ရန်ကုန်မြို့ပတ်ရထား လမ်းအဆင့်မြှင့်တင်ရေးစီမံကိန်း ကို လာမည့် ဧပြီတွင် စတင်ဆောင်ရွက်မည်ဖြစ်ပြီး စီမံကိန်းနှင့်မ လွတ်ကင်းသည့် အိမ်ထောင်စု များ ပြန်လည်နေရာချထားရေး အစီအစဉ်ကို ၂၀၁၇ ပထမလေး လပတ်အတွင်း အကောင်အထည် ဖော်ဆောင်ရွက်မည်ဟု မြန်မာ့ မီးရထားမှ သတင်းရရှိသည်။
‘‘ရန်ကုန်မြို့ပတ်လမ်းတစ် လျှောက်မှာ ငြိစွန်းနိုင်တဲ့ ဈေးဆိုင်လေးတွေ၊ အိမ်လေးတွေအပါအ ဝင် နေထိုင်ကြတဲ့ စီးပွားရေးလုပ် ကြသူတွေ ထိခိုက်မှုတွေ ရှိရင် ဘယ်လိုစောင့်ရှောက်မှုတွေ လုပ်မလဲဆိုတာ ညှိနှိုင်းပေါင်းစပ်မှုပြု လုပ်ခဲ့ပါတယ်။ ရွှေ့ပြောင်းရင် ထိခိုက်နစ်နာနိုင်မယ့် အိမ်လေး တွေ၊ ဈေးဆိုင်လေးတွေကို ဆုံးရှုံး နစ်နာမှုအလိုက် လျော်ကြေးပေး ဆောင်ရွက်ပေးမယ်ဆိုတာ မိဘ ပြည်သူတွေနဲ့ ဆွေးနွေးဖြစ်ခဲ့ပါ တယ်’’ ဟု မြန်မာ့မီးရထား (အောက်မြန်မာပြည်)အထွေထွေ မန်နေဂျာ ဦးထွန်းအောင်သင်းက ပြောကြားသည်။
မြို့ပတ်လမ်းတစ်လျှောက် ပြန်လည်နေရာချထားပေးရမည့် မီးရထားရဲအိမ်ခန်းနှင့် ဝန်ထမ်း များအဆောက်အအုံ ၁၄ လုံး၊ လူကူးခုံးကျော်တံတား တစ်စင်း တည်ဆောက်ရေးအတွက် အိမ်တစ်လုံး၊ ကော်ဖီဆိုင်နှစ်ဆိုင်၊ ပြည်သူလူထုနေ အဆောက်အအုံ ရှစ်လုံး၊ စိုက်ပျိုးနေရာငါးနေ ရာနှင့် ဈေးဆိုင်ငယ် လေးဆိုင် ပါဝင်ပြီး စုစုပေါင်း ၃၄ နေရာကို ပြန်လည် နေရာချထားပေးမည် ဖြစ်သည်။
အဆောက်အအုံ ဖျက်သိမ်း ပြောင်းရွှေ့ရခြင်းကြောင့် ထိုက် သင့်သော ငွေကြေးကို သယ်ယူ ပို့ဆောင်စရိတ်အဖြစ် ပေးအပ် ခြင်း၊ ပြောင်းရွှေ့နေရာတွင် အခြေကျရန် လူတစ်ဦးစီအတွက် ထိုက် သင့်သော ငွေကြေးများ ကရုဏာ ကြေးအဖြစ် ပေးအပ်မည် ဖြစ် ကြောင်း သိရသည်။
ရန်ကုန်မြို့ပတ်ရထားလမ်း ပိုင်း အဆင့်မြှင့်တင်ရာတွင် မလွတ်ကင်းသော ပျံကျဈေးသည် သုံးဦး၊ တညင်းကုန်းဘူတာ၌ ၁၈၃ဦး၊ သမိုင်းဘူတာ၌ ၁၃၁ ဦး၊ ကန်ဘဲ့ဘူတာ၌ ၁၂ ဦးနှင့် ကြည့်မြင်တိုင်ဘူတာ၌ ၁၇ ဦးတို့ကို မြန်မာ့မီးရထားကလာမည့် ဒီဇင်ဘာကစ၍ ဆောင်ရွက်ပေး မည် ဖြစ်ကြောင်း သိရသည်။
ရန်ကုန်မြို့ပတ်ရထားလမ်း အဆင့်မြှင့်တင်ရေးစီမံကိန်းကို လာမည့် ၂၀၁၇ ဧပြီတွင် စတင် အကောင်အထည်ဖော် ဆောင် ရွက်မည်ဖြစ်ရာ အဆင့်မြှင့်တင် ရာတွင် ရထားသံလမ်းများအပြင် ဇလီဖားတုံးများ လူကူးခုံးကျော်တံ တားများ၊ အချက်ပြစခန်းများ၊ ပလက်ဖောင်း၊ ရထားဘူတာနှင့် ဘူတာရုံအဆောက်အုံများကို လည်း တစ်ပါတည်း အဆင့်မြှင့် တင်မည်ဖြစ်သည်။
‘‘အဆင့်မြှင့်တင်ရာမှာ နှစ် ပိုင်းခွဲထားပါတယ်။ ပထမတစ် ပိုင်းက နိုင်ငံခြားအကူအညီနဲ့ ဆောင်ရွက်တဲ့ အပိုင်း၊ ကျန်တဲ့ ဒုတိယအပိုင်းက နိုင်ငံတော်ဘတ် ဂျက်နဲ့ ဆောင်ရွက်တဲ့အပိုင်းပါ။ နိုင်ငံတော်ဘတ်ဂျက်နဲ့လုပ်တဲ့အ ပိုင်းမှာ လမ်းအဆင့်မြှင့်တင်ရေး၊ ပလက်ဖောင်းတွေ၊ ဘူတာတွေ၊ စင်္ကြံတွေ၊ ရေမြောင်းတွေ၊ မြေ ထိန်းနံရံတွေအားလုံးကို လုပ်သွား မယ်’’ဟု ဦးထွန်းအောင်သင်းက ပြောသည်။
ရန်ကုန်မြို့ပတ်ရထားလမ်း ပိုင်း အဆင့်မြှင့်တင်ရေးစီမံကိန်း တွင် ဂျပန် ဂျိုက်ကာမှ ODA ချေး ငွေအမေရိကန်ဒေါ်လာ ၂၀၆ သန်းဖြင့် DMU အဆင့်မြှင့်ရထားတွဲ ခြောက်တွဲပါ တွဲဆိုင်း ၁၁ ဆိုင်း ဝယ်ယူရန်နှင့် ရထားကားလမ်း ကူး ၂၅ နေရာ၌ အချက်ပြ စနစ်သစ်များ တပ်ဆင်ရန် ဆောင်ရွက်မည် ဖြစ်သည်။
Ref & Photo Credit : 7daydaily
Posted By : Moe Thae'
Property Sales Event
နောက်ဆုံးရ သတင်းများ
For Sale
For Rent
New Homes
other properties
