ကွက် လျှင် ယခင်ပေါက်ဈေး ကျပ်သိန်း ၃၀၀ ခန့်မှ သိန်း ၁,၀၀၀ အထိ တစ်ဟုန်ထိုး ဈေးမြင့်တက်သွားခဲ့ပါတယ်။ယင်းသို့ ဈေးမြင့်တက်လာသကဲ့သို့ မြေကွက်အရောင်းအဝယ် များမှာလည်း ကြိုက်ရောင်း၊ကြိုက်ဝယ်ဈေးဖြစ်သွားပြီး မြေကွက်တစ်ကွက်လျှင် အနိမ့်ဆုံးကျပ်သိန်း ၁,၀၀၀ ကျော်အထိ ပေးဝယ်သူများရှိလာကြောင်း ဒေသခံတွေကဆိုပါတယ်။

လက်ရှိမှာတော့ အိမ်အငှားဈေး ကွက်သာအားကောင်းနေပြီး တစ်လလျှင် ကျပ်သုံးသောင်းမှ ကျပ် တစ်သိန်းအထိ ပေးရသည့် နှုန်း ထားများ အငှားသွက်နေ ကြောင်း အိမ်ခြံမြေ အကျိုးဆောင်များက ပြောကြားကြပါတယ်။ဒလမြို့နယ်ဆိုသည်မှာ ယခင်က ကျေးရွာအုပ်စု ဖြစ်ခဲ့ပြီးနောက် မြို့နယ်တစ်ခုအဖြစ် သတ်မှတ်ခဲ့ခြင်း ဖြစ်သည်။ ၁၉၇၄-ခုနှစ်တွင် ရန်ကုန်မြို့တော် စည်ပင်သာယာရေး ကော်မတီ နယ်နိမိတ်အတွင်း ထည့်သွင်းခဲ့သည်။ ဒလမြို့ အနောက်ဘက်တွင် တွံတေးတူးမြောင်းနှင့် မြောက်ဘက်တွင် ရန်ကုန်မြစ်တို့ ဆက်သွယ်စီးဆင်းနေသည်။

ထို့ကြောင့်ရန်ကုန် ဒလတံတား စီမံကိန်း ကြီးသည် ဒလမြို့အတွက် အကြီးအကျယ် တိုးတက်စေမယ့် အလားလာမှာရှိနေတာတော့ အမှန်ပါ။ တံတားရဲ့ အကျယ်မှာ မီတာ ၄၀ ရှိပြီး လက်ရှိလမ်းအ ကျယ်မှာ မီတာ ၃၀ ကျော်သာရှိ ခြင်းကြောင့်လိုနေသည့် မြေနေ ရာအတွက် မြေသိမ်းခြင်းနှင့် ငှားရမ်းခြင်းများလုပ်ဆောင်မည်ဖြစ် ပြီး အဆိုပါမြေသိမ်းခြင်းနှင့် ငှားရမ်းခြင်းများအတွက် လျော်ကြေးများလည်း ပေးခဲ့ပြီး ဖြစ်ကြောင်းလည်း ဆောက်လုပ်ရေးဝန် ကြီးဌာနက သတင်းများအရသိရှိပြီးဖြစ်ပါတယ်။

ရန်ကုန် - ဒလမြစ်ကူးတံတား တည်ဆောက်ရေး စီမံကိန်းကို ၂၀၁၈ ခုနှစ် ဇန်နဝါရီလ ပထမပတ်ကတည်းက စတင်မည်ဟု ရန်ကုန်တိုင်းဒေသကြီးအစိုးရက သတင်းထုတ်ပြန်ထားခြင်းဖြစ်ပါတယ်။ ယင်းတံတားစီမံကိန်းကိုသုံးနှစ်အတွင်း တည်ဆောက်မည်ဖြစ်ပြီး ယခုနှစ်ဆန်း ၂၀၂၁ ခုနှစ် ဇန်နဝါရီလခန့်တွင် တံတားကို ဖွင့်လှစ်ရန် ပြည်ထောင်စုအစိုးရအဖွဲ့က စီစဉ်ထားပြီးလည်း ဖြစ်ပါတယ်။ဒလမြို့သည် ၁၀.၉၃ စတုရန်းမိုင် ကျယ်ဝန်းပြီး ရပ်ကွက်ပေါင်း (၂၃)ရပ်ကွက်၊ ကျေးရွာအုပ်စုပေါင်း (၂၃)အုပ်စု၊ ရွာပေါင်း (၄၅)ရွာဖြင့် ဖွဲ့စည်းထားသည်။ ဒလမြို့မှတဆင့် တွံတေး၊ ကော့မှူး၊ ကွမ်းခြံကုန်း၊ဒေးဒရဲ၊ ဖျာပုံ၊ ကျိုက်လတ်မြို့များသို့ပါ ဆက်သွယ်သွားလာနိုင်သည့် အဓိက မြို့နယ်တစ်နယ် ဖြစ်သောကြောင့် ကုန်သွယ်စီးဆင်းမှုများလည်း ယခင်ကထက်စာရင် ဆတိုး အဟုန်မြင့်တက်လာမှာလည်း ဖြစ်ပါတယ်။

