အခြားနိုင်ငံတွေမှာဆိုရင် ကံကောင်းစေတဲ့အပင် (Lucky plants) တွေကို  တယုတယစိုက်လေ့ရှိကြပါတယ်။ အယူအဆအမျိုးမျိုးရှိကြပြီး မြန်မာနိုင်ငံမှာလည်း ဒါမျိုးတွေရှိပါတယ်။ ဥပမာ -ရွှေလာငွေလာပင်စိုက်တာ လိုမျိုးပေါ့။ 
 
နောက်ထပ်ရော ကံကောင်းစေတယ်ဆိုပြီးစိုက်ကြတာ ဘယ်လိုအပင်တွေ ဖြစ်မလဲဆိုတာ ဆက်လေ့လာကြည့်ရအောင်။
 
 ၁။ ကံကောင်းစေတဲ့ဝါးပင်(Lucky bamboo)
 
အမှန်တကယ် ဝါးပင်စစ်စစ်မဟုတ်ပဲ Dracaena မျိုးနွယ်ဝင် အပင်ပါ။ ဒီအပင်စိုက်တဲ့အခါမှာလည်း ပင်စည်အရေအတွက်အလိုက် အဓိပ္ပာယ်ဖွင့်ဆိုထားတွေ ရှိပါသေးတယ်ဗျ။ နှစ်ပင်ပူးစိုက်ရင် ချစ်ခြင်းမေတ္တာကိုကိုယ်စားပြုပြီး သုံးပင်စိုက်ရင် ပျော်ရွင်မှုကိုကိုယ်စားပြုတယ်။ အဒီလိုပဲ ငါးပင်စိုက်ဆိုရင် ကြွယ်ဝချမ်းသာမှု၊ ခြောက်ပင်ဆိုရင်ကံကောင်းခြင်း၊ ခုနှစ်ပင်ဆိုရင် ကျန်းမာခြင်း၊ ရှစ်ပင်ဆိုရင် ဖွံ့ဖြိုးခြင်း၊ ကိုးပင်ဆိုရင် ကြီးမားတဲ့ကံကောင်းခြင်း၊ ဆယ်ပင်ဆိုရင် ပြီးပြည့်စုံခြင်းနဲ့ နှစ်ဆယ့်တစ်ပင်ပူးစိုက်ရင် အာဏာပါဝါ အဓွန့်ရှည်ခြင်း တို့ဖြစ်ပါတယ်တဲ့ဗျ။

၂။ ဇော်ဂျီတောင်ဝှေးပင် (Hawaiian Ti Plant)
 
ဆေးဖက်ဝင်တဲ့အပင်လည်းဖြစ်ပြီး အရောင်အမျိုးမျိုးနဲ့ တွေ့ရလေ့ရှိပါတယ်။ ရှေးကျတဲ့ Polynesians လူမျိုးတွေ ယုံကြည်ကြတာတော့ ဒီအပင်ကို အိမ်မှာစိုက်ထားမယ်ဆိုရင် ဉာဏ်အမြော်အမြင်ကြီးစေသတဲ့။ အခုခေတ်မှာတော့ နှစ်ပင်ပူးစိုက်ရင် အချစ်ရေးကို ကံကောင်းစေနိုင်တယ်ဆိုပဲဗျ။
 
၃။ ပိုက်ဆံပင် (Money tree)
 
မူရင်းဒေသက မက္ကဆီကိုဖြစ်ပြီး ပေ (၆၀)လောက်ရှည်သတဲ့ဗျ။ ကံကောင်းစေတယ်ဆိုပြီး အိမ်တွင်းမှာ ဘွန်ဆိုင်းပုံစံ သုံးပင် (သို့) ငါးပင်စိုက်လေ့ ရှိပါတယ်။ 
 
၄။ Jade Plant 
 
ချစ်စရာကောင်းတဲ့ succulent အပင်တွေဖြစ်ပြီး ကံကောင်းစေတဲ့လက္ခဏာရှိလို့ အိမ်တွင်မက ရုံးခန်းတွေမှာပါထားစိုက်လေ့ရှိပါတယ်။
 
၅။ Snake plant
 
လေထုထဲက အဆိပ်တောက်ဖြစ်စေတဲ့ ဓာတ်ငွေ့တွေကို ဖယ်ရှားပေးနိုင်တဲ့ သူ့ရဲ့စွမ်းရည်ကြောင့် ကံကောင်းစေတဲ့အပင်ဆိုပြီး စိုက်ကြပါတယ်။

၆။ Four Leaf Clover
 
ဒီအပင်လေးတွေက အိမ်အတွင်းမှာ စိုက်ဖို့ ခက်ပေမဲ့ ခြံဝန်းထဲမှာစိုက်လို့တော့ ရပါတယ်။ တစ်ရွက်ချင်းဆီမှာ အဓိပ္ပာယ်တွေရှိပြီ ပထမအရွက်က ယုံကြည်မှုကိုကိုယ်စားပြု၍၊ ဒုတိယအရွက်က မျှော်လင့်ချက်၊ တတိယအရွက်က ချစ်ခြင်းမေတ္တာ၊ လေးရွက်မြောက်က ကံကောင်းခြင်းဆိုပြီးဖြစ်ပါတယ်။
 


၇။ စံပါယ်ပင် (Jasmine)
 
ချစ်စရာကောင်းပြီး မျိုးအလိုက် အပွင့်ပုံစံလေးတွေလဲ အမျိုးမျိုးရှိကြပါတယ်ဗျ။ အနံ့လေးလည်းမွှေးသလို ကံကောင်းစေတတ်လို့ အိမ်တော်တော်မှာ စိုက်ထားလေ့ရှိပါတယ်။
 
၈။ နှင်းဆီ(Roses)
 
နှင်းဆီပွင့်တွေမှာလည်း အရောင်မျိုးစုံရှိပြီး အဓိပ္ပာယ်တွေကိုယ်စီရှိကြပါတယ်။ ချစ်ခြင်းရဲ့အဓိပ္ပာယ်ကိုဖော်ဆောင်ပေးပြီး ကံကောင်းခြင်းတွေ ဖြစ်စေတတ်ပါတယ်တဲ့ဗျ။
 
ကဲ အခုလို ချစ်ရာကောင်းတဲ့အပင်လေးတွေကို အလှစိုက်ချင်လို့ပဲဖြစ်ဖြစ်၊ ကံကောင်းစေချင်လို့ပဲဖြစ်ဖြစ် အိမ်တွင်းမှာ စိုက်ထားသင့်ကြောင်း အကြံပြုလိုက်ရပါတယ်ဗျာ။
 
လေ့လာမှတ်သားစရာ အိမ်ခြံမြေဆောင်းပါးများ

အိမ်တွင်းသစ်ပင်လေးတွေနဲ့ ကျန်းမာရေး

ရှားစောင်းလက်ပက်ကို အိမ်မှာ ဘယ်လိုစိုက်မလဲ

အိမ်တွင်းသစ်ပင်လေးတွေနဲ့ ကျန်းမာရေး

အိမ်ဥယျာဉ်ခြံရှိ အပင်တွေက ဘယ်လိုကောင်းကျိုးတွေကို ပေးစွမ်းနိုင်သလဲ

Credit By: အစိမ်းရောင်လမ်း
Posted By: Ra Wai, ShweProperty.com