အိမ်သုံးအဲကွန်းတွေဖြစ်တဲ့ Split type အဲကွန်းတွေဆင်တဲ့အခါ သိနေပေမယ့်သတိမမူမိတတ်တဲ့ အခြေခံဆောင်ရန်ရှောင်ရန်လေးတွေကို ရှာဖွေတင်ပြချင်ပါတယ်.......

ပထမဆုံး Split type လို့ ဘာလို့ခေါ်တာလဲဆိုတာပြောပြချင်ပါတယ်။ Split ဆိုတာ ကွဲတာ၊ခွဲထားတာကိုပြောတာပါ။အဲကွန်းတလုံးရဲ့ အဓိကပစ္စည်းအစိတ်အပိုင်းလေးခုဖြစ်တဲ့ 

- Compressor

- Condenser

- Expansion Device

- Evaporator အတိုကောက် (2C2E) ကို စုစုစည်းစည်းစည်းနဲ့တလုံးတည်းစုစည်းထားတဲ့စက်ကို Packaged type air con လို့ခေါ်ပါတယ်။

အဲဒီလေးခုကိုတစုတဝေးတည်းတနေရာတည်းမထားပဲ နေရာခွဲထားပြီး ကြားထဲမှာပိုက်နဲ့ ခွဲထားရင် Split type air con ကို့ ခေါ်ပါတယ်။ Split type တွေမှာ 2C2E ဟာ သာမာလက်ရှိသုံးနေတဲ့ အိမ်သုံး Split တွေမှာလို Evaporator အအေးကွိုင်က အခန်းထဲထားပြီး ကျန်တဲ့ 2C1E က အခန်းအပြင် Out door unit ထဲမှာထားနိုင်သလို အခန်းထဲက က အအေကွိုင်နဲ့ အတူ Expansion device ကို တွဲထားပြီး အခန်းအပြင် Out door unit ထဲမှာ 2C ပဲထားတာလည်းဖြစ်နိုင်ပါတယ်။

တခါတရံ အခန်းထဲမှာ 1C+2E ကိုထားပြီး.အပြင်မှာ အပူကွိုင် Condenser ကိုထားထားတာလည်းဖြစ်နိုင်ပါတယ်။အဲဒီလိုခွဲထားတဲ့အထဲက အိမ်သုံး အဲကွန်းတွေထဲက နံရံကပ်( Wall mounted) အမျိုးအစားတွေတွေကို တပ်ဆင်ရတာ အများဆုံးပါ။

အဲဒီ Wall mounted အဲကွန်းတွေကို တပ်ဆင်ရာမှာတော့ ပထမဆုံး အအေးကွိုင်(FCU  ,Evaporator)တပ်ဆင်ဖို့ လုပ်တဲ့အခါ .....

(1)တပ်ဆင်မည်နေရာရွေးပြီဆိုရင်

အခန်းတခုလုံးလေအေးပျံနှံ့ရာနေရာဖြစ်သင့်ပါတယ်။#ကြမ်းခင်ကနေ အမြင့်ပေ (၇) ပေမြင့်တဲ့နေရာမှာ အနည်းဆုံးထားသင့်ပါတယ်။လူအများစုရဲ့ ပုံမှန်အမြင့်ဆုံးအရပ်အမြင့် (၆) ပေအထက် ၁ပေလောက်ပိုမြင့်ထားသင့်ပါတယ်။

အအေးကွိုင်FCU တပ်မည့်နေရာဟာလျှပ်စစ်အသုံးအဆောင်တွေထားရှိသုံးစွဲနေရာနဲ့ အနည်းဆုံး ၁၀ပေ အကွာမှာရှိသင့်ပါတယ်။လူရဲ့ အပေါ်ခပ်စောင်းစောင်းမျက်နှာချင်းဆိုင် ဦးခေါင်းနေရာကို ရှေ့မျက်နှာဖက်ကထားပေးသင့်ပါတယ်။

တီဗီ မီးဖို အစရှိတဲ့လျှပ်စစ်ပစ္စည်းများရဲ့နီးကပ်တဲ့ နေရာမှာ မတပ်ဆင်သင့်ပါဘူး။အဆိပ်အတောက်ဖြစ်စေတဲ့၊ မီးလောင်လွယ်တဲ့ဂက်စ်တွေ ယိုစိမ့်နိုင်တဲ့နေရာတွေမှာ အခန်းတွေမှာမတပ်ဆင်ရပါ။တပ်ဆင်တဲ့အခါ အအေးကွိုင်(FCU/Indoor Unit) အပေါ်ထိပ်နဲ့မျက်နှာကြက်အကွာအဝေးက အနည်းဆုံး ၄ လက်မ ခွာပေးထားသင့်ပါတယ်။

