မိမိအိမ်ထဲမှာ အင်းဆက်ပိုးမွှားတွေ ကျူးကျော်ဝင်ရောက်လာတာဟာ အလွန်ပဲစိတ်ညစ်ဖို့ကောင်းပါတယ်။ သူတို့တွေက ပရိဘောဂတွေ အဝတ်အစားတွေကို ဖျတ်စီးလေ့ရှိတဲ့အပြင် လူတွေစားမဲ့အစားအစားတွေကိုလည်း လုယူဖျတ်စီးတတ်ကြတယ်။ ဒါ့အပြင် ကလေးတွေကိုလည်း ကြောက်လန့်စေပါတယ်။
 
ဒီလိုစိတ်အနှောက်အယှတ်တွေပေးတဲ့ အင်းဆက်ပိုးမွှားတွေကို နှိမ့်နှင်းဖို့အတွက် နည်းလမ်းလေးတွေ ပြောပြပေးသွားမှာပါ။
 
ကြွက်များ
 
ကြွက်တွေက အင်းဆက်တွေထက် ပိုကြီးမားတာကြောင့် အပေါက်သေးသေးလေးတွေကနေ အိမ်ထဲကို မဝင်ရောက်နိူင်ပါဘူး။ ဒါကြောင့် အိမ်ထဲမှာ ကြွက်တွေတွေ့ပြီဆိုတာနဲ့ အရင်ဆုံး သူဝင်လာခဲ့တဲ့အပေါက်ကို အရင်ရှာပြီး ပိတ်ချလိုက်ပါ။ ဒါမှမဟုတ်ရင်လည်း အပေါက်ဝနားမှား ကြွက်ထောင်ချောက် ချထားလိုက်ပါ။
 
အိမ်မှာ ကလေးငယ်ငယ်လေး ဒါမှမဟုတ် အိမ်မွေး တိရစ္ဆာန် သေးသေးလေးတွေရှိရင် ကြွက်ထောင်ချောက်အသုံးပြုတဲ့အချိန်မှာ သတိထားဖို့လိုအပ်ပါတယ်။
 
ပုရွတ်ဆိတ်များ
 
ပုရွတ်ဆိတ်တွေက အိမ်တွေမှာ အတွေ့အများဆုံး အင်းဆက်တွေပါ။ သူတို့အိမ်ထဲမလာအောင်လုပ်ရမှာက စားကြွင်းစားကျန်တွေကို အချိန်မှန်မှန် စွန့်ပစ်ပါ။ အိမ်ထဲမှာ အမှိုက်တွေ ကြာကြာမထားပါနဲ့။ ပြီးတော့ ပုရွတ်ဆိတ်တွေက baby powder တွေကို မကြိုက်ကြဘူး။ သူတို့လာတဲ့ လားတစ်လျှောက်မှာ ဖျန်းထားခြင်းအားဖြင့် မောင်းထုတ်နိူင်ပါတယ်။
 


ယင်ကောင်များ
 
ယင်ကောင်တွေ အိမ်ထဲမှာ တဖြည်းဖြည်းများလာပြီလို့ ခံစားရတာနဲ့ အိမ်ပြတင်းပေါက်တွေကို ခြင်စကာတွေ တပ်သင့်ပါပြီ။ ခြင်စကာမတပ်ခြင်ဘူးဆိုရင်တော့ ယင်ကောင် ထောင်ချောက်တွေ အသုံးပြုနိူင်ပါတယ်။
 
 
ပင့်ကူများ
 
ပင့်ကူတွေဟာ စိုက်ပျိုးရေးနဲ့ ဂေဟစနစ် အတွက်အလွန်အရေးပါတဲ့ သတ္တဝါတွေဖြစ်ပါတယ်။ ဒါကြောင့် သူတို့ကို အိမ်ထဲမှာတွေ့ခဲ့မယ်ဆိုရင် မသတ်ပစ်လိုက်ပါနဲ့။ သူတို့ကို အိမ်ထဲကနေမောင်းထုတ်ဖို့ဆိုရင် ပင့်ကူအိမ်တွေကို ဖယ်ရှားလိုက်ပါ။
 
ဒါမှမဟုတ်ရင်လည်း သစ်အယ်သီး အခန်းထဲမှာ ထည့်ထားရင် ပင့်ကူတွေ မလာဘူးလို့လည်း ပြောထားကြတာတွေ ရှိပါတယ်။
 
ပိုးဟပ်
 
မဆေးပဲထားထားတဲ့ အိုးခွတ်ပန်းကန်တွေ၊ အစားအစာအကြွင်းအကျန်တွေဟာ ပိုးဟပ်ကိုအိမ်ထဲလာဖို့ ဖိတ်ခေါ်နေတဲ့ အရာတွေပါ။ လွန်ခဲ့တဲ့ နှစ်ပေါင်းများစွာကတည်းက ပိုးဟပ်ကို နှိမ့်နှင်းဖို့ သံပုရာရည် ကိုအသုံးပြုခဲ့ကြပါတယ်။ ပိုးဟပ်တွေ ရှိတဲ့နေရာတွေမှာ သံပုရာရည် ကိုပတ်ဖျန်းခြင်းဖြင့် နှင်ထုတ်နိူင်ပါတယ်။
 

လေ့လာမှတ်သားစရာ အိမ်ခြံမြေဆောင်းပါးများ
 
လေကောင်းလေသန့်တွေထုတ်ပေးလို့ အိမ်ထဲမှာစိုက်ထားသင့်တဲ့အပင်လေးများ
 
ကျန်းမာရေးကို ထင်မထားလောက်အောင်ထိခိုက်စေနိုင်တဲ့ အိမ်တိုင်းမှာရှိတတ်တဲ့အရာ(၅)မျိုး
 
သင့်အိမ်ထဲမှာ အညံ့တွေကင်းစင်ချင်ရင် လုံးဝမထားသင့်တဲ့ ပစ္စည်း (၅) မျိုး
 
ခြင်ပြေးစေဖို့ အိမ်ထဲမှာထားသင့်တဲ့ အပင်လေး (၅) ပင်အကြောင်း
 
Credit By: Kwee
Posted By: Sint Sint, ShweProperty.com