ရော်ဂျာမိုးတို့ ဒေါ်လ်တန်တို့ ခေတ်ကနေ ဒန်နီရယ်ခရိတ်ရဲ့ No Time To Die အထိ James Bond ရုပ်ရှင်တွေကို စွဲစွဲမြဲမြဲကြည့်ရှု့အားပေးခဲ့ကြတဲ့ ပရိသတ်တွေက ကမ္ဘာနဲ့အဝှန်းမှာ အများအပြားရှိနေပါတယ်။ James Bond ရုပ်ရှင်တွေရဲ့ အမာခံပရိသတ်တွေဆိုရင် Bond ရဲ့ ဖိုက်တင်ခန်းတွေမှာ သုံးတဲ့ ခေတ်ရှေ့ပြေးလက်နက်ကိရိယာတွေ၊ ဖြတ်ထိုးဉာဏ်တွေအပြင် ရုပ်ရှင်ရိုက်ကူးခဲ့တဲ့ အမိုက်စားအိမ်ကြီးတွေ mansion ကြီးတွေကိုပါ တအံ့တ​ဩ သတိပြုမိကြမှာ သေချာပါတယ်။ 

ဒီနေ့တော့ Shwe Property ပရိသတ်တွေအတွက် James Bond ရုပ်ရှင်တွေရိုက်ကူးရာမှာ ပါဝင်ခဲ့တဲ့ ခမ်းနားကြီးကျယ်တဲ့ အိမ်ကြီးတွေရှိရာကို အလည်ခေါ်သွားချင်ပါတယ်။
 
(1)  Villa Le Torre – Quantum of Solace
 


မင်းသား Daniel Craig ပါဝင်သရုပ်ဆောင်ထား​ပြီး (2008) ခုနှစ်မှာ ထွက်ရှိခဲ့တဲ့ Quantum of Solace ဇာတ်ကားမှာ တွေ့ရမှာကတော့ ပင်လယ်ကို မေးတင်နေတဲ့ Villa Le Torre ဆိုတဲ့ အိမ်ခြံကျယ်ကြီးပဲဖြစ်ပါတယ်။ ဒီအိမ်ကြီးဟာ ရှေးဟောင်းအိမ်ကြီးဖြစ်ပြီး လွန်ခဲ့တဲ့နှစ်ပေါင်းများစွာ အကြာတုန်းက Saracen တွေရဲ့ကျူးကျော်မှုကို ကာကွယ်ဖို့ တောင်ပိုင်း Tuscany သားတွေတည်ဆောက်ထားခဲ့တဲ့ ခံတပ်ကြီးတစ်ခုလည်း ဖြစ်ခဲ့ဖူးပါတယ်။ လက်ရှိမှာတော့ ဇိမ်ခံအိမ်ကြီးဖြစ်နေပြီဖြစ်တဲ့ Villa Le Torre မှာ အိပ်ခန်းကျယ်လေးခန်းပါရှိပြီး Cocktail လေးသောက်ရင်း ပင်လယ်ကြီးကို ဇိမ်ခံကြည့်နိုင်ဖို့ ကျယ်ဝန်းတဲ့ လသာဆောင်လည်းပါဝင်ပါတယ်။ ဒီ Villa မှာ ကိုယ်ပိုင်ရေကူးကန်လည်းပါဝင်ပြီး လက်ရှိမှာတော့ အားလပ်ရက်မှာ အပန်းဖြေစရာ Holiday Home အဖြစ် Tourist တွေကို ငှားရမ်းပေးနေပြီလို့သိရပါတယ်။
 