ဒလတံတား စီမံကိန်း ပြီးစီးပါက ဧရိယာအကျယ်အဝန်း ၈၆ ဒသမ ၅ စတုရန်းမိုင်ရှိ ဒလ မြို့နယ်၏ ခန့်မှန်း လူဦးရေ တစ်သိန်းငါးသောင်းကျော် အတွက် မြို့ပြဖွံ့ဖြိုးမှုအပါအဝင် ကဏ္ဍစုံ ဖွံ့ဖြိုးတိုးတက်လာမည်ဖြစ်ပြီး ဒလမြို့နယ် နှင့် တစ်ဆက်တစ်စပ်တည်း ရှိနေသည့် တွံတေး၊ ကော့မှူး၊ကွမ်းခြံကုန်းမြို့နယ်များ သည်လည်း မြို့ပြအသွင်ဆောင်ပြီး တစ်ပြိုင်တည်း ဖွံ့ဖြိုးတိုးတက်လာမည် ဖြစ်ကြောင်း မြို့ပြကျွမ်းကျင်သူများက သုံးသပ်ပါတယ်။ငါးနှစ်တာ ကာလအတွင်း အစိုးရသစ် အပြောင်းအလဲမှာ နိုင်ငံခြားတိုက်ရိုက်ရင်းနှီးမြှုပ်နှံမှု (FDI) ဝင်ရောက်မှုအခြေအနေနှင့် ဖွံ့ဖြိုးလာမည့် စီးပွားရေးဈေးကွက်တို့ကို မျှော်လင့်ကာ နိုင်ငံတကာအဆင့်မီရုံးခန်းများ၊ အိမ်ရာများကို အပြိုင်တည်ဆောက်ခဲ့ကြခြင်းဖြစ်သည်။

ရန်ကုန်ဒလ စီမံကိန်း စစချင်းကတည်းက အရောင်းအဝယ် ရပ်သလောက်နီးပါးရှိခဲ့သော ရန်ကုန်မြို့လယ်တစ်ဖက်ကမ်းရှိ ဒလမြို့နယ်က စီမံကိန်းတည်ဆောက်ရန် အစိုးရက အတည်ပြုလိုက်ပြီးနောက်ပိုင်း အရောင်းအဝယ် ပြန်သွက်လာခြင်းဖြစ်သည်။ထိုကဲ့သို့ တစ်နေတည်းမှာပဲ စုပြုံပြီး ဝယ်လိုအား မြင့်တက်နေပါက ဈေးကွက်ပြန်လည်ထိန်းချုပ်ရန် ခက်ခဲနေမည်ဖြစ်ကြောင်း ယင်းသို့ ဖြစ်နေခြင်းများသည် ဈေးကွက်ဝယ်လိုအားကို မတွက်ချက်ကြခြင်းနှင့် အစိုးရ၏ မြေယာ ကိုင်တွယ်မှုပေါ်လစီများကြောင့် ဖြစ်ကြောင်း အိမ်ခြံမြေအကျိုးဆောင်ဥပဒ ကျွမ်းကျင်တစ်ဦးက ဝေဖန်ထောက်ပြထားပါတယ်။