(2)အအေးကွိုင်/FCU/Indoor Unit တပ်ဆင်တဲ့အခါ

စက်အသစ်တွေမှာ ယိုစိမ့်မှုရှိမရှိစမ်းသပ်ထားတဲ့ နိုက်ထရိုဂျင်ဂက်စ် Unit ထဲမှာရှိမရှိ FCU ရဲ့ ပလတ်စတစ် ပလတ်အဖုံးကို ဖွင့်ပြီး အရင်စစ်ဆေးရပါမယ်။မရှိတော့ရင်တော့ FCU မှာ ဂက်စ်ယိုစိမ့်နေတာဖြစ်နိုင်လို့ ဆိုင်မှာပြန်ပြီးလဲလှယ်သင့်ပါတယ်။

FCU/Indoor unit ရဲ့အထိုင် ဘရက်ကက်ကိုသေချာခိုင်မြဲစွာတပ်ဆင်ရပါမယ်။စကူချောင်နေတာ ကြွတက်နေတာမျိုးမဖြစ်ရပါဘူး။FCU/Indoor unit ကို ဘရက်ကက်မှာ တပ်ဆင်တဲ့အခါ သေချာသပ်ရပ်စွာတပ်ဆင်ရပါမယ်။

ရေပြင်ညီတည်မတ်ဖြောင့်တန်းစွာတပ်ဆင်ရပါမယ်။အိမ်ရှင်နှင့်ညှိနှိုင်းသတ်မှတ်ထားသော နေရာမှာတပ်ပေးရပါမယ်။သူနဲ့ညှိနှိုင်းတဲ့နေရာက နည်းပညာအရတပ်ဆင်ဖို့အဆင်မပြေရင် သေချာပြောပြပြီး လိုအပ်သလိုညှိနှိုင်းတပ်ဆင်ရပါမယ်။ရေကျပိုက် သွယ်တန်းဖို့ အဆင်ပြေတဲ့နေရာကိုဦးစားပေးရွေးချယ်သင့်ပါတယ်။အဲဒါကအမြဲတမ်းပြသနာတက်တတ်လို့ပါ။

(3)နံရံအပေါက်ဖောက်တဲ့အခါ

ဂက်စ်ပိုက်တွေနဲ့ရေကျပိုက်တပ်ဆင်ဖို့ နံရံဖောက်ဖို့ပြင်ဆင်ချိန်မှာ တာပေါ်လင်စ သို့မဟုတ် ပလတ်စတစ်စပါးပါးကို ကြမ်းခင်းနဲ့ ဖောက်မည့်နံရံဖက်မှာ အရင်အုပ်ထားသင့်ပါတယ်။မအုပ်ထားမိရင် နံရံဖောက်လို့ထွက်လာတဲ့ ဖုန်တွေ ၊အမှုန်တွေက အခန်းရဲ့နံရံနဲ့ ကြမ်းခင်းကိုညစ်ပတ်စေတတ်လို့ပါ။

နံရံဖောက်တဲ့အခါ အပေါက်ကို တည့်မဖောက်ပဲ အောက်ကို အနည်းငယ်(10mm) လောက်စောင်းပြီး သင့်တော်ရုံသာဖောက်သင့်ပါတယ်။လိုအပ်တာထက် ပိုပြီးကျယ်တာ နံရံရဲ့မဆလာတွေ အများကြီးကွာကျတာမျိုးမဖြစ်အောင်ဖောက်ရပါမယ်။

အဲဒါမှသာရေကျပိုက်က ရေကျဖို့ အဆင်ပြေစေသလို နံရံအပြင်က မိုးရွာလို့ နံရံတလျှောက် ကျဆင်းလာတဲ့ ရေစီးကြောင်းကို အခန်းထဲပြန်ပြီး စိမ့်မဝင်လာစေဖို့ပါ။အဲဒီရေတွေစိမ့်ဝင်လာရင်တော့ နံရံကဆေးတွေကြွတက်လာတာ ညစ်ပတ်ပြီးမှိုတက်တာတွေဖြစ်လာနိုင်လို့ပါ။

