လာမည့် ၂၀၁၈-၂၀၁၉ ဘဏ္ဍာနှစ်အ တွင်း ကျန်းမာရေးနှင့် အားကစားဝန်ကြီးဌာနက ဝန်ထမ်းအိမ်ရာများ တိုးမြှင့်တည်ဆောက်မည်ဖြစ်ရာ ဆောက်လုပ်ရေးကိစ္စများကို ကျန်းမာရေးနှင့် အားကစားဝန်ကြီးဌာန၊ သက်ဆိုင်ရာတိုင်းဒေသကြီး/ ပြည်နယ်အစိုးရအဖွဲ့များနှင့် ဆောက်လုပ်ရေးဝန်ကြီးဌာနတို့ ညှိနှိုင်းလုပ်ဆောင်သွားမည်ဖြစ်ကြောင်း ကျန်းမာရေးနှင့်အားကစားဝန်ကြီးဌာနမှ သိရသည်။
လာမည့်ဘဏ္ဍာနှစ်တွင် ဝန်ကြီးဌာနအနေဖြင့် ဆေးရုံ၊ ဆေးခန်းများ အသစ်ဆောက်လုပ်ခြင်းကို ခေတ္တဆိုင်းငံ့လျှော့ချထားမည်ဖြစ်ပြီး ဆောက်လက်စဆေးရုံ၊ ဆေးခန်းများကိုမူ ရန်ပုံငွေဆက်လက်ခွဲဝေချထားဆောင်ရွက်ပေးမည်ဖြစ်ကြောင်းနှင့် နိုင်ငံတော်မှ ခွဲဝေချထားပေးသည့် ကျန်ရှိသော ဆောက်လုပ်ရေးဆိုင်ရာ ရန်ပုံငွေများကို တစ်ပြည်လုံးရှိ ပြည်နယ်၊ တိုင်းဒေသကြီးအသီးသီးတွင် ဝန်ထမ်းအိမ်ရာများအား ဦးစားပေး အစီအစဉ်အလိုက် အမြန်ဆုံး ဆက်လက်တည်ဆောက်သွားမည်ဖြစ်ကြောင်းနှင့် ဆောက်လုပ်ရေးကိစ္စများကို သက်ဆိုင်ရာ ပြည်နယ်/တိုင်းဒေသကြီး အစိုးရအဖွဲ့များနှင့် ဆောက်လုပ်ရေးဝန် ကြီးဌာနတို့အား အကူအညီတောင်းခံဆောက်လုပ်သွားမည်ဖြစ်ကြောင်း သိရသည်။
ကျန်းမာရေးနှင့် အားကစားဝန်ကြီးဌာနအနေဖြင့် ဝန်ထမ်းများ၏ လုပ်ငန်းခွင်၌ အဆင်ပြေချောမွေ့စွာ တာဝန်ထမ်းဆောင်နိုင်ရေး၊ အိမ်ငှားနေရခြင်းဖြင့် ငွေကြေးကုန်ကျမှုများ၍ လစာစုဆောင်းရရှိမှုနည်းပါးခြင်း၊ ဝန်ထမ်းအိမ်ရာများတွင် တစ်စုတစ်စည်းတည်းနေထိုင်ခြင်းအားဖြင့် လုံခြုံရေးကောင်းမွန်ပြီး ရင်းနှီးသောမိတ်ဆွေ အသိုင်းအဝိုင်းပတ်ဝန်းကျင်တွင် နေထိုင်ရခြင်း စသည်တို့ကြောင့် လာမည့် ၂၀၁၈- ၂၀၁၉ ဘဏ္ဍာနှစ်တွင် ဝန်ကြီးဌာနအနေဖြင့် မဖြစ်မနေအသစ် တည်ဆောက်ရမည့် ဆေးရုံ၊ ဆေးခန်းနှင့် လက်ရှိဆောက်လုပ်ဆဲ ဆေးရုံ၊ ဆေးခန်းများ မှလွဲ၍ဆေးရုံအသစ်ဆောက်လုပ်ခြင်းကို တစ်နှစ်တာ ရပ်နားမည်ဖြစ်ကာ ပိုလျှံသော ရန်ပုံငွေကို ဝန်ထမ်းအိမ်ရာများအား တိုင်းဒေသကြီးနှင့် ပြည်နယ်အသီးသီးတွင် တာဝန်ထမ်းဆောင်လျက်ရှိသော ဦးစီးဌာနအသီးသီးရှိ ဝန်ထမ်းများအတွက် ဦးစားပေးအစီအစဉ်ဖြင့် ထပ်မံတိုးချဲ့ဆောက်လုပ်ပေးမည်ဖြစ်ကြောင်း သိရသည်။
ဝန်ကြီးဌာနအနေဖြင့် တိုင်းဒေသကြီး နှင့်ပြည်နယ်အသီးသီးတွင် ဦးစီးဌာနအသီးသီးရှိ ဝန်ထမ်းများအတွက် ဆောက်လုပ်ရန် လိုအပ်လျက်ရှိသော ဝန်ထမ်းအိမ်ရာစာရင်းကို ၂၀၁၈-၂၀၁၉ ဘဏ္ဍာနှစ်တွင် ဦးစားပေး အစီအစဉ်ဖြင့် တည်ဆောက်နိုင်ရေးအတွက် တိုင်းဒေသကြီးနှင့် ပြည်နယ်ပြည်သူ့ကျန်းမာရေးနှင့် ကုသရေးဦးစီးဌာနမှူးများမှတစ်ဆင့် ဒီဇင်ဘာ ၃ ရက်က တောင်းခံပြီးဖြစ်ကြောင်း သိရသည်။
ကျန်းမာရေးနှင့် အားကစားဝန်ကြီးဌာန က ယခု ၂၀၁၇-၂၀၁၈ ဘဏ္ဍာနှစ်အတွင်း ရန်ပုံငွေ ကျပ်ဘီလျံတစ်ထောင်ကျော်ရရှိထားကြောင်း၊ ဝန်ကြီးဌာန၏ဘဏ္ဍာနှစ်အလိုက် ရန်ပုံငွေရရှိမှုမှာ ၂၀၁၁-၂၀၁၂ ဘဏ္ဍာနှစ် တွင် ကျပ် ၈၆၅၈၂ ဒသမ ၈၇၁ သန်း (ကျပ် ၈၆ ဘီလျံကျော်) ၊ ၂၀၁၂-၂၀၁၃ ဘဏ္ဍာနှစ် တွင် ကျပ် ၃၄၉၆၃၀ ဒသမ ၉၆၇ သန်း (ကျပ် ၃၄၉ ဘီလျံကျော်)၊ ၂၀၁၃-၂၀၁၄ ဘဏ္ဍာ နှစ်တွင် ကျပ် ၄၈၅၂၆၃ ဒသမ၂၉၈သန်း (ကျပ် ၄၈၅ ဘီလျံကျော်)၊ ၂၀၁၄-၂၀၁၅ ဘဏ္ဍာနှစ်တွင် ကျပ် ၇၀၈၉၄၉ ဒသမ ၀၀၆ သန်း (ကျပ် ၇၀၈ ဘီလျံကျော်)၊ ၂၀၁၅-၂၀၁၆ ဘဏ္ဍာနှစ်တွင် ကျပ် ၈၄၅၅၅၃ ဒသမ ၃၆၂ သန်း (ကျပ် ၈၄၅ ဘီလျံကျော်)၊ ၂၀၁၆-၂၀၁၇ ဘ ဏ္ဍာနှစ်တွင် ကျပ် ၈၅၀၆၄၄ ဒသမ ၇၀၆ သန်း (ကျပ်ဘီလျံ ၈၅၀ ကျော်) အသီးသီးရရှိ ခဲ့ကြောင်း သိရသည်။
Ref & Photo Credit : Eleven Media
Posted By : Ra Wai (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
