ဆောက်လုပ်ရေးနည်းပညာသင်တန်းကျောင်းကို မြန်မာနိုင်ငံဆောက်လုပ်ရေးလုပ်ငန်းရှင်များ အသင်းချုပ် (MCEF) နှင့် ဂျပန်နိုင်ငံ SEC Hokkaido Int'l Economy Asociation တို့ ပူပေါင်းကာ ဂျပန်နိုင်ငံက အမေရိကန်ဒေါ်လာ ၁၀ သန်း ထောက်ပံ့ပေးမည်ဖြစ်ကြောင်း သိရသည်။
မြန်မာနိုင်ငံဆောက်လုပ်ရေးလုပ်ငန်းရှင်များ အသင်းချုပ် (MCEF) ၏ အထွေထွေအတွင်းရေးမှူးချုပ် ဦးမျိုးမြင့်က " ဒီသင်တန်းကျောင်းက ပြည်တွင်းမှာလိုအပ်နေသော ကျွမ်းကျင်လုပ်သားမွေးထုတ်ဖို့၊ ဂျပန်နိုင်ငံမှာ လိုအပ်နေသော လုပ်သားတွေ စေလွှတ်ဖို့အတွက်ပါ၊ သင်တန်းကပြီးရင် ဂျပန်နိုင်ငံမှာ ၃ နှစ် အလုပ်လုပ်ရမှာပါ '' ဟု ပြောသည်။
အဆိုပါ သင်တန်းကျောင်းကို ဖွင့်လှစ်ရန်အတွက် MCEF နှင့် SEC Hokkaido Int'l Economy Association မှ တာဝန်ရှိသူများက ဖေဖော်ဝါရီလ ပထမအပတ်က နေပြည်တော်တွင် ဆောက်လုပ်ရေးဝန်ကြီးဌာန၊ အဆောက်အအုံဦးစီးဌာနညွှန်ကြားရေးမှူးချုပ်နှင့် တွေ့ဆုံဆွေးနွေးခဲ့ကြောင်း သိရသည်။
သင်တန်းကျောင်း ဖွင့်လှစ်ရာတွင် ဂျပန်နိုင်ငံက အမေရိကန်ဒေါ်လာ ၁၀ သန်းကို စက်ကိရိယာအထောက်အပံ့များနှင့် သင်တန်းကျောင်းဆောက်လုပ်ခြင်းများအတွက် ကူညီထောက်ပံ့ပေးသွားမည်အပြင် ဂျပန်နိုင်ငံ၏ ဆောက်လုပ်ရေးနည်းပညာများကိုလည်း ထောက်ပံ့ပေးသွားမည်ဖြစ်ပြီး အဆိုပါသင်တန်းကျောင်းဖွင့်လှစ်ရန် အဆောက်အအုံ တည်ဆောက်ခြင်း လုပ်ငန်းများအတွက် အချိန် ၁ နှစ်ခန့် ကြာမြင့်မည်ဖြစ်ကြောင်း သိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
