Covid-19 ကပ်ရောဂါကြောင့်ကမ္ဘာတစ်ဝှမ်းရှိ စီးပွားရေးလုပ်ငန်းများအပေါ်သက်ရောက်မှုများစွာရှိခဲ့သည်။ သို့သော်ကမ္ဘာ့စီးပွားရေးသည်ဆက်လက်လည်ပတ်နေပြီး ပုံစံအသစ်ဖြင့် တိုးဆက်ဖြစ်ထွန်းမှုများဆီသို့ဆက်လက်ဦးတည်နေဦးမည်ဖြစ်သည်။ အိမ်ခြံမြေဈေးကွက်အတွင်းတွင်လည်း ထိုနည်းတူပင်ဖြစ်သည်။ ပြုလုပ်ထားပြီးခဲ့သောရင်းနှီးမြုတ်နှံမှုများအတွက် ဆက်လက်ရောင်းချနေရဦးမည်ဖြစ်သည်။
ပိုမိုကောင်းမွန်သောအခွင့်အလမ်းများပင် ယခုကာလတွင်ရရှိလာနိုင်သည်။ ယခုဆောင်းပါးတွင် အိမ်ခြံမြေ Developer များသိသင့်သည့် Covid-19 ကာလအတွင်း အိမ်ခြံမြေရောင်းချရာတွင်ဆောင်ရွက်ရမည့်အချက်များကို အကြံပြုမျှဝေလိုက်ပါသည်။
ပုံနှိပ်လက်ကမ်းကြော်ငြာများကိုလျော့ချပါ
သမရိုးကျကြော်ငြာနည်းတစ်ခုဖြစ်သည့် flyer များပုံနှိပ်ပြီး ဝယ်ယူသူများထံသို့လက်တွေ့ပို့ဆောင်ခြင်းသည် ပုံမှန်ကာလတွင်အလုပ်ဖြစ်ခဲ့သော်လည်းလက်ရှိကာလတွင်တော့ အလုပ်ဖြစ်မည်မဟုတ်တော့ပေ။ ဝယ်ယူသူများအနေဖြင့် ကျန်းမာရေးအတွက်စွန့်စားရာကျနေသည့် လက်တွေ့လက်ခံရယူခြင်းများကိုပိုမိုရှောင်ရှားလာကြသည်။ ယခုအခါ ၉၀ % သော ဝယ်ယူသူများသည် အိမ်ခြံမြေများကို Online မှရှာဖွေဝယ်ယူလာကြသည်။ သင့်အနေဖြင့်အန္တရာယ်တစ်စုံတစ်ရာမရှိပဲ ဝယ်ယူသူများထံသို့ Online မှတစ်ဆင့်ထိရောက်စွာကြော်ငြာနိုင်ပြီဖြစ်သည်။ ShweProperty.com အနေဖြင့်လည်း နည်းပညာကို အခြေခံသည့် ရောင်းချမှုနှင့် Marketing အစီအစဉ်များကို မိတ်ဆက်ပေးနေပြီး 09446667717 နှင့် 095118187 များသို့ဆက်သွက်စုံစမ်းနိုင်သည်။
သီးသန့်ရောင်းချမှုကိုပိုမိုဆောင်ရွက်ပါ
Covid-19 ကာလတွင် လူအများက လူစုလူဝေးကို အတတ်နိုင်ဆုံးရှောင်ရှားကြသည်။ အစိုးရမှလည်း ကန့်သတ်ချက်များချမှတ်ထားခြင်းကြောင့်လူများကိုစုပေါင်းရောင်းချခြင်းများက အလုပ်ဖြစ်မည်မဟုတ်ပေ... ထို့ကြောင့်သင့်အနေဖြင့် သင်ရောင်းချမည့် အိမ်ခြံမြေတွင် Open House ပုံစံသီးသန့်ဖိတ်ခေါ်ရောင်းချခြင်းကပိုမိုအကျိုးရှိစေပေလိမ့်မည်။ သင့် Customer များအနေဖြင့်လည်းမိမိတို့ဝယ်ယူမည့်အိမ်ခြံမြေကို ကိုယ်တိုင်ကြည့်ရှု့နိုင်သည့်အတွက် ပိုမိုစိတ်ကျေနပ်ကြလိမ့်မည်ဖြစ်သည်။ သင့်အနေဖြင့် Mask, လက်ဆေးရေ စသည့် ကျန်းမာရေးလုံခြုံမှုအစီအစဉ်များကိုတော့ ပြင်ဆင်ထားဖို့ လိုအပ်မည်ဖြစ်သည်။
အွန်လိုင်းအိမ်ခြံမြေအရောင်းပြပွဲများ
