ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်အတွင်းရှိ အိမ်ရာမရှိသူများနှင့် ကျူးကျော်များအတွက် တန်ဖိုးနည်းအိမ်ရာများ တည်ဆောက်ရန် မြေနေရာရှာဖွေလျက်ရှိကြောင်း အဆိုပါမြို့နယ်စည်ပင်သာယာရေးကော်မတီ အဖွဲ့ဝင် (၁) ဦးကျော်သူအောင်၏ ပြောကြားချက်အရ သိရသည်။
လက်ရှိတွင် ဒဂုံဆိပ်ကမ်းမြို့နယ်အတွင်းရှိ (၈၁) ရပ်ကွက်နှင့် (၈၂) ရပ်ကွက်ကြားရှိ ပန်းဝါလမ်းဘယ်ဘက်ခြမ်း၊ ညာဘက်လမ်းမြေနေရာများနှင့် (၁၅၁) ရပ်ကွက်မှ မြေနေရာများကို အိမ်ရာအကောင်အထည်ဖော်ရန် လျာထားကြောင်း သိရသည်။
အဆိုပါမြေနေရာများသည် ဂရန်၊ ပါမစ် စသည့် ရောင်းချပြီးသားမြေနေရာများ မဟုတ်ဘဲ မြို့ပြအိမ်ရာဖွံ့ဖြိုးရေးဦးစီးဌာန သို့မဟုတ် စည်ပင်သာယာရေးကောမတီမှ စီမံခန့်ခွဲမှုရှိသည့် သတ်မှတ်ထားသောနေရာများဖြစ်သည်။
''နေအိမ်တွေ တည်ဆောက်ပေးနိုင်ဖို့ တိုင်းဒေသကြီးအစိုးရနဲ့ သက်ဆိုင်ရာအင်ဂျင်နီယာတွေညှိနှိုင်းပြီး ဒီဇိုင်းရေးဆွဲနေပါတယ်။ နေအိမ်ဝယ်ယူနေထိုင်လိုသူတွေအတွက် အိမ်ထောင်စုစာရင်းကို ရပ်ကွက်အလိုက် ကောက်ယူနေပါတယ်။ တစ်ဦးကို ငွေကျပ်သိန်း ၃၀ နှုန်းနဲ့ KEB Hana Microfinance Limited က ချေးငွေတွေနဲ့ ဆောင်ရွက်ပေးမှာဖြစ်ပါတယ် '' ဟု ဦးကျော်သူအောင်က ပြောသည်။
အဆိုပါစီမံကိန်းကို အကောင်အထည်ဖော်ရာတွင် တိုင်းဒေသကြီးအဖွဲ့မှ မြေနေရာပေးခြင်း၊ ရေ၊ မီး၊ လမ်း စသည့် အခြေခံအဆောက်အအုံများ ပံ့ပိုးပေးပြီး ပျိုမေ့အိမ်လူမှုဖွံ့ဖြိုးတိုးတက်ရေးအသင်းမှ နေထိုင်ရေး အခက်အခဲရှိသူများ၏ စာရင်းကို ကောက်ယူပြုစု၍ ငွေစုငွေချေးဖွဲ့စည်းခြင်းနှင့် ချေးငွေကို သတ်မှတ်နှုန်းထား၊ သတ်မှတ်ကာလအတွင်း ပြန်လည်ပေးဆပ်ရမည်ဖြစ်ကြောင်း သိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
