ကမ္ဘာကျော်အဆိုတော် Justin Bieber နဲ့ Hailey Bieber တို့ဇနီးမောင်နှံဟာ အိမ်ထောင်သက် နှစ်နှစ်ကျော်နီးပါးရှိနေပြီး တစ်ယောက်ကိုတစ်ယောက် အရမ်းဂရုစိုက်ချစ်ခင်ကြတဲ့ စုံတွဲလေးဖြစ်ပါတယ်။

အခုတစ်ခါမှာတော့ ပရိသတ်တွေအားကျပြီး ချစ်ရတဲ့အတွဲလေးရဲ့ဇိမ်ခံအိမ် ၄ လုံးအကြောင်းကို မျှဝေပြောပြပေးသွားမှာဖြစ်ပါတယ်။

(၁) California Toluca Lake မှာတည်ရှိတဲ့ စပိန်စတိုင်လ် ခမ်းနားလှပတဲ့ ဇိမ်ခံအိမ်ကြီး



 Justin နဲ့ Hailey Bieber တို့ဟာ လက်ထပ်ပြီးသိပ်မကြာခင်မှာပဲ တစ်လကို ဒေါ်လာ ၁၀၀၀၀၀  ပေးရတဲ့ စပိန်စတိုင်လ် ခမ်းနားလှပတဲ့ဇိမ်ခံအိမ်ကြီးမှာ နေထိုင်ခဲ့ကြတာဖြစ်ပါတယ်။ အဲ့ဒီအိမ်ကြီးဟာ ၂၀၀၀ ခုနှစ်က တည်ဆောက်ခဲ့တာဖြစ်ပြီး စုစုပေါင်း စတုရန်းပေ အကျယ်အဝန်း ၇၀၀၀ နီးပါးကျယ်ဝန်းပါတယ်။ အိပ်ခန်းကျယ်ငါးခန်း၊ရေချိုးခန်း ၇ ခန်း ၊ အဝတ်အစားထားရာ အခန်းကျယ်တစ်ခန်း ၊ ကိုယ်ပိုင်အသံသွင်းခန်း၊ကား ၆ စီးဆန့် ကားပါကင်၊အားကစားခန်းမ၊ Spa ၊ ရေကူးကန် တွေနဲ့ ပါဝင်ဖွဲ့စည်းထားတဲ့အပြင် ရေကန်ဆီသွားရာ ကိုယ်ပိုင်တံတားလျှောက်လမ်းလေးလည်း ပါရှိသေးတယ်လို့သိရပါတယ်။

(၂) California Beverly Hills က ဒေါ်လာ ၈.၅ သန်းတန် ဇိမ်ခံအိမ်ကြီး



ဒေါ်လာ ၈.၅ သန်းတန်ဇိမ်ခံအိမ်ကြီးကိုတော့ ၂၀၁၉ မှာဝယ်ယူခဲ့ကြတာဖြစ်ပြီး ပြီးခဲ့တဲ့နှစ်ထဲမှာပဲ ဒေါ်လာ ၇.၉၅၅ သန်းနဲ့ ပြန်လည်ရောင်းချခဲ့တယ်လို့ သိရပါတယ်။ အဲ့ဒီဇိမ်ခံအိမ်ကြီးဟာ စတုရန်းပေ ၆၁၀၀ အကျယ်အဝန်းရှိပြီး အိပ်ခန်း ၅ ခန်း ၊ ရေချိုးခန်း ၇ ခန်း ၊ စာကြည့်တိုက် ၊ ဝိုင်သိုလှောင်ခန်း ၊ မိသားစုအနားယူနိုင်တဲ့ ဧည့်ခန်းကျယ်၊ မနက်စာသီးသန့်စားဖို့ ပြင်ဆင်ထားတဲ့ Bar ၊ အနုပညာမြောက်စွာ လှပမွမ်းမံထားတဲ့ ဝိုင် Bar ၊ အဆုံးအစမရှိ ကျယ်ပြန့်လွန်းတဲ့ရေကူးကန်ကြီးနဲ့ ဖွဲ့စည်းတည်ဆောက်ထားပြီး အိမ်ကြီးရဲ့ ကြမ်းခင်းနဲ့ မီးဖိုချောင်တစ်ဝိုက်ကို အဖြူရောင်တွေပဲ သုံးထားပြီး လှပတင့်တယ်စွာ ဆင်ယင်ဖွဲ့စည်းထားတာပဲဖြစ်ပါတယ်။ သံလွင်ပင်တွေကြားမှာ မီးလင်းဖိုနဲ့ နွေးနွေးထွေးထွေးထိုင်ပြီး အနားယူနိုင်မယ့်သီးသန့်နေရာလည်းတည်ရှိပါသေးတယ်။