အိမ်ခြံမြေအရောင်းပြပွဲများသည် ဝယ်ယူသူများပိုမိုနှစ်ချိုက်သည့်အရာဖြစ်သည်။ ပုံမှန်ကာလဆိုလျင် အိမ်ခြံမြေအရောင်းပြပွဲများကို အဆင်ပြေစွာကျင်းပနိုင်သော်လည်းလက်ရှိအချိန်တွင် နိုင်ငံတော်အစိုးရ၏ ကန့်သတ်ချက်များ၊ ရောဂါကူးစက်မှုအန္တရာယ်များကြောင့် အရောင်းပြပွဲကြီးများပြုလုပ်ရန်မဖြစ်နိုင်တော့ပေ။
သို့သော် ပိုမိုကောင်းမွန်သည့်အခြေအနေတစ်ရပ်ရှိနေသည်။ အွန်လိုင်းအိမ်ခြံမြေအရောင်းပြပွဲကြီးများဖြစ်ပါသည်။ အွန်လိုင်းမှပင် Digital Marketing အစီအစဉ်ဖြင့် ဝယ်ယူသူများကိုဖိတ်ခေါပြီး အွန်လိုင်းမှာအလွယ်တကူလေ့လာဝယ်ယူနိုင်အောင်ဆောင်ရွက်ပေးခြင်းဖြစ်သည်။ 360 ပတ်ပတ်လည်ကြည့်ရှုနိုင်သည့် Virtual Tour နည်းပညာဖြင့် ဝယ်ယူလိုသည့်အိမ်ခြံမြေများကို ကိုယ်တိုင်ရောက်ရှိနေသကဲ့သို့လေ့လာနိုင်မည့်အစီအစဉ်များကိုလည်း ဝယ်ယူသူများကိုပံ့ပိုးပေးနိုင်သည်။
ဒါ့အပြင်အရောင်းဝန်ထမ်းများအနေဖြင့်လည်းနေအိမ်/ရုံးခန်းမှနေ၍ ဝယ်ယူသူနှင့်တိုက်ရိုက်ချိတ်ဆက်ရောင်းဝယ်နိုင်သည်။ အွန်လိုင်းအရောင်းပြပွဲကြီးများ၏အားသာချက်မှာ တစ်ချိန်ထဲမှာ မြန်မာနိုင်ငံသာမက ကမ္ဘာတစ်ဝှမ်းလုံးရှိ Customer များထံသို့တိုက်ရိုက်ရောင်းချနိုင်ခြင်းဖြစ်သည်။ ShweProperty အနေဖြင့်လည်းအွန်လိုင်းအိမ်ခြံမြေအရောင်းပြပွဲကြီးများကို ပုံမှန်ပြုလုပ်နေပြီး အခန်းပေါင်းများစွာကို အောင်မြင်စွာရောင်းချနိုင်ခဲ့ပါသည်။
အွန်လိုင်း Video Call ဖြင့်တိုက်ရိုက်ပြသရောင်းချခြင်း
Video Call ဖြင့်ပြသရောင်းချခြင်း၊ Social Media မှ တိုက်ရိုက်ထုတ်လွှင့်ရောင်းချခြင်းများသည့် Customer ၏ စိတ်ပါဝင်စားမှုများကိုပိုမိုရရှိစေသည်။ ယခုအခါ Video Call နှင့် Social Media အသုံးပြုသူအများအပြားတိုးတက်လာခြင်းကြောင့် ထိုနည်းလမ်းသည်အလွယ်ကူဆုံးနှင့်အထိရောက်ဆုံးနည်းလမ်းတစ်ခုလည်းဖြစ်သည်။ သင့်အနေဖြင့် ရောင်းချမည့် အိမ်ရာစီမံကိန်းတစ်လျောက် လိုက်လံပြသရှင်းပြခြင်းဖြင့်ထိရောက်စွာရောင်းချနိုင်သည်။
အိမ်ရာချေးငွေလျောက်ထားဝယ်ယူနိုင်ရန်ပံ့ပိုးပါ
လက်ရှိအချိန်တွင် အိမ်ရာချေးငွေဖြင့်ဝယ်ယူသူပိုမိုများပြားလာခဲ့သည်။ သက်သာသောအတိုးနှုန်းသည်လည်းဆွဲဆောင်မှုတစ်ခုဖြစ်သည်။ သင့်အနေဖြင့် အိမ်ရာချေးငွေလေျာက်ထားရန်လိုအပ်မည့်စာရွက်စာတမ်းများကို ကြိုတင်ပြင်ဆင်ထားခြင်းဖြင့်လျင်မြန်စွာရောင်းချနိုင်မည်ဖြစ်သည်။
Written By : Mahar (ShweProperty.com)
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
