အိမ်ရာများတည်ဆောက်ရေးကဏ္ဍ၊ လူနေမြို့ပြအိမ်ရာ ဖွံ့ဖြိုးရေးစီမံကိန်းများတွင် မိသားစုများ နေထိုင်ရန် လျှပ်စစ်၊ ရေစသည့် အခြေခံအဆောက်အအုံများအပြင်ဆေးခန်း၊ ကျောင်း၊ စာကြည့်တိုက်၊ ဘာသာရေးအဆောက်အအုံ၊ ပန်းခြံစသည်တို့ကို ထည့်သွင်းတည်ဆောက်ပေးရန် လိုအပ်လာမည်ဖြစ်ကြောင်း ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီးဦးဟန်ဇော်က ပြောကြားသည်။
“လူနေမြို့ပြအိမ်ရာ ဖွံ့ဖြိုးရေးစီမံကိန်းတွေမှာ မိသားစုများနေထိုင်နိုင်ဖို့ အခြေခံလိုအပ်ချက်ဖြစ်တဲ့ သောက်သုံးရေရရှိရေး၊ လျှပ်စစ်မီးသွယ်တန်းရေးသာမက အိမ်ရာအတွင်း သွားလာလှုပ်ရှားနိုင်ဖို့အတွက် လမ်းမ၊ လမ်းသွယ်၊ ဆက်စပ်လမ်းများစတဲ့ (Basic Infrastructure) အခြေခံအဆောက်အအုံများအပြင် Social Infrastructure များဖြစ်တဲ့ ဆေးခန်း၊ ကျောင်း၊ ဘာသာရေးအဆောက်အအုံ၊ စာကြည့်တိုက်၊ ပန်းခြံစသည်တို့ကို ထည့်သွင်းတည်ဆောက်ပေးဖို့ လိုအပ်လာမှာ ဖြစ်ပါတယ်”ဟု ပြည်ထောင်စုဝန်ကြီး ဦးဟန်ဇော်က ပြောကြားသည်။
မြို့ပြဖွံ့ဖြိုးရေးစီမံကိန်းများတွင် ပါဝင်ရမည့် လူမှုရေးအခြေခံအေဆာက်အအုံများဖြစ်သည့် ကျောင်း၊ ဆေးခန်း၊ ဆေးရုံ၊ လမ်းပန်းဆက်သွယ်ရေးလုပ်ငန်းများကိုလည်း ဘဏ္ဍာငွေ ထောက်ပံ့ပေးနိုင်ရန်အတွက် အဆိုပါ လုပ်ငန်းများနှင့် ဆက်စပ်ဆောင်ရွက်နေသည့် ဝန်ကြီးဌာန၊ တိုင်းဒေသကြီးနှင့် ပြည်နယ်အစိုးရများ၏ ရန်ပုံငွေနှင့် ဆောင်ရွက်နေသည့် လုပ်ငန်းများကို ဆောက်လုပ်ရေး၊ အိမ်ရာနှင့်အခြေခံအဆောက်အအုံဖွံ့ဖြိုးရေး ဘဏ်က Construction Bridge Loan များ ထုတ်ချေးပေးလျက်ရှိကြောင်း သိရသည်။
“နိုင်ငံ၏ စီးပွားရေးဖွံ့ဖြိုးတိုးတက်လာခြင်းမှာ အခြေခံအဆောက်အအုံကဏ္ဍဖွံ့ဖြိုးတိုးတက်လာခြင်းအပေါ် အခြေခံပါတယ်။ အခြေခံအဆောက်အအုံဖွံ့ဖြိုးရေးလုပ်ငန်းတွေ ဖွံ့ဖြိုးလာတာနဲ့အမျှ နိုင်ငံတော်ရဲ့ စီးပွားရေးဖွံ့ဖြိုးတိုးတက်အောင်မြင်လာကာ အလုပ်အကိုင်အခွင့်အလမ်းများ ပေါ်ထွက်လာခြင်း၊ ပုဂ္ဂလိကစီးပွားရေးလုပ်ငန်းကဏ္ဍ ဖွံ့ဖြိုးတိုး တက်လာခြင်းစတဲ့ အကျိုးရလဒ်များရရှိစေမှာ ဖြစ်ပါတယ်” ဟု ပြည်ထောင်စုဝန်ကြီးဦးဟန်ဇော်က ဆိုသည်။
အိမ်ရာလိုအပ်နေသည့်ပြည်သူများ ကြုံတွေ့နေရသည့်ငွေကြေးအခက်အခဲကို ကူညီနိုင်ရန်အတွက် အိမ်ရာဝယ်ယူလိုသူများကို ငွေစုဆောင်းသည့်အလေ့အထ ပြုစုပျိုးထောင်ပေးသည့် အိမ်ရာစုဆောင်းငွေစာရင်း ဖွင့်လှစ်ကာ ဘဏ်နှင့်ချိတ်ဆက်၍ အိမ်ရာဝယ်ယူနိုင်ရန် ဆောင်ရွက်ထားသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