(2) Villa Arabesque in Licence to Kill
 


မင်းသား​ကြီး Timothy Dalton တစ်ယောက် James Bond အဖြစ် နောက်ဆုံးပွဲထွက်ခဲ့တဲ့ Licence to Kill (1989) ရုပ်ရှင်မှာ တွေ့ရတာကတော့ Maxico နိုင်ငံ၊ Acapulco က  ရင်သပ်ရှု့မောဖွယ် ရှု့ခင်းတွေနဲ့ Villa Arabesque ပါ။ ဒီ Villa မှာ အိပ်ခန်းပေါင်း (28) ခန်းရှိပြီး Aladdin Theme၊ ရေအောက်ဘုရင် Poseidon Theme စသဖြင့် အမိုက်စား Theme တွေနဲ့ ခင်းကျင်းပြင်ဆင်ထားတဲ့ အခန်းတွေလည်း ရှိပါတယ်။ ဒါ့အပြင် လူအယောက် (60) ကျော်ကို တည်ခင်းဧည့်ခံနိုင်တဲ့ Rooftop Dining Area၊ ရေကူးကန် (3) ခု၊ Tennis ကွင်းတွေနဲ့ ကိုယ်ပိုင်ပင်လယ်ကမ်းခြေတွေလည်း ပိုင်ဆိုင်ထားပါသေးတယ်။ ဒီ Villa ကြီးမှာ ကမ္ဘာ့ထိပ်တန်းဆိုတဲ့ လူတွေလာရောက်ပါတီပေး ပျော်ပါးခဲ့ကြပြီး Roger Moore၊ Sylvester Stallone စတဲ့ ထိပ်တန်း Celebrities တွေလည်း လာရောက်ခဲ့ဖူးတယ်လို့ သိရပါတယ်။  Villa Arabesque ကတော့ (1980)ပြည့်နှစ်တွေရဲ့ တကယ့်ဇာတ်လိုက်ကြီးဖြစ်ခဲ့တယ်လို့ ဆိုရမှာပါ။
 
(3)  Villa Sylva – For Your Eyes Only
 


ပရိသတ်တွေရင်ထဲမှာ စွဲကျန်နေအောင် သရုပ်ဆောင်နိုင်တဲ့ မင်းသားကြီး ရော်ဂျာမိုးရဲ့ For Your Eyes Only ဇာတ်ကားထဲမှာ အမှတ်တရဖြစ်ခဲ့ရတဲ့ Villa Sylva ဇိမ်ခံအိမ်ကြီးဟာ ဇာတ်ကားထဲမှာတော့ စပိန်မှာလို့ဆိုပေမယ့် တကယ့်တကယ် အပြင်မှာတော့ ဂရိကျွန်းဆွယ် ကော်ဖူးမြို့မှာ တည်ရှိပါတယ်။ ဒီ Villa ကြီးဟာ (753) စတုရန်းပေကျယ်ဝန်းပြီး အိမ်မကြီးရဲ့အတွင်းထဲမှာ Master Bedroom (2) ခန်းနဲ့ အခြားနှစ်ယောက်အိပ်ခန်း (4) ခန်းပါဝင်ပါတယ်။ အိမ်မကြီးထဲမှာပဲ ခမ်းနားကျယ်ဝန်းပြီး နန်းဆန်လှတဲ့ ဧည့်ခန်းနဲ့ ထမင်းစားခန်းကြီးလည်း ရှိပါသေးတယ်။ ဒါ့အပြင် စံအိမ်ကြီးအပြင်က Guest House မှာလည်း နှစ်ယောက် အိပ်ခန်းနှစ်ခန်းရှိပါသေးတယ်။ အိမ်ကြီးကနေလှမ်းကြည့်လိုက်မယ်ဆိုရင် Ionian ပင်လယ်ပြင်ကြီးကို ရင်သပ်ရှု့မောဖွယ်မြင်ရမှာဖြစ်ပြီး Infinity Pool ထဲမှာစိမ်ရင်း ဝိုင်လေးသောက်ရင်း Pontikonisis တောင်တန်းတွေရဲ့အလှကို ခံစားလိုက်ရရင်တော့ လူဖြစ်ရကျိုးနပ်ပြီလို့ ခံစားမိသွားနိုင်မယ့် နေရာမျိုးပါ။
 