ရန်ကုန်တစ်ဖက်ကမ်း မြို့နယ်များဖြစ်သည့် ဒလ၊ ကော့မှူး၊ ကွမ်းခြံကုန်း၊ ဆိတ်ကြီးခနောင်တိုနှင့် တွံ့တေးမြို့ များမှ လူ၂၀၀၀ ခန့်သည် ၂၀၁၂ ကတည်းက မြန်မာနှင့် တောင်ကိုရီးယား နှစ်နိုင်ငံအကြား သဘောတူထားခဲ့သည့် ဒလတံတားစီမံကိန်းကို အမြန်ဆုံးစတင်ရန် တောင်းဆိုခဲ့ကြပါတယ်။ ၎င်းတို့မြို့၏တိုးတက်မှုပြယုဂ်ကို အမြန်ဆုံးဖြစ်စေချင်တာကြောင့် တိုက်တွန်းပြောဆိုခဲ့ကြခြင်းဖြစ်သည်။ရန်ကုန်-ဒလထိုးမည့် ဒလတံတား စီမံကိန်းတွင် အချင်းတစ်ပေခွဲရှိ ရေပိုက် လိုင်းနှစ်လိုင်းကို တံတား၏ ဘယ်ညာတွင် ထည့်သွင်းတည်ဆောက်သွားမည် ဖြစ် သည့်အတွက် ဒလဒေသခံများ နှစ်ပေါင်း များစွာ ခံစားလာခဲ့ရသည့် ရေရှားပါးမှု ပြဿနာကို ဖြေရှင်းပေးနိုင်မည်ဖြစ်သောကြောင့် တံတားကြီး အမြန်အကောင်အထည် ပေါ်လာရန် ဒေသခံများလိုလားကြပါတယ်။

လက်ရှိ အိမ်၊ ခြံ၊ မြေဈေးကွက်အခြေအနေသည် Red Line ဟုခေါ်သော အန္တရာယ်ရှိ  အခြေအနေနှင့် နီးကပ်နေပြီး ၅၀ ရာခိုင်နှုန်းအထိ ကျဆင်းသွားနိုင်ခြေရှိနေကြောင်း ကျွမ်းကျင်သူများ သုံးသပ်ထားကြပါတယ်။အိမ်၊ ခြံ၊ မြေ၏ ရိုက်ခတ်မှုဂယက်က နိုင်ငံစီးပွားရေးကို ပိုဆိုးသွားစေနိုင်ပါတယ်။အဆိုပါတံတားတည်ဆောက်ရန် စီမံကိန်းများရေးဆွဲပြီးနောက်ပိုင်းတွင် ဒလမြို့နယ်အိမ်ခြံမြေဈေးနှုန်း ၂၅ x ၅ဝ မြေကွက်တကွက်လျှင် သိန်းတထောင်ကျော်ထိ မြင့်တက်ခဲ့ပါတယ်။ လက်ရှိ မြေကွက် ဈေးနှုန်းများမှာ ဒလ-တွံတေး လမ်းမကြီး ဘေးရှိ ၂၅ x ၅ဝ မြေကွက် တကွက်လျှင် သိန်း ၇၅ဝ ကျပ်မှ သိန်း ၉ဝဝ ကျပ်အထိ သာရှိပြီး အတွင်းပိုင်းရှိ မြေကွက် ၂၅ x ၅ဝ တကွက် သိန်း ၃ဝဝ ကျပ်မှ သိန်း ၅ဝဝ ကျပ်အထိ သာရှိကြောင်းနှင့် လယ်တစ်ဧကလျှင် ကျပ်သိန်း ၃ဝ မှ သိန်း ၇ဝ ကျော်အထိသာရှိတယ်လို့ သိရပါတယ်။

ကန်ဒေါ်လာ ၁၆၈ ဒသမ ၁၇၄ သန်း ကုန်ကျမည့် အဆိုပါ ကိုရီးယား-မြန်မာ ချစ်ကြည်ရေးတံတား ဒီဇိုင်းပုံစံအတွက် ဆောက်လုပ်ရေးဝန်ကြီးဌာနနှင့် ဆိပ်ကမ်းအာဏာပိုင်တို့အကြား ၂၀၁၂ ကတည်းက ကာလရှည်ကြာ သဘောထားကွဲလွဲခဲ့ကြခြင်း ဖြစ်သည်။ရန်ကုန်တွင်တည်ဆောက်ရန် စီစဉ်နေသည့် ဒလတံတား၏ဒီဇိုင်းသည် မြစ်အတွင်း ကုန်တင်သင်္ဘောများ သွားလာမှုကို အနှောင့်အယှက်ဖြစ်စေပြီး ရေရှည်တွင် နိုင်ငံ့စီးပွားရေးကို ထိခိုက်နိုင်ကြောင်း မြန်မာ့ဆိပ်ကမ်းအာဏာပိုင် သတင်းစာရှင်းလင်းပွဲ ပြုလုပ်ပြီး သတိပေးခဲ့ဖူးပါတယ်။ဆောက်လုပ်ရေးဝန်ကြီးဌာနက ရွေးချယ်ထားသည့် မြစ်လယ် တိုင်နှစ်တိုင်ပါ တံတားဒီဇိုင်းကြောင့် သင်္ဘောသွားလာမှုကို အကြီးအကျယ် အနှောင့်အယှက်ဖြစ်စေပြီး ကုန်သေတ္တာသယ်ယူ ပို့ဆောင်ရေးကို အဓိက မောင်းနှင်နေသည့် မြစ်အထက်ဘက်မှ ဆိပ်ကမ်းများ အခက်တွေ့နိုင်ကြောင်း ထောက်ပြခဲ့ခြင်းဖြစ်သည်။

