ဘဏ်ချေးငွေလျှောက်ထားမယ်ဆိုရင် ယေဘုယျအားဖြင့် အပေါင်ပစ္စည်း (ဝါ) အာမခံပစ္စည်း တင်ပြရပါမယ်။ တနည်းအားဖြင့် မရွှေ့မပြောင်းနိုင်သော အာမခံပစ္စည်းပိုင်ဆိုင်မှု စာချုပ်များ၊ အထောက်အထားများကို တင်ပြရ ပြီး ငွေချေးယူမည့်သူ၏ အမည်ပေါက်မြေနှင့် အဆောက်အအုံများဖြစ်ရပါ မယ်။
မြေပိုင်ဆိုင်မှုအတွက် အောက်ပါစာချုပ်နှင့် အထောက်အထား(မူရင်း)များ လက်၀ယ်ရှိရန် လိုအပ်ပါတယ်-

(က) မြေငှားဂရန်စာချုပ်
(ခ) မှတ်ပုံတင်ပြီးမြေနှင့် အဆောက်အအုံ အရောင်းအ၀ယ် စာချုပ်
(သို့) မှတ်ပုံတင်ပြီး အမွေဆက်ခံပိုင်ဆိုင်ကြောင်း ကြေညာလွှာ
(သို့) မှတ်ပုံတင်ပြီး မေတ္တာဖြင့် အပိုင်ပေးကမ်းခြင်းစာချုပ်
(သို့) မှတ်ပုံတင်ပြီး ပိုင်ဆိုင်မှုကို စွန့်လွှတ်/လက်ခံခြင်းစာချုပ် စသည် ----

"ဘဏ်မှငွေချေးရန်" အကြောင်းပြချက်ဖြင့် လက်ရှိကာလအတွက် သက် ဆိုင်ရာမြေယာဌာန (သို့မဟုတ်) မြေစာရင်းရုံးမှထုတ်ပေးသည့် မြေပုံမြေရာ ဇ၀င်မှတ်တမ်းကို တင်ပြရမည်ဖြစ်ပြီး ပိုင်ဆိုင်မှုလက်၀ယ်ရှိကြောင်းနှင့် အရှုပ် အရှင်းကင်းရှင်းကြောင်း ဘဏ်ဥပဒေအကျိုးဆောင်၏ စိစစ်တင်ပြချက် လို အပ်ပါမယ်။



အိမ်ခြံမြေ နှင့် အခြားအရေးကြီး စာချုပ်များ

အကယ်၍ သက်ရှိထင်ရှားမိဘများအမည်ပေါက်ပိုင်ဆိုင်သည့်မြေနှင့် အဆောက်အအုံများ ဖြစ်ပါက ငွေချေး ယူမည့် သား၊ သမီးအား မှတ်ပုံတင် ကိုယ်စားလှယ်လွှဲစာနှင့်အတူ ငွေချေးယူမည့်သူ၏ ကျမ်းကျိန်လွှာတို့ကို ဘဏ်သို့တင်ပြရပါမည်။ ထို့အပြင် အဆိုပါမိဘများ၏ အမွေဆက်ခံခွင့် အ ကျုံး၀င်သော ကျန်သားသမီးများ (ရှိပါက)၏ သဘောတူညီကြောင်း ကတိပြု လွှာများ တင်ပြရပါမယ်။

ငွေချေးယူမည့်သူ၏ ကိုယ်ရေးအချက်အလက်များဖြစ်သော နိုင်ငံသား စိ စစ်ရေးကတ်ပြားနှင့် အိမ်ထောင်စုစာရင်း တို့ကိုလည်း တင်ပြရပါမယ်။ ရပ် ကွက်/ကျေးရွာတွင်အမှန်တကယ် နေထိုင်သူဖြစ်ကြောင်း ရပ်ကွက်/ ကျေးရွာ အုပ်စု အုပ်ချုပ်ရေးမှူး၏ ထောက်ခံချက်ကိုလည်း ဖြည့်စွက်တင်ပြရပါမယ်။

 ဘဏ်ချေးငွေခွင့်ပြုချက်ရရှိပါက ပြန်လည်ပေးဆပ်နိုင်မည့် အလားအလာ ရှိ-မရှိ စိစစ်နိုင်ရန် ငွေချေးယူမည့်သူ၏ စီးပွားရေးလုပ်ငန်းဆိုင်ရာ အထောက် အထားများ၊ ငွေကြေးစာရင်းများနှင့် လုပ်ငန်းဆောင်ရွက်မှုမှတ်တမ်းများကို တင်ပြရပါမယ်။ ကုမ္ပဏီလုပ်ငန်းဖြစ်ပါက ကုမ ္ပဏီမှတ်ပုံတင်နှင့် Form-E, Form-6, Form-26 တို့ကို တင်ပြရပါမယ်။ သက်တမ်းရှိလုပ်ငန်း လိုင် စင် နှင့်အတူ အခွန်ထမ်းဆောင်ပြီးသည့်ပြေစာများနှင့် (၃)နှစ်စာ ဘဏ္ဍာေ ရးစာရင်းရှင်းတမ်းများကိုလည်း တင်ပြရပါမယ်။

အာမခံပစ္စည်းများ၏ ဓါတ်ပုံများနှင့် စီးပွားရေးလုပ်ငန်း၏ဓါတ်ပုံများ ပူးတွဲ တင်ပြရပါမည်ဖြစ်ကြောင်း ကြိုတင်စီစဉ်ထားနိုင်ပါရန် တိုက်တွန်းအပ်ပါတယ်။

ဖတ်ရှုမှုအများအဆုံး အိမ်ခြံမြေဗဟုသုတများ

လယ်ယာမြေကို အကွက်ရိုက် ဝယ်ယူခြင်းဟာ ခိုင်မာမှု ရှိနိုင်သလား

ကွန်ဒိုအိမ်ခန်းပိုင်ရှင်တို့ သိထားသင့်တဲ့ အချက်များ

အိမ်မဆောက်ခင် ဒါတွေ အရင်သိထားမှဖြစ်မယ်နော်

အိမ်တက်လုပ်သည့် အခါဝယ်

Posted By : Ra Wai (ShweProperty.com)