ယခုတစ်ပတ် ရန်ကုန်အိမ်ခြံမြေဈေးကွက်မှာ မြို့စွန်နဲ့ လယ်မြေတွေ အရောင်းအဝယ်လိုက်နေပြီး တခြားနေရာတွေကတော့ ပုံမှန်လောက်သာ အရောင်းအဝယ်ရှိနေတယ်လို့ သိရပါတယ်။
“မြောက်ဒဂုံ၊ မင်္ဂလာဒုံ၊ ယုဇနဥယျာဉ်နဲ့ တောင်ဒဂုံဘက်တွေတော့ အရောင်းအဝယ်လိုက်နေတယ်၊ ကျန်တဲ့နေရာတွေကတော့ သိပ်ပြီး ထူးထူးခြားခြား မရှိပါဘူး”လို့ ရွှေကံမြေအိမ်ခြံမြေအကျိုးဆောင်မှ ဦးခင်မောင်အေးက ပြောပါတယ်။
အခုလို မြို့စွန်နဲ့ လယ်မြေတွေ အရောင်းအဝယ်လိုက်နေတာဟာ မြို့ထဲမှာအိမ်ခြံမြေဈေး မြင့်နေတာကြောင့် မြို့ပြင်ဘက်ကို စိတ်ဝင်စားမှု များသွားတာဖြစ်တယ်လို့ သိရပါတယ်။ အရင်ကထက် ၂၅ ရာခိုင်နှုန်းလောက် အရောင်းအဝယ်တက်လာပြီး မြောက်ဒဂုံဘက်က ပါမစ်မြေဆိုရင် အနည်းဆုံး ကျပ်သိန်း ၂၀၀ ဝန်းကျင်လောက်ရှိပြီး ပေ ၄၀ x ပေ ၆၀ အကွက်ဆိုရင်တော့ မြေချည်းပဲကို ကျပ်သိန်း ၁၅၀၀ လောက်အထိ ရှိတယ်လို့ သိရပါတယ်။
အခုရက်ပိုင်းအတွင်း မိုးရွာခဲ့တာကြောင့် အရောင်းအဝယ် အနည်းငယ်ဖြစ်ခဲ့တယ်လို့လည်း သိရပါတယ်။ အရောင်းအဝယ်ကတော့ ပုံမှန်အနေအထားနဲ့သာ အရောင်းအဝယ်ဖြစ်နေပြီး ဈေးကတော့ အတက်အကျမရှိဘဲ အရင်ဈေးအတိုင်းနဲ့ အရောင်းအဝယ်ပြန်ဖြစ်လာတယ်လို့ သိရပါတယ်။
“မြောက်ဒဂုံဘက်မှာတော့ အရင်သိမ်းထားတဲ့မြေတွေကို ပြန်ပေးနေတာအပြင် ဈေးကလဲ သိပ်မများတာကြောင့် လှည်းဦးတိုက် ဟုတ်ဟုတ် မဟုတ်ဟုတ် အရောင်းအဝယ် ဖြစ်နေတယ်”လို့ အာရှမြေယာအိမ်ခြံမြေအကျိုးဆောင်မှ ကိုပိုင်မြင့်က ပြောပါတယ်။
ယုဇနဥယျာဉ်မြို့တော်ဘက်မှာဆိုရင် ပါမစ်မြေ ပေ ၄၀ x ပေ ၆၀ တစ်ကွက်ကို ကျပ်သိန်း ၁၈၀ ကနေ ၂၅၀ ဝန်းကျင်လောက်ရှိပြီး အခုလောလောဆယ်မှာတော့ မြေကွက်တွေသာ အရောင်းအဝယ်ဖြစ်နေတယ်လို့ သိရပါတယ်။
မေ ၄ ရက်နေ့မှ မေ ၁၀ ရက်နေ့အထိ အိမ်ခြံမြေ အရောင်းဈေးနှုန်းများ
| စဉ် | မြို့နယ် | အကျယ်အဝန်း | အမျိုးအစား | ကျပ် |
|---|---|---|---|---|
| ၁။ | သင်္ဃန်းကျွန်း၊ သုဝဏ္ဏ BIB.2 | ပေ ၄၀ x ပေ ၆၀ | ဂရန် | သိန်း ၂၅၀၀ |
| ၂။ | သာကေတ၊ဧရာဝဏ်လမ်းမ | ပေ ၂၀ x ပေ ၆၀ | ။ | သိန်း ၂၀၀၀ |
| ၃။ | မြောက်ဒဂုံ၊ တော်ဝင်အိမ်ရာ | ၁၀၀ ပတ်လည် | ။ | သိန်း ၁၈၀၀ |
| ၄။ | သုမင်္ဂလာအိမ်ရာ၊ သင်္ဃန်းကျွန်း | ပေ ၆၀ x ပေ ၁၂၀ | ။ | သိန်း ၆၅၀၀ |
| ၅။ | မြောက်ဒဂုံ၊ ဦးဝိစာရလမ်းမ | ပေ ၄၀ x ပေ ၁၆၀ | ။ | သိန်း ၂၅၀၀ |
(မြ) ပန်းသခင်အကျိုးဆောင်မှ ကောက်ယူခဲ့သော ဈေးနှုန်းများဖြစ်ပါသည်။ ဈေးနှုန်းပြောင်းလဲမှု ရှိနိုင်ပါသည်။
Ref: ကုမုဒြာ
Property Sales Event
နောက်ဆုံးရ သတင်းများ
For Sale
For Rent
New Homes
other properties
