ငမိုးရိပ်စံပြဈေးရဲ့ ယာယီမြေနေရာ ဈေးနှုန်းတွေက ကျပ် (၂၀၀,၀၀၀) ဝန်းကျင်ကနေ ကျပ်(၁၀)သိန်းဝန်းကျင်အထိ ပေါက်ဈေးတွေ ဖြစ်ပေါ်နေတယ်လို့ သိရပါတယ်။
ဆိုင်ခန်းအကျယ်အဝန်းတွေကတော့ (၄ပေ × ၈ပေ) အခန်းတွေဖြစ်ပြီး ဆိုင်ခန်းမြေနေရာတွေကတော့ မီးရထားပိုင်မြေနှင့် စည်ပင်ပိုင်မြေ နှစ်မျိုးခွဲခြားထားပါတယ်။ဆိုင်ခန်းရဲ့ ယာယီမြေနေရာ ဈေးနှုန်းတွေကတော့ လူစည်ကားမှုအပေါ် မူတည်ပြီး ကျပ် (၂၀၀,၀၀၀) ကနေ ကျပ် (၁၀) သိန်းလောက်အထိဖြစ်ပြီး ၎င်းယာယီမြေနေရာကို ဝယ်ယူထားတဲ့ သူက ဆိုင်ခန်းမဖွင့်တော့တဲ့အခါ သက်ဆိုင်ရာဌာနက အခန်းပြန်သိမ်းသွားမှာ ဖြစ်ပါတယ်။
ဒါ့အပြင် ယာယီအခန်းမြေနေရာ ဝယ်ယူထားတဲ့ သူက သက်ဆိုင်ရာဌာနကို လစဉ်ဆိုင်ခန်း ငှားရမ်းခ ကျပ် (၃၀၀၀) မှ ကျပ် (၇၀၀၀) အသီးသီး ပေးဆောင်ရမှာ ဖြစ်ပါတယ်။ ပျံကျဈေး မြေနေရာက မီးရထားပိုင်မြေဖြစ်ပြီး အလယ်ဘက်မြောင်းအကျော် လမ်းမတန်းဘက်က မြေနေရာက စည်ပင်ပိုင်မြေနေရာ ဖြစ်ပါတယ်။ မြေနေရာတွေကို ဌာနတွေက ယခင်ကတည်းက ရောင်းဝယ်ကြတဲ့ ဆိုင်ခန်းပိုင်ရှင်တွေကို ချထားပေးတာဖြစ်ပြီး အဲသည်မြေနေရာပိုင်ရှင်တွေက တစ်ဆင့်ယာယီ မြေနေရာတွေကို ပြန်လည်ရောင်းချတာဖြစ်ပါတယ်။
"ဆိုင်ခန်းဈေးတွေက လစဉ်ကောက်ခံမှု မတူညီဘူး၊ စည်ပင်မြေကပိုသက်သာပြီး မီးရထားပိုင်မြေက ဈေးနည်းနည်း ပိုများတယ်၊ အခန်းတစ်ခန်းကို သိန်းချီပေးရပေမယ့် ကိုယ်ရောင်းနေတဲ့အချိန်ပဲ အပိုင်ရပြီး မရောင်းတော့ရင် မပိုင်တော့ဘူး"လို့ ပံျကျဈေးအတွင်း အဝတ်အထည်ဆိုင် ဖွင့်လှစ်ထားတဲ့ မအိမြတ်က ပြောပါတယ်။
၎င်းပျံကျဈေးအတွင်း အမျိုးသား၊ အမျိုးသမီး ဝတ်အထည်ဆိုင်နဲ့ ကလေးဝတ် အထည်ဆိုင်တွေ ဖွင့်လှစ်ထားတယ်လို့ သိရပါတယ်။ ဆိုင်ခန်းဖွင့်လှစ်သူ အများစုက အနည်းဆုံး နှစ်ခန်းတွဲနဲ့ လေးခန်းတွဲတွေ ဖွင့်လှစ်ကြပါတယ်။ ယာယီမြေနေရာ ဈေးနှုန်းတွေကိုတော့ မူလပိုင်ရှင်က အရောင်းအဝယ်ကောင်းမှုအပေါ် မူတည်ပြီး ဈေးထပ်တက်တာတွေ ရှိတယ်လို့ သိရပါတယ်။
Ref : The Modern
Posted By : Wai Phyoe Aung
Property Sales Event
နောက်ဆုံးရ သတင်းများ
For Sale
For Rent
New Homes
other properties
