By RW, Shweproperty.com
Updated at 18 March 2025
ဖုန်းရွှေပညာရပ်အရ အိမ်တွင်းအပင်များသည် အိမ်နှင့် ပတ်ဝန်းကျင်တွင် ကောင်းသော စွမ်းအင်စီးဆင်းမှုကို ဖြစ်စေသည်ဟု ယုံကြည်ကြပြီး စိမ်းစမ်းစိုစိုရှိတဲ့ အပင်တွေက အိမ်တွင်း၏ အလှကို မြှင့်တင်ပေးရုံသာမက၊ အိမ်သူအိမ်သားများအတွက် ကံကောင်းခြင်းများနှင့် ပျော်ရွှင်မှုကို ပေးစွမ်းနိုင်တယ်လို့ ယုံကြည်ကြပါတယ်။ ဒီနှစ်ထဲမှာ အပင်စိုက်ဖို့စိတ်ကူးရှိနေရင် တရုတ် ဖုန်းရွှေပညာအရ အိမ်မှာစိုက်သင့်တဲ့ အပင်များကြောင်းကို အောက်မှာဆက်ဖတ်လိုက်တော့နော် 1. Jade Plant @ ကျောက်စိမ်းပင် ကျောက်စိမ်းအပင်သည် Feng Shui အရ ကံကောင်းစေသော အပင်များထဲမှ တစ်ခုဖြစ်ပြီး အပြုသဘောရှိသော စွမ်းအားများကို ဖိတ်ခေါပြီး မကောင်းမှုများမှကာကွယ်ပေးနိုင်ပါတယ် လို့ဆိုပါတယ်။ ကံကောင်းစေတဲ့လက္ခဏာရှိလို့ အိမ်တွင်မက ရုံးခန်းတွေမှာပါထားစိုက်လေ့ရှိပါတယ်။ 2. Money Plant @ ရွှေလာငွေလာ Feng Shui နှင့် Vastu Shastra နှစ်ခုလုံးအရ Money plant (Epipremnum aureum) သည် စီးပွားတက် လာဒ်ကောင်းစေပါတယ်။ လေထုကို သန့်စင်ပေးတဲ့ Indoor အပင်အမျိုးအစားဖြစ်ပြီး အိမ်၏ အရှေ့တောင်ထောင့်တွင် ထားရှိခြင်းဖြင့် အများဆုံး အကျိုးကျေးဇူးများ ရရှစေနိုင်ပါတယ်။ 3. Lucky bamboo @ ဇော်စိမ်း လာဘ်ရွှင်ကံကောင်းစေတဲ့ Lucky Bamboo အပင်သည် Feng Shui အရ လူကြိုက်များသော အပင်တစ်မျိုးဖြစ်သည်။ 2025 ခုနှစ်အတွက် 2025 မှာ လက်ဆောင်ပေးဖို့ အရမ်းကောင်းတဲ့ ပစ္စည်းတစ်ခုဖြစ်သလို အိမ် ဒါမှမဟုတ် ရုံးခန်းမှာ သိမ်းထားဖို့အတွက် အသင့်တော်ဆုံးအပင်ဖြစ်ပါတယ်။ အပင်တွင် ရှိသော အကိုင်းအရေအတွက်ပေါ် မူတည်၍ ၎င်း၏ အဓိပ္ပာယ်များ ကွဲပြားသည်။ ရိုးတံနှစ်ချောင်းသည် ချစ်ခြင်းမေတ္တာကို ကိုယ်စားပြုသည်၊ သုံးချောင်းသည် ပျော်ရွှင်မှု၊ ငွေကြေး နှင့် အသက်ရှည်ခြင်း တို့ကို ကိုယ်စားပြုပြီး တံငါးချောင်းသည် ဘဝတွင် ငြိမ်းချမ်းမှုနှင့် စွမ်းအားကို ကိုယ်စားပြုသည်။ ရိုးတံခြောက်ခုသည် စည်းစိမ်ဥစ္စာကို ကိုယ်စားပြုသော်လည်း ရိုးတံခုနစ်ခုသည် တက်ကြွမှုနှင့် ဆက်စပ်နေသည်။ အထူးသဖြင့် တရုတ်ယဉ်ကျေးမှုတွင် လူကြိုက်များလာရခြင်း၏ နောက်အကြောင်းရင်းတစ်ခုမှာ ပြုပြင်ထိန်းသိမ်းမှု လိုအပ်ချက်နည်းပါးခြင်းပင်ဖြစ်သည်။ ကံကောင်းသောဝါးကို အိမ်၏အရှေ့ဘက် သို့မဟုတ် အရှေ့တောင်ထောင့်တွင် ထားရှိလေ့ရှိသည်။ 4. Peace Lily @ ရှင်သီဝလိ Peace lily အပင်သည် လေထုထဲကမကောင်းတဲ့ဓါတ်ငွေ့တွေကို သန့်စင်ပေးပါတယ်။ မိသားစုဝင်များ သို့မဟုတ် စုံတွဲများ ငြိမ်းချမ်းမှုနှင့် ရင်းနှီးမှုကို ရှာဖွေနေပါက ဤအပင်ကို ရွေးချယ်သင့်သည်။ ဤအပင်ကို ဧည့်ခန်းနှင့် အိပ်ခန်းတွင် ထားရှိပါက အသင့်တော်ဆုံးဖြစ်ပါတယ် ။ 5. Chrysanthemum @ ဂန္ဓမာပန်း Chrysanthemum လို့ခေါ်တဲ့ ဂန္ဓာမာပန်းလေးတွေက Feng Shui အရ သစ်သားဒြပ်စင်နှင့် ဆက်စပ်တယ်လို့ဆိုပါတယ်။ သူရဲ့စိုပြေသော ပန်းပွင့်များသည် မိသားစုဝင်များအတွက် ပျော်ရွှင်မှုနှင့် ငြိမ်းချမ်းမှုကို ဆောင်ကျဉ်းပေးသည်။ အပင်များ စိုက်ပျိုးရာတွင် Feng Shui ၏ သဘာဝဒြပ်စင်ငါးမျိုး (သစ်သား၊ ရေ၊ မြေ၊ မီး၊ သတ္တု) ကို မျှတစွာ ထားရှိရန် အရေးကြီးသည်။ အပင်များကို စိုက်ထားသော အိုးသည် မြေဒြပ်စင်ကို ကိုယ်စားပြုပြီး၊ ရေကို ပုံမှန်လောင်းပေးရန် လိုအပ်သည်။ အိုးထဲတွင် သတ္တုဒြပ်စင်ကို ကိုယ်စားပြုသော ဒင်္ဂါးပြားထည့်ပြီး၊ အိုးကို အနီရောင်ဖဲကြိုးဖြင့် ချည်နှောင်ခြင်းဖြင့် မီးဒြပ်စင်ကို ပြည့်စုံစေနိုင်တယ်လို ဆိုပါတယ်။ Written By : RW
Property Sales Event
နောက်ဆုံးရ သတင်းများ
Sign up for Maximum Exposure, Maximum Leads and Maximum Sales
For Sale
For Rent
New Homes
other properties