ဆောက်လုပ်ရေး ကုမ္ပဏီတစ်ခု ဖြစ်သည့် ဝါဝါဝင်းကုမ္ပဏီမှ တာမွေ မြို့နယ်ရှိ မြန်မာ့ဂုဏ်ရောင်ရပ်ကွက် အား ရေတပ်စခန်းဆောက်လုပ်ရန် အတွက် နေထိုင်သူများ ဖယ်ပေးရ မည်ဟုပြောဆိုကာ ရေတပ်စခန်းဆောက်လုပ်မှုမရှိဘဲ အိမ်ရာများ ဆောက်လုပ်ခဲ့မှုအပေါ် နစ်နာသူများ မှ စုံစမ်းရေးကော်မရှင်သို့ တိုင်ကြား ခြင်းနှင့် သတင်းမီဒီယာများ တွေ့ ဆုံပွဲအား အောက်တိုဘာလ ၂၄ ရက်နေ့က ပြုလုပ်ခဲ့သည်။
မြေသိမ်းဆည်းခံရသူများက ၁၉၉၄ ခုနှစ်မှ စတင်သိမ်းဆည်း မှုအပေါ် ၎င်းတို့အနေဖြင့် ယခုကာ လမှသာ တိုင်ကြားခြင်း မဟုတ်ဘဲ သိမ်းဆည်းခဲ့ချိန်မှစ၍ နိုင်ငံတော် အဆင့်တာဝန်ရှိသူများ၏လမ်းကြောင်း မှဖြတ်တား၍ သုံးကြိမ်တိတိ တိုင် ကြားခဲ့ရာ ဆောင်ရွက်ပေးမည်ဟု ကတိများရရှိခဲ့သော်လည်း ထူးခြားမှု မရှိခဲ့ကြောင်းလည်း အဆိုပါအဖွဲ့မှ အတွင်းရေးမှူး ဒေါ်သိန်းကြည်က ပြောကြားခဲ့သည်။
''ရပ်ကွက်မှာနေတဲ့ အိမ် ၇၇၁ လုံးကို ဒဂုံဆိပ်ကမ်း ပြောင်းခိုင်းပါ တယ်။ နစ်နာကြေးတစ်ပြားမှ မရတဲ့ အပြင် မြေကွက်အတွက်ကျပ် ၆၁၅ဝ စီသွင်းခဲ့ရပါသေးတယ်။ ရပ်ကွက် က မီးလောင်ပြီးစအချိန်မှာ ပြောင်းခဲ့ ရတော့ မြေချပါမစ်လည်း ရှိပါ တယ်''ဟု ၎င်းက ပြောကြားသည်။ ဒဂုံဆိပ်ကမ်းသို့