 
(4) Sassi Cave Houses – No Time To Die
 


James Bond နောက်ဆုံးထွက် ရုပ်ရှင် No Time To Die ကြည့်ဖြစ်ရင် စိတ်ထဲမှတ်မိနေမယ့်အရာတွေထဲမှာ အီတလီမြို့ငယ်လေး Matera ထဲက Sassi Cave House ဆိုတဲ့ ရှေးဟောင်း ဂူထွင်းအိမ်လေးတွေလည်းပါဝင်ပါတယ်။  ဒီ Cave House တွေဟာ အီတလီမှာ လူသားတွေနေထိုင်ခဲ့တယ်ဆိုတဲ့ ရှေးအကျဆုံး သက်သေတွေလို့ကိုဆိုနိုင်ပြီး နှစ်ပေါင်း (9000) ကျော်သက်တမ်းရှိတယ်လို့ သိရပါတယ်။ အဲဒီကျောက်ဂူထွင်းအိမ်လေးတွေထဲကို ဝင်ကြည့်မယ်ဆိုရင် ရှေးဟောင်း ရက်ကန်းစင်တွေ၊ ဗိုင်းငင်ရစ်ဘီးလေးတွေကို တွေ့ရမှာဖြစ်​​ပြီး နံရံမှာ ကျောက်သားတွေကိုထွင်းပြီး ပစ္စည်းတင်ဖို့နေရာလေးတွေလုပ်ထားတာကိုလည်း မြင်ရမှာပါ။ ရှေးဟောင်းအငွေ့အသက်တွေပြည့်နေတဲ့ ဒီကျောက်ထွင်းအိမ်လေးတွေဟာ  No Time To Die အပြင် Wonder Woman ရုပ်ရှင်ထဲမှာလည်း Amazon နိုင်ငံသားတွေရဲ့ ထူးခြားဆန်းကြယ်တဲ့ မြို့ တော် Themiscyra အဖြစ် ပါဝင်ထားပါသေးတယ်။
 
အခုပြောပြသွားတာတွေကတော့ James Bond ရုပ်ရှင်တွေ အစဉ်အဆက်ရိုက်ကူးခဲ့တဲ့ ရင်သပ်ရှု့မောဖွယ်အိမ်ကြီးတွေ၊ နယ်မြေတွေပဲဖြစ်ပါတယ်။

နောက်တစ်ပတ်တွေမှာလည်း ကမ္ဘာတစ်ဝှမ်းက ထူးထူးခြားခြားအိမ်ကြီးတွေနဲ့ စိတ်ဝင်စားစရာကောင်းတဲ့ဗဟုသုတွေကို ပြောပြပေးသွားဦးမှာမို့ Shwe Property Website ကို လာရောက်လည်ပတ်ဖတ်ရှု့ပေးကြပါဦးလို့ ဖိတ်ခေါ်လိုက်ပါရစေနော်။

ဖတ်ရှုမှုအများအဆုံး အိမ်ခြံမြေဆောင်းပါးများ

BRAD PITT ရဲ့ ထူးဆန်းမှုတွေပြည့်နှက်နေတဲ့ ဒေါ်လာ သန်း (၄၀) တန် ရှေးဟောင်းအိမ်ကြီးအကြောင်း

ဗိုလ်ကြီးတို့စုံတွဲ HYUN BIN နဲ့ SON YE JIN ရဲ့ မင်္ဂလာဦးအိမ်ကြီးကို အလည်သွားကြမယ်

လီမင်ဟိုပိုင်ဆိုင်တဲ့ US $4 သန်းကျော်တန်အိမ်ကြီးကို အလည်တစ်ခေါက်

စော်ကြည်ဘဲ LEONARDO ပိုင်ဆိုင်တဲ့ဒေါ်လာသန်းကျော်တန် အိမ်ကြီးတွေအကြောင်း

Posted By : Ra Wai (ShweProperty.com)