မြရည်နန္ဒာ တန်ဖိုးမျှတအိမ်ရာမှ တိုက်ခန်း ၅၇၄ ခန်းအတွက် လျှောက်လွှာများ ဝယ်ယူသူ အရပ်ဘက် နိုင်ငံ့ဝန်ထမ်း ၃၈၂၄ စောင်၊ အငြိမ်းစားဝန်ထမ်း ၉၂၉ စောင်၊ ကုမဏီဝန်ထမ်း ၄၇၀ စောင်၊ ပြည်သူ ၁၂၀၀ စောင် စုစုပေါင်း ၆၄၂၃ စောင်ရှိကြောင်း သိရသည်။
မန္တလေးမြို့ ချမ်းမြသာစည်မြို့နယ် မြရည်နန္ဒာရပ်ကွက်ရှိ မန္တလေးမြို့တော် စည်ပင်သာယာရေး ကော်မတီမှ အကောင်အထည်ဖော် ဆောင်ရွက်ပြီးစီး သည့် မြရည်နန္ဒာ တန်းဖိုးမျှတအိမ်ရာမှ တိုက်ခန်း ၅၇၄ ခန်းကျော်အား အငြိမ်းစားဝန်ထမ်းများ၊ နိုင်ငံဝန်ထမ်းများ၊ ပြင်ပပုဂ္ဂလိက ကုမဏီဝန်ထမ်း များနှင့် ပြည်သူများအား ရောင်းချပေး သွားမည်ဖြစ်ကြောင်း သိရသည်။
အဆိုပါလျှောက်လွှာများကို တစ်စောင်လျှင် ကျပ် ၁၀၀၀ နှုန်းဖြင့် ဇန်နဝါရီ လ ၂၇ ရက်မှစ၍ ရုံးပိတ်ရက်များအပါအဝင် ဖေဖော်ဝါရီလ ၇ ရက်နေ့ အထိရောင်းချပေးခဲ့ခြင်း ဖြစ်သည်။ အိမ်ခန်းလျှောက်လွှာများကို ဖဖော်ဝါရီလ ၁၇ ရက်နေ့မှ ဖေဖော်ဝါရီလ ၂၈ ရက်အတွင်း ပြန်လည်လက်ခံပေးသွားမည်ဖြစ်သည်။
တိုက်ခန်း ၅၇၄ ခန်းမှာ မြရည်နန္ဒာတန်ဖိုးမျှတအိမ်ရာ RC (၄)ခန်းတွဲ (၆)ထပ်၊ အဆောက် အအုံ(၂၁) လုံးမှ အိမ်ခန်း တစ်ခန်းလျှင် (၆၆၁ စတုရန်းပေ) ရှိ အခန်းပေါင်း (၄၀၅) ခန်းနှင့် ယခင် ရောင်းချခဲ့ပြီးသော တိုက်ခန်းများမှ ပြန်လည်အပ်နှံသောအခန်းနှင့် တိုက်ခန်းပိုင်ရှင်များမှ မဆက်သွယ်သောအခန်းတို့ကို ရောင်းချပေးသွားမည်ဖြစ်ကြောင်း သိရသည်။
တိုက်ခန်းတစ်ခန်းလျှင် ကုန်သွယ်လုပ်ငန်းခွန် (၃) ရာခိုင်နှုန်းအပါအဝင် မြေညီထပ် တစ်ခန်းလျှင် ငွေကျပ် ၂၈၈ ဒသမ ၄ သိန်း၊ ပထမထပ်တစ်ခန်းလျှင် ငွေကျပ် ၂၅၇ ဒဿမ ၅ သိန်း၊ ဒုတိယထပ်တစ်ခန်းလျှင် ငွေကျပ် ၂၃၁ ဒဿမ ၇၅ သိန်း၊ တတိယထပ်တစ်ခန်းလျှင် ငွေကျပ် ၂၁၁ ဒဿမ ၁၅ သိန်း၊ စတုတ္တထပ်တစ်ခန်းလျှင် ငွေကျပ် ၁၉၅ ဒဿမ ၇ သိန်း၊ ပဉ္စမထပ်တစ်ခန်းလျှင် ငွေကျပ် ၁၈၀ ဒဿမ ၂၅ သိန်းတို့ဖြင့် ရောင်းချပေး သွားမည်ဖြစ်သည်။
Ref & Photo Credit : Myanmar Builders Guide
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
