အထပ်မြင့် အဆောက်အအုံတွေမှာ သက်ဆိုင်ရာဌာနတွေရဲ့ ခွင့်ပြုထောက်ခံချက်ရှိ မရှိ ဆိုင်ရာဌာနတွေက စစ်ဆေးပြီး အရေးယူမယ်လို့ သိရပါတယ်။
အထပ်မြင့်အဆောက်အအုံတွေ တည်ဆောက်မှု စတင်တဲ့အခါ သတ်မှတ်ထားတဲ့စည်းကမ်းအချက်အလက်တွေနဲ့ လျှောက်ထားပေမဲ့ လူနေထိုင်ခွင့်ပါမစ် မလျှောက်ထားတာ၊ မီးသတ်ဦးစီးဌာနရဲ့ စစ်ဆေးထောက်ခံချက်မရှိတာ စတဲ့ အဆောက်အအုံတွေကို စစ်ဆေး မှာဖြစ်ပါတယ်။
'ဆင်ခြေဖုံးမြို့နယ်တစ်ချို့မှာဆိုရင် လူနေခွင့်မကျသေးပဲ မရှိဘဲနဲ့ အရောင်းအဝယ် လုပ်နေကြတာတွေ ရှိတယ် ၊ ဒါကိုမသိဘဲ ဝယ်သူတွေလဲရှိတယ် ၊ ဝယ်ပြီးမှ လူနေခွင့်မကျသေးတာ ၊ စည်ပင်က ခွင့်မပြုတာတွေ ကြုံနေကြရတယ်၊ တကယ့်စည်းကမ်းအတိုင်းဆိုရင် လူနေခွင့်ရဖို့ မီးသတ်ဌာနရဲ့စစ်ဆေးထောက်ခံချက်လဲ ရှိရမယ်၊ တချို့ကန်ထရိုက်တာတွေက ဆောက်လုပ်ခွင့်တော့တင်တယ်၊ လူနေခွင့်ပါမစ်ကိုတော့ မလျှောက်ကြတာတွေရှိတယ် ' လို့ ဆောက်လုပ်ရေးလုပ်ငန်းအကျိုးဆောင်ရှေ့နေဦးမောင်မောင်ကပြောပါတယ်။
အထပ်မြင့် အဆောက်အအုံတွေ စတင်ဆောက်လုပ်တဲ့အခါ စည်ပင်ဌာနရဲ့ အကြံပြုချက်တွေပါ ရယူရတယ်။ အဲ့သည့်အကြံပြုချက်ရှိမှ လူနေထိုင်ခွင့်ပါမစ်လျှောက်ရတာပါ။
ရန်ကုန်မြို့တော်စည်ပင်သာယာအင်ဂျင်နီယာဌာန (အဆောက်အအုံ) မှ တာဝန်ရှိသူတစ်ဦးက ''အဆောက်အအုံတွေကို လူနေထိုင်ခွင့်ပါမစ်လျှောက်ခိုင်းမှာပါ ၊ လိုက်နာဆောင်ရွက်မှု မရှိတဲ့သူတွေကို YCDC အနေနဲ့ရော မီးသတ်ဥပဒေအရပါအရေးယူမှာဖြစ်တယ် ' လို့ ပြောပါတယ်။ လူနေထိုင်ခွင့်ပါမစ် ရရှိဖို့ မီးသတ်ဦးစီးဌာနရဲ့ စစ်ဆေးထောက်ခံချက် ( Fire Safety Certificate ) လိုအပ်ပါတယ်။
ပြီးခဲ့တဲ့နှစ်အတွင်း ဆောက်လုပ်ခွင့် ပါမစ်အတွက် မီးသတ်ဌာနပအကြံပြုချက်ထုတ်ပေးခဲ့တဲ့ အဆောက်အအုံက၅၀၀၀ကျော်ရှိပေမဲ့ ဌာနရဲ့ ထောက်ခံချက်လာယူတဲ့ အရေအတွက်က ၁၂၀ကျော် သာရှိတယ်လို့ မီးသတ်ဦးစီးဌာနရဲ့ ထုတ်ပြန်ချက်အရ သိရတယ်။
Property Sales Event
နောက်ဆုံးရ သတင်းများ
For Sale
For Rent
New Homes
other properties