အဆိုပါ ကိုးရီးယား-မြန်မာ ချစ်ကြည်ရေးတံတားကို ကိုးရီးယားနိုင်ငံ၏ စီးပွားရေးဖွံ့ဖြိုးမှု ရန်ပုံငွေ (EDCFI Loan) ချေးငွေ ကန်ဒေါ်လာ ၁၃၇ ဒသမ ၈၃၃သန်း၊ ပြည်တွင်းရန်ပုံငွေကျပ် ၃ဝ ဒသမ ၃၄၁ သန်း၊ စုစုပေါင်း ကန်ဒေါ်လာ ၁၆၈ ဒသမ ၁၇၄ သန်းဖြင့် တည်ဆောက် မည် ဖြစ်ကြောင်း ကနဦး ခန့်မှန်းတွက်ချက်ထားခြင်းဖြစ်သည်။တံတားစီမံကိန်းအတွင်း မလွတ်ကင်းသည့် မြေနှင့်အဆောက်အအုံများအတွက် လျော်ကြေး အဖြစ်၂ဝ၁၇ ခုနှစ်တွင် ကျပ် သုံးဘီလျံကျော်ကို လေးသုတ်ခွဲပေးခဲ့ကာ ဒလဆိပ်ကမ်းအာဏာပိုင်မြေပေါ် ကမာကဆစ်ရပ်ကွက် ရှိ ကျူးကျော်အိမ်များကိုလည်း ၂ဝ၁၈ မတ်လအတွင်း ရန်ကုန်တိုင်းအစိုးရက နစ်နာကြေးပေးအပ်ခဲ့ပါတယ်။

ဒလတံတားစီမံကိန်းမှာ စုစုပေါင်း တံတားအရှည် ၁၈၆၇ မီတာ၊ အကျယ် ၂၆ ဒသမ ၅ မီတာ၊ လေးလမ်းသွား ဖြစ်ပြီး ဘိုးပိုင်အုတ်မြစ်၊ သံကူကွန်ကရစ်ကိုယ်ထည်အပေါ်တွင် သံမဏိကြိုးဆိုင်းတံတားဖြစ်ကာတံတား၏ ခံနိုင်ဝန်မှာ ၇၅ တန် ဖြစ်ပြီး ယခုအခါ တံတားတည်ဆောက်ရေး စီမံကိန်းတစ်ခုလုံး၏ ခုနစ်ရာခိုင်နှုန်း ပြီးစီးနေပြီ ဖြစ်ကြောင်းသိရသည်။အဆိုပါ ဒလတံတား တည်ဆောက်ရေးစီမံကိန်းကို ကိုရီးယားသမ္မတနိုင်ငံဘက်မှ ချေးငွေအမေရိကန်ဒေါ်လာ ၁၅၇ ဒသမ ၈၃ သန်း၊ မြန်မာဘက် မှထည့်ဝင်ငွေ အမေရိကန်ဒေါ်လာ ၃၀ ဒသမ ၃၄ သန်း စုစုပေါင်း ၁၈၈ ဒသမ ၁၇ သန်းဖြင့် တည်ဆောက်ခြင်းဖြစ်ပြီး ၂၀၁၉ ခုနှစ် မေလတွင် တည်ဆောက်ရေးလုပ်ငန်းများစတင်ခဲ့ကာ ၂၀၂၂ ခုနှစ် အောက်တိုဘာလတွင် ဆောင်ရွက်ပြီးစီးမည်ဖြစ်ကြောင်းသိရပါတယ်။