ဖောက်ပြီး ရေကျပိုက်တွေဂက်စ်ပိုက်တွေတပ်ပြီဆိုရင်တော့ စက်အသစ်တွေဆိုရင်ပုံးတွေထဲမှာ ပါလာတဲ့ ရာဘာ အပိတ်တွေတပ်ဆင်ပေးသင့်ပါတယ်။အပြင်ဖက်လည်း ဘိလပ်မြေပလာစတာ သို့မဟုတ် တချို့ စက်အသစ်တွေမှာအသင့်ပါလာတတ်တဲ့ ပလာစတာ နဲ့ ပြန်ပြီးပိတ်ပေးရပါမယ်။အဲဒါမှသာ ပြင်ပက မိုးရေနဲ့ အကောင်တွေအလွယ်တကူမဝင်နိုင်မှာပါ။

(4) ကြေးပိုက်တွေ ဂျွိုင်းတဲ့အခါ

ကြေးပိုက်တွေကို Indoor Unit နဲ့ Out door Unit တပ်ဆင်ဖို့ နံရံဖြတ်ပြီးသွယ်တန်းချိန်မှာ ပိုက်အပေါက်တွေကို ဝါယာတိပ် ဖြစ်စေ တခုခုနဲ့ဖြစ်စေသေချာ ဖုံးအုပ်ပြီးမှ သွယ်တန်းရပါမယ်။သွယ်တန်းချိန်မှာဖုန်တွေ အညစ်အကြေးတွေ ပိုက်ထဲ ဝင်တတ်လို့ပါ။

ဖလဲခေါင်းတွေဖော်ပြီဆိုရင် ဆီလေးသုတ်ပြီးမှခေါ်တွေဖော်ရင် ပိုပြီးချောမွေ့လို့ လုပ်ရကိုင်ရတာလည်းအဆင်ပြေစေပါတယ်။ဖလဲခေါင်းကော်လံတွေက ဖလဲနပ်ခေါင်းနဲ့ ဖလဲနပ်အထိုင်နဲ့သင့်တော်တဲ့အတိုင်းအတာပဲဖြစ်ရပါမယ်။ပိုပြီးအရွယ်အစားကြီးနေတာ၊သေးနေတာဖြစ်ရင်တော့ ဂက်စ်ယိုစိမ့်နိုင်ပါတယ်၊အဲဒါကြောင့်သတိပြုရပါမယ်။သေချာဂရုမစိုက်မိရင် အချိန်ကုန် ငွေကုန် နာမည်ပျက်ဖြစ်တတ်ပါတယ်။

တချို့ဖလဲဖော်တဲ့ လက်သုံးပစ္စည်းတွေဟာ နဂိုတည်းက မကောင်းတဲ့လက်သုံးပစ္စည်းတွေရှိတတ်ပါတယ်။အဲဒီအခါ ဖလဲခေါင်းချိုင့်နေတာ ဖောင်းနေတာဖြစ်တတ်ပါတယ်၊အဲဒီအခါဂက်စ်ယိုစိမ့်တတ်ပါတယ်။

ဖလဲခေါင်းတွေကို အထပ်မြင့်တိုက်ခန်းတွေမှာဆိုရင်တော့ Indoor Unit နဲ့ Outdoor unit ပိုက်ဂျွိုင်းကို အခနိးတွင်းမှာထားသင့်ပါတယ်။အဲဒါမှသာ စက်ချွတ်ယွင်းလို့ ပြင်ဆင်တဲ့အခါ၊ဆားဗစ်လုပ်တဲ့အခါ လွယ်ကူစေမှာပါ။တထပ်အဆောက်အဦးနိမ့်တွေမှာတော့ ဘယ်လိုထားထား အဆင်ပြေပါတယ်။

ဖလဲနပ်ခေါင်းတွေကြပ်တဲ့အခါ ဂွနှစ်ချောင်းနဲ့ သင့်တော်တဲ့တင်းအားနဲ့သာကြပ်ရပါမယ်။အရမ်းကြပ်တာ ချောင်နေတာမျိုးမဖြစ်ရဘူး။အဲဒီလိုဖြစ်နေရင် ဖလဲကော်လံတွေ ဂက်စ်မလုံဖြစ်တပ်ပါတယ်။

