မြေယာအသုံးချမှု မူဝါဒ ရေးဆွဲရန် ပြင်ဆင်

Property Titles

By အိဖြူမွန်၊ အောင်ခိုင်, Shweproperty.com

Updated at 19 July 2012

မြေရာအသုံးချမှုဆိုင်ရာ အငြင်းပွားမှုများ ဖြေရှင်းရန်အတွက် မြေ ယာအသုံးချမှုမူဝါဒ (Land Use Policy) ရေးဆွဲရန် ပြင်ဆင်ဆောင်ရွက်နေပြီး မြေယာခွဲဝေ အသုံး ချ မှု စိစစ်ဆောင်ရွက်ရေး ကော်မတီ ပါ ဖွဲ့စည်းလိုက်ကြောင်း သတင်း ရရှိသည်။

မြေယာအသုံးချမှု မူဝါဒရေးဆွဲရန် ဝန်ကြီးဌာနပေါင်းစုံပါ ဝင်သော အဖွဲ့ဝင် ၂၁ ဦးပါ မြေ ယာခွဲဝေအသုံးချမှု စိစစ်ဆောင် ရွက်ရေးကော်မတီကို ဖွဲ့စည်းခဲ့ ခြင်းဖြစ်ပြီး ယခင်ထွက်ရှိပြီးသား မြေယာနှင့်ဆိုင်သော ဥပဒေနှင့် နည်းဥပဒေ ၁၇ ခုကို ခေတ်နှင့်အညီ အသုံးချရန် ပြန်လည်သုံးသပ် မည်ဖြစ်သည်။

''အရင်ကဟာကို အခြေခံပြီး ပြောင်းလဲသင့်တဲ့ဟာတွေကို ပြောင်းလဲမှာပါ။ ဌာနအလိုက် ပြင်ဆင်သင့်တာတွေ အစီရင်ခံစာ တင်မယ်။ အဲဒီဟာကိုကြည့်ပြီး လုပ်ငန်းကော်မတီတွေ အဆင့် ဆင့်ခွဲပြီး ရေးဆွဲဖို့လုပ်နေကြပါတယ်''ဟု နေပြည်တော်တွင် ကျင်းပသော မြေယာအသုံးချမှု မူဝါဒဆိုင်ရာ ဆွေးနွေးပွဲသို့ တက် ရောက်ခဲ့သူတစ်ဦးက ပြောသည်။

မြန်မာနိုင်ငံတွင် မြေအသုံး ချမှုနှင့်ပတ်သက်၍ ရေရာသော ပိုင်ဆိုင်မှုများ မရှိသောကြောင့် အငြင်းပွားမှုများ၊ လျော်ကြေး ထိုက်တန်စွာ မရရှိခြင်းတို့ကြောင့် ဆန္ဒပြလှုပ်ရှားမှု များ ဖြစ်ပေါ် လျက် ရှိသည်။ အမျိုးသားလူ့အခွင့်အရေး ကော်မရှင်တွင် တိုင်ကြားစာ စုစုပေါင်း၏ ၈ဝ ရာခိုင်နှုန်းနှင့် လွှတ်တော်ရှိရေးရာကော်မတီ များ သို့ တိုင်ကြားစာ စုစုပေါင်း၏ ၅ဝ ရာခိုင်နှုန်းသည် လယ်ယာမြေ အသိမ်းခံရမှုနှင့် ပတ်သက်သော တိုင်ကြားစာများ ဖြစ်သည်။

မြေယာအငြင်းပွားမှုများကို ဥပဒေကြောင်းအရ နားလည်စေ ရန်နှင့် ပြောင်းလဲလက်ခံသင့် သော မြေအသုံးချမှု မူဝါဒများနှင့် ပတ်သက်သည့် အသိပညာပေး ခြင်းများကို နိုင်ငံရေးပါတီအချို့ နှင့် လူမှုအဖွဲ့အစည်းများက လုပ်ကိုင်လျက်ရှိသည်။ နိုင်ငံတော် အဆင့်အနေဖြင့် စားပွဲဝိုင်း တွင် ပထမ ဆုံးအကြိမ် ဝိုင်းဝန်းစဉ်းစားလာ ခြင်းဖြစ်သည်။

ယင်းသို့ နိုင်ငံတော်အဆင့် ဝိုင်းဝန်းစဉ်းစား ဆွေးနွေးလာမှု အပေါ် သိမ်းဆည်းခံ လယ်သမား များနှင့် လယ်သမားရေးလေ့လာ ဆောင်ရွက်ပေးနေသူများ ကြိုဆို ကြောင်း နှင့် အောက်ခြေ အထိ ဆင်း ၍ မျှတသော မှုဝါဒများ ချမတ်ပေးရန်လည်း တောင်းဆိုကြသည်။