ဒ့ါအပြင် ရန်ကုန်ဘက်ကမ်းနှင့် ဒလဘက်ကမ်းကို ဆက်သွယ်သွားလာ နိုင်မည့် ဒလတံတား တည်ဆောက်ပြီးချိန် တွင် ရန်ကုန်မြို့မှ ဒလ၊ တွံတေး၊ ကော့မှူး၊ ကွမ်းခြံကုန်းမြို့နယ်တို့သို့ လည်းကောင်း၊ ဒေးဒရဲတံတားမှတစ်ဆင့် ဒေးဒရဲ၊ ဖျာပုံ၊ ကျိုက်လတ်၊ ဘိုကလေး စသည့်မြို့များ၊ ကမ်းခြေဒေသများ အပါအဝင် ဧရာဝတီ တိုင်းဒေသကြီးတစ်တိုင်းလုံးသို့ လည်း ကောင်း လွယ်ကူလျင်မြန်စွာ သွားလာနိုင်မည်ဖြစ်သည်။ ယင်းကဲ့သို့ ကူးလူးမှုမြန်ဆန်လာလျှင် ကုန်သွယ်စီးဆင်းမှာလည်း တိုးတက်လာပြီး စျေးကွက်အခင်းအကျင်း စီးပွားရေးအခွင့်အလမ်းတွေလည်း များစွာ ရှိလာနိုင်မှာပါ။ အသေးစား အလတ်စားစီးပွားရေးလုပ်ငန်းရှင်တွေ အတွက်လည်း မျက်စိကျစရာလည်း ဖြစ်နေမှာပါ။

ယခုလက်ရှိ ရန်ကုန်မြို့တွင် တွေ့ကြုံနေရသည့် ယာဉ်ကြောပိတ်ဆို့မှု ကိုလည်း အတိုင်းအတာ တစ်ခုအထိ လျော့ပါးသက်သာ သွားမည်ဖြစ်ကြောင်း တံတားဦးစီးဌာနက သုံးသပ်ထားပါသေးတယ်။ဒလမြို့နယ်က ရှေးနှစ်ပေါင်း များစွာကတည်းက မွန်လူမျိုးတွေတည်ထောင်ခဲ့တဲ့ သုဝဏ္ဏဘူမိပြည်ရဲ့ မြိုပြနိုင်ငံ တစ်ခု ၁၃၈၆ ၁၃၈၆ ကနေ ၁၄၂၂ အထိဖြစ်ပွားခဲ့တဲ့ အင်းဝနဲ့ ဟံသာဝတီ ၃၆ နှစ်ကြာစစ်ပွဲမှာ ဒလ ဆိုတာ ထင်ထင်ရှားရှား အဓိကနေရာက ပါဝင်ခဲံတယ်။မြန်မာ ဘုရင်ကတလှည့် မွန်ဘုရင်ကတစ်လှည့် အပြန်အလှန် အာဏာတည်ခဲ့တဲ့ နေရာတစ်ခုပေါ့ ဒလ ကို ပုဂံခေတ်က တလ လို့ ခေါ်ဆိုပြီး တလ ဆိုတာက မွန်ဘာသာစကား တုန်တလဲ့ ကနေဆင်းသက်လာတာဖြစ်ပြီး တုန်တလဲ့ ဆိုတာက မွန်ဘာသာနဲ့ သူရဲကောင်းမြို့ လို့ အဓိပ္ပာယ် ရတယ်။ဒလမှာ ထူးခြားချက်ကတော့ သစ် အဟောင်းဆိုင်တွေ အများအပြား ရှိနေခြင်းဖြစ်သည်။

နောက်ဆုံးရ သတင်းများ

အငြိမ်းစား ဝန်ထမ်းအိမ်ရာတိုက်ခန်းများ အများပြည်သူကိုပါ ရောင်းပေးမည်

ဒဂုံအရှေ့မြို့နယ်ရှိ လယ်မြေတွင် ဆေးရုံတစ်ရုံ ဆောက်လုပ်မည်

ရန်ကုန်မြို့သစ်စီမံကိန်း၊ ပုသိမ်စက်မှုမြို့တော်စီမံကိန်းနှင့် အလားအလာရှိသော မြန်မာ့ကမ်းလွန်သဘာဝဓာတ်ငွေ့ လုပ်ငန်းများ အပါအဝင် ရင်းနှီးမြှုပ်နှံနိုင်မည့်စီမံကိန်းများ

၂၀၂၂ ခုနှစ်၊ အောက်တိုဘာလတွင် အပြီးသတ်တည် ဆောက်သွားမည့် ရန်ကုန်-ဒလ တံတားစီမံကိန်း

Written By : Khine Zar (ShweProperty.com)

Posted By : Sint Sint (ShweProperty.com)