ကြေးပိုက်တွေကိုဖော့ပတ်တဲ့အခါ အပေါ်က ပတ်တိပ်ကို အရမ်းတင်းကြပ်နေအောင် မပတ်ရပါဘူး သင့်တော်ရုံသာပတ်ရပါတယ်။ အရမ်းတင်းနေရင် ကြေးပိုက်အတွက်အပူကာစွမ်းအား နည်းသွားပါမယ်။အဲဒီအခါစက်ရဲ့စွမ်းဆောင်ရည်ကျဆင်းတာ ၊ရေသီးတာတွေဖြစ်လာနိုင်ပါတယ်။ဖော့ပတ်တဲ့အခါမှာလည်း တချောင်းစီခွဲပတ်သင့်ပါတယ်။အဲဒါမှာသာ စက်ရဲ့စွမ်းဆောင်ရည်က ပိုက်နှစ်ခေါင်းကို ပူးပြီးဖော့ပိုက်စွပ်ထားတာထက် ပိုမြင့်လာစေမှာပါ။

(5) အောက်ဒိုး(Outdoor unit/condensing unit/CU)တပ်ဆင်တဲ့အခါ

အောက်ဒိုးဘရက်ကက်ကို သေချာခိုင်ခန့်အောင်မဖြစ်မနေ စစ်ဆေးတပ်ဆင်ရပါမယ်။တပ်ဆင်ပြီးတဲ့အခါမှာလည်း ခိုင်ခန့်မှုရှိမရှိသေချာ စစ်ဆေးရပါမယ်။ခိုင်ခန့်မှာသာ ဆားဗစ် ပြန်လုပ်တဲ့အခါ အန္တရယ်ကင်းကင်းနဲ့ အားကိုးပြီး သုံးနိုင်မှာမလို့ပါ။အရမ်းအရေးကြီးပါတယ်။

အောက်ဒိုးယူနစ်ကို ဘယ်သူအတွက်မှ အနှောက်အယှက်မဖြစ်တဲ့နေရာမှာတပ်ဆင်ရပါမယ်။အောက်ဒိုးယူနစ်တပ်ဆင်တဲ့နေရာဟာ ဖြစ်နိုင်ရင်နေတိုက်ရိုက်ထိုးတဲ့ အရပ်နဲ့မျက်နှာချင်းဆိုင် မတပ်ဆင်သင့်ပါဘူး။ကွန်ပရက်ဆာဝန်ပိုပြီး စက်ရဲ့စွမ်းဆောင်ရည်နိမ့်စေတဲ့အပြင် သက်တမ်းလည်းတိုစေပါတယ်။

အောက်ဒိုးယူနစ်ရဲ့ကွိုင်တွေကို အလွယ်တကူပိတ်ရေတတ်တဲ့ အမှုန်အမွားနဲ့ ပစ္စည်းတွေ ပျံ့လွင့်တတ်တဲ့နေရာမှာလည်းမတတ်ဆင်သင့်ပါဘူး။အောက်ဒိုးယူနစ်တပ်တဲ့အခါ ကွိုင်နဲ့နံရံကြားမှာ အနည်းဆုံး (၈လက်မ) နေရာလွတ်ရှိရပါမယ်။

အောက်ဒိုးယူနစ်ရဲ့ရှေ့မျက်နှာစာဟာအနည်းဆုံး (၂ပေ)ရှိသင့်ပါတယ်။အောက်ဒိုးယူနစ်ရဲ့ဘေးပတ်လည်မှာ နေရာလွတ်ရှိပြီးလေဝင်လေထွက် ကောင်းတဲ့နေရာမှာသာတပ်ဆင်ရပါမယ်။မဟုတ်ရင်တော့ စက်ရဲ့သက်တမ်းတိုပါမယ်။

(6)Out door unit ကြေးပိုက်တွေ ဂျွိုင်းတဲ့အခါ

ကြေးပိုက်တဖက်ကနေ ဖြစ်နိုင်ရင်နိုက်ထရိုဂက်လွှတ် ဖိအားနဲ့ ပိုက်ထဲက အမှုန်အမွှားတွေ သန့်စင်ပြီးမှတပ်ဆင်သင့်ပါတယ်။ဖလဲခေါင်းတွေဖော်ပြီဆိုရင် ဆီလေးသုတ်ပြီးမှခေါ်တွေဖော်ရင် ပိုပြီးချောမွေ့လို့လုပ်ရကိုင်ရတာလည်းအဆင်ပြေစေပါတယ်။ ဖလဲခေါင်းကော်လံတွေက ဖလဲနပ်ခေါင်းနဲ့ ဖလဲနပ်အထိုင်နဲ့သင့်တော်တဲ့အတိုင်းအတာပဲဖြစ်ရပါမယ်။ပိုပြီးအရွယ်အစားကြီးနေတာ၊သေးနေတာဖြစ်ရင်တော့ဂက်စ်ယိုစိမ့်နိုင်ပါတယ်၊အဲဒါကြောင့်သတိပြုရပါမယ်။သေချာဂရုမစိုက်မိရင် အချိန်ကုန် ငွေကုန် နာမည်ပျက်ဖြစ်တတ်ပါတယ်။

တချို့ဖလဲဖော်တဲ့ လက်သုံးပစ္စည်းတွေဟာ နဂိုတည်းက မကောင်းတဲ့လက်သုံးပစ္စည်းတွေရှိတတ်ပါတယ်။အဲဒီအခါ ဖလဲခေါင်းချိုင့်နေတာ ဖောင်းနေတာဖြစ်တတ်ပါတယ်၊အဲဒီအခါဂက်စ်ယိုစိမ့်တတ်ပါတယ်။ဖလဲနပ်ခေါင်းတွေကြပ်တဲ့အခါ ဂွနှစ်ချောင်းနဲ့ သင့်တော်တဲ့တင်းအားနဲ့သာကြပ်ရပါမယ်။အရမ်းကြပ်တာ ချောင်နေတာမျိုးမဖြစ်ရဘူး။အဲဒီလိုဖြစ်နေရင် ဖလဲကော်လံတွေ ဂက်စ်မလုံဖြစ်တပ်ပါတယ်။

ကြေးပိုက်တွေကိုဖော့ပတ်တဲ့အခါ အပေါ်က ပတ်တိပ်ကို အရမ်းတင်းကြပ်နေအောင် မပတ်ရပါဘူး သင့်တော်ရုံ သာပတ်ရပါတယ် အရမ်းတင်းနေရင် ကြေးပိုက်အတွက်အပူကာစွမ်းအား နည်းသွားပါမယ်။

အဲဒီအခါစက်ရဲ့စွမ်းဆောင်ရည်ကျဆင်းတာ ၊ရေသီးတာတွေဖြစ်လာနိုင်ပါတယ်။ဖော့ပတ်တဲ့အခါမှာလည်း တချောင်းစီခွဲပတ်သင့်ပါတယ်။အဲဒါမှာသာ စက်ရဲ့စွမ်းဆောင်ရည်က ပိုက်နှစ်ခေါင်းကို ပူးပြီးဖော့ပိုက်စွပ်ထားတာထက် ပိုမြင့်လာစေမှာပါ။PVC trunking တွေ တပ်ဆင်ထားတယ်ဆိုရင်တော့ အဖုံးတွေ ထောင့်ချိုးတွေမှာ သေချာလုံခြုံမှုရှိစေဖို့ ဂရုစိုက်တပ်ဆင်ဖုံးအုပ်ပေးဖို့လိုပါမယ်။

(7)လျှပ်စစ်ဝါယာကြိုးတွေတပ်ဆင်တဲ့အခါ

ဖြစ်နိုင်ရင် Earth ကြိုးကိုမဖြစ်မနေထည့်သွင်းတပ်ဆင်သင့်ပါတယ်။ဝါယာ ကြိုးတွေပေါက်နေပြီးအဲကွန်းကြေးပိုက် ဒါမှမဟုတ် ဘော်ဒီနဲ့ထိနေတာ ရှိမရှိ မီတာနဲ့ စမ်းသပ်ပြီးမှ စက်မှာ တပ်ဆင်သင့်ပါတယ်။မဟုတ်ရင် အသက်အန္တရယ်ရှိနိုင်ပါတယ်။

ဝါယာအရွယ်အစားကိုလည်း စက်ရဲ့ သတ်မှတ်ထားတဲ့ အမ်ပီယာ ပမာဏထက် မသေးတဲ့ အရွယ်အစားကို မဖြစ်မနေတပ်ဆင်ပေးရပါမယ်။ဝါယာတွေတပ်ဆင်တဲ့အခါမှာလည်းအစတွေထွက်နေတာ ချောင်နေတာ ရှိမရှိ တပ်ဆင်ပြီးတဲ့အခါ ပြန်လည်စစ်ဆေးရပါမယ်။

(8)စက် စတင်ပြီး မောင်းဖို့ပြင်ဆင်တဲ့အခါ

ကြေးပိုက်တွေ ဝါယာတွေ အားလုံးတပ်ဆင်ပြီးစီးတဲ့ အခါ လေစုပ်ပန့် (Vacuum pump) နဲ့ ပိုက်လိုက်တွေထဲက လေနဲ့ရေငွေ့တွေ ပြောင်စင်အောင် မစုပ်ခင် နိုက်ထရိုဂျင်ဂက်စ် 200PSI လောက်ထိုးထည့်ပြီး ပိုက်လိုင်တွေ ယိုစိမ့်မှုရှိမရှိ နာရီဝက်လောအရင်စမ်းသပ်သင့်ပါတယ်။မယိုစိမ့်တော့မှ နိုက်ထရိုဂျင်တွေကိုဖောက်ထုတ်ပြီး ကုန်သွားရင် လေစုပ်ပန့် (Vacuum pump) နဲ့ ပိုက်လိုင်းထဲက လေကုန်အောင်(-30inHg) ရောက်အောင် (၁၅) မိနစ်လောက်စုပ်ထုတ်ပြီး ကုန်တာသေချာမှ Outdoor Unit ရဲ့ ဗားတွေကိုဖွင့်ပြီးစက်မောင်ဖို့ပြင်ဆင်ရပါမယ်။

စက်မမောင်းမီ လျှပ်စစ်ဗို့အား သတ်မှတ်ထားတဲ့အတိုင် း(၁၉၀မှ ၂၃၀ကြား) ရှိမရှိ စမ်းသပ်တိုင်းတာပြီးသတ်မှတ်ချက်အတိုင်းရှိမှ စက်ကို လျှပ်စစ် ပေးသင့်ပါတယ်။စက်မောင်းတဲ့အခါ သတ်မှတ်ထားတဲ့ ဂက်စ်ဖိအားနဲ့ သတ်မှတ်ထားတဲ့ လျှပ်စီးအမ်ပီယာ ရှိမရှိ သေချာ စစ်ဆေး ရပါမယ် ။အရမ်းများနေရင် ဂက်စ်ပမာဏ ပိုနေတာ ပိုက်လိုင်း ပိတ်နေတာရှိမရှိစစ်ဆေးပြီး ဂက်စ်များနေရင် ပိုနေတဲ့ပမာဏကို ပြန်လည်သိမ်းဆည်းသင့်ပါတယ်။လျော့နေရင်တော့ သတ်မှတ်ထားတဲ့ ပမာဏရောက်သည်အထိထပ်မံဖြည့်တင်း ပေးရပါမယ်။

(9)အားလုံးတပ်ဆင်ပြီးလို့ စမ်းသပ်မောင်းနှင်ပြီးသွားတဲ့အခါ..

ရေကျပိုက်တွေ ရေကျတာမှန်မမှန် နာရီဝက်လောက်စောင့်ကြည့်စစ်ဆေးသင့်ပါတယ်။အောက်ဒိုးယူနစ်ရဲ့ အပူစွန့်ထုတ်မှု့မှန်မမှန်စစ်ဆေးသင့်ပါတယ်။ယူနစ်တေရဲ့ အသံဆူညံမှုရှိမရှိ စစ်ဆေးသင့်ပါတယ်။ရီမုတ်တွေရဲ့ ဖန်ရှင် မှန်မမှန် စစ်ဆေးပြီးအိမ်ရှင်ကို သေချာရှင်းပြအပ်နှံသင့်ပါတယ်။ကိုယ့်ရဲ့ လက်သုံးပစ္စည်းတွေ သေချာသန့်ရှင်းရေလုပ်ပြီး ပြည့်စုံအောင်ပြန်လည်သိမ်းဆည်းသင့်ပါတယ်။အိမ်ရှင်ကိုလည်း သိသင့်တာတွေ ရှင်းပြပြီးလိုအပ်တဲ့ သန့်ရှင်းလုပ်ငန်းတွေပြီးစီးအောင်ဆောင်ရွက်ပေးခဲ့ဖို့လိုပါတယ်။

လေ့လာမှတ်သားစရာ အိမ်ခြံမြေဆောင်းပါးများ

ရေခဲသေတ္တာထဲကို လုံးဝမထည့်ထားသင့်သည့် ပစ္စည်း (၁၀) မျိုး

အိမ်မှာသောင်းကျန်းနေတဲ့ကြွက်တွေကို အပြတ်နှိမ်နင်းနိုင်မယ့် အိမ်တွင်းနည်းလမ်းကောင်းများ

အလှမွေးငါးကန်ဖြင့် လာဘ်ခေါ်ခြင်း

ကြွယ်ဝချမ်းသာခြင်းတွေ ယူဆောင်လာပေးနိုင်တဲ့ အိမ်တွင်း အလှစိုက်အပင်ငယ်များ

Credit : Changeengineeringmm

Posted By : Sint Sint (ShweProperty.com)