(၃) Canada Ontario က ဒေါ်လာ ၅ သန်းတန် Lakeside Mansion



Justin နဲ့ Hailey တို့ဟာ သူတို့ရဲ့ ဒေါ်လာ ၅ သန်းတန် ဇိမ်ခံအိမ်ကြီးကို ၂၀၁၈ ထဲမှာဝယ်ယူခဲ့တာဖြစ်ပါတယ်။ ထိုအိမ်ကြီးရဲ့အကျယ်အဝန်းက စတုရန်းပေ ၉၀၀၀ အကျယ်အဝန်းရှိပြီး ၁၀၁ ဧက ကျယ်ဝန်းတယ်လို့သိရပါတယ်။ ထိုအိမ်ကြိးထဲမှာ ကိုယ်ပိုင်ရုပ်ရှင်ရုံ၊အိပ်ခန်း ၄ ခန်း ၊ ရေချိုးခန်း ၆ ခန်း ၊ ဝိုင်သိုလှောင်ခန်း ၂ ခန်း ၊ အားကစားခန်းတွေနဲ့ဖွဲ့စည်းထားတဲ့အပြင် ကိုယ်ပိုင်မြင်းစီးကွင်းလည်းရှိပြီး အိမ်ဘေးမှာ ရေကန်ကျယ်ကြီးလည်းရှိလို့ သာယာလှပတဲ့ပတ်ဝန်းကျင်ရှုခင်းတွေကိုလည်း အိမ်ကြီးကနေ လှမ်းမျှော်ကြည့်နိုင်ပါသေးတယ်။

(၄) California Beverly Hills မှာရှိတဲ့ ဒေါ်လာ ၂၅.၈ သန်းတန် ဇိမ်ခံအိမ်ကြီး



Justin နဲ့ Hailey တို့ရဲ့ ဒေါ်လာ ၂၅.၈ သန်းတန်ဇိမ်ခံအိမ်ကြီးဟာဆိုရင် စတုရန်းပေ ၁၁၁၄၅ အကျယ်အဝန်းရှိပြီး ၂.၅ ဧကရှိတယ်လို့သိရပါတယ်။ထိုဇိမ်ခံအိမ်ကြီးရဲ့ ကြမ်းခင်းတွေကို ကျားကွက်လို အဖြူအမည်းကွက်တွေနဲ့ ခင်းကျင်းထားတာဖြစ်ပြီး အိမ်ကြီးနဲ့လိုက်ဖက်စွာ ခမ်းနားလှပနေတဲ့ လှေကားကြီးကို မြင်တွေ့ရမှာဖြစ်ပါတယ်။
ဧည့်ခန်းကျယ်ကြီးမှာဆိုရင်လည်း မီးလင်းဖိုပါရှိပြီး စုစုပေါင်း အိပ်ခန်း ၇ ခန်း၊ရေချိုးခန်း ၁၀ ခန်း ၊ ခမ်းနားလှပတဲ့ jacuzzi  ၊ အားကစားခန်း၊ စာကြည့်တိုက်၊ ကိုယ်ပိုင်ရုပ်ရှင်ရုံ ၊ အဝတ်အစားထားရာအခန်းကျယ်ကြီးစတဲ့အခန်းများစွာနဲ့ ပါဝင်ဖွဲ့စည်းထားတာဖြစ်ပါတယ်။ အိမ်ခြံဝင်းထဲမှာဆိုရင်လည်း ကျယ်ဝင်းလှတဲ့ တင်းနစ်စ်ကွင်း နဲ့  ကြည်လင်လှပတဲ့ ရေကူးကန်ကျယ်ကြီးက နေရာယူထားတယ်လို့သိရပါတယ်။

ဒါတွေကတော့ Justin နဲ့ Hailey Bieber တို့ရဲ့ နေထိုင်လှည့်လည် အပန်းဖြေခဲ့တဲ့ ဇိမ်ခံအိမ်ကြီးတွေအကြောင်းပဲဖြစ်ပါတယ်။မိတ်ဆွေတို့ရော ဒီလိုဇိမ်ခံအိမ်ကြီးမျိုးကိုသာ ပိုင်ဆိုင်ခွင့်ရရင် ဘယ်လိုမျိုးစိတ်ကြိုက် ပြင်ဆင်မွမ်းမံမှုတွေနဲ့ အိမ်ကြီးကိုအလှဆင်ပြောင်းလဲချင်လဲ ဖြေခဲ့ကြပါဦးနော်။

ဖတ်ရှုမှုအများအဆုံး အိမ်ခြံမြေဗဟုသုတများ

ကမ္ဘာပေါ်က တန်ဖိုးအကြီးဆုံး ဈေးအကြီးဆုံး အိမ်ကြီးများအကြောင်း

စမိုင်းလ်ဝယ်လိုက်တဲ့ ဒေါ်လာ ၁၆ သန်းတန် အိမ်ကြီးထဲမှာ ဘာတွေရှိမလဲ?

ဘာကြီးလဲဟလို့ ရေရွတ်မိစေမယ့် ဆန်းဆန်းပြားပြား အိမ်များ

SELENA GOMEZ ရဲ့ နန်းတော်တမျှခမ်းနားလှတဲ့ LOS ANGELES က အိမ်ကြီး

Posted By : Ra Wai (ShweProperty.com)