''စာရွက်ပေါ်မှာ မဟုတ်ဘဲ တကယ်အောက်ခြေအထိ ဆင်း ပြီးလုပ်သင့်တယ်။ မဟုတ်ရင် တော့ ဒီလိုဖြစ်နေမှာပါ။ ဆွေး နွေးရင်လည်း တကယ့်လယ်မြေ မှုခင်းနဲ့ပတ်သက်လို့ အတွေ့အ ကြုံ ရှိတဲ့ လူတွေ ကို ဖိတ်သင့်တယ်။ ဘာမှမသက်ဆိုင်တဲ့သူတွေနဲ့ ဆွေးနွေးဆောင်ရွက်မယ်ဆိုရင် တော့ အကျိုးထူးလာမှာ မဟုတ် ဘူး။ လယ်သမားတွေဘက်က လည်း ဥပဒေပညာရှင်တွေ လို အပ်တယ်''ဟု လမ်းပြကြယ် ဦး အေးမြင့်က ပြောသည်။

ယခင်က ပြဋန်းထားသော ဥပဒေနှင့် လုပ်ထုံးလုပ်နည်းများ ကို ပြန်လည်သုံးသပ်ပြီး လုပ်ငန်း အလိုက် ကောက်ခံသော မြေအသုံးချမှု အခွန်ခများ ၊ ရင်နှီး မြုပ်နှံ မှု စီမံကိန်းနှင့်မြို့ရွာဖွံ့ဖြိုးရေး စီ မံကိန်းများ အကောင်အထည် ဖော်ရာတွင် သဘာဝပတ်ဝန်း ကျင်နှင့် လူမှုစီးပွားထိခိုက်မှုများ လေ့လာစိစစ်ရန် မြေခွဲဝေအသုံး ချမှု လိုအပ်ချက်များ ပေါင်းစပ် ညှိ နှိုင်းပြီး မြေအသုံးချမှု မူဝါဒတွင် ထည့်သွင်းမည်ဖြစ်ကြောင်း သိရ သည်။

''ဒီလို ကော်မတီပေါ်လာ တာ သမ္မတကြီးကိုရော၊ လွှတ် တော်ကိုယ်စားလှယ်တွေရော ကျေးဇူးတင်ပါတယ်။ နိုင်ငံအ တွက် အကျိုးမရှိ လယ်သမားတွေ လည်း ဒုက္ခရောက်တဲ့ စီမံကိန်း တွေကို ပြန်စဉ်းစားမယ်ဆိုရင် ဝမ်းသာတယ် ။ အချိန်တောင်နည်းနည်း လွန်နေပါပြီ''ဟု သန်လျင် မြို့နယ်မှ လယ်သမားဦးလှမြင့်က ပြောသည်။

အောက်ခြေတွင် အမှန် တကယ် ကြုံတွေ့နေရသော သူ များနှင့်လုပ်ငန်းကော်မတီများ ပါ ဝင်သော အမျိုးသားအဆင့် အလုပ်ရုံဆွေးနွေးပွဲ ကို ကျင်းပရန် ပြင်ဆင်နေကြောင်း၊ ယခုမှာ ကော်မတီအဆင့်သာ ဖွဲ့ စည်းထားသောကြောင့် လုပ်ငန်း ကော်မတီအဆင့် ဖွဲ့စည်းရန် ပြင် ဆင်နေကြောင်း ၊ မည်သည့်လုပ်ငန်းကို အဆင့်ဆင့် လုပ်ဆောင်ရန် ဆွေးနွေးညှိနှိုင်းသည့် အဆင့်သာ ရှိကြောင်း ယင်းဆွေးနွေးပွဲတက် ရောက်ခဲ့သူကထပ်မံပြောသည်။

ကောက်ယူရရှိသော စာရင်း ဇယားများကို အခြေခံ၍ တရား မဝင် ကျူးကျော်လုပ်ကိုင်နေသူ များအား နေရာချထားရေး၊ ဖွံ့ဖြိုး တိုးတက်ရေး လုပ်ငန် များအတွက် မြေအသုံးချခွင့် ပေးနိုင်မည့် သစ် တောမြေ၊ မြေလွတ်မြေရိုင်းနှင့် အစိုးရစီမံပိုင်ခွင့်ရှိသော မြေများကို စိုက်ပျိုးရေးနှင့် စက်မှုဆိုင်ရာ လုပ်ငန်းများအတွက် ဖွံ့ဖြိုးစေရန် သက်မှတ်ခြင်းများ နှင့် ပြည်သူများ လိုအပ်ချက် ဖြည့်ဆည်းပေးနိုင် ရေး တို့အတွက်မြေများ သတ် မှတ်ပေးမည်ဟု သိရသည်။

Source: 7 Days

Follow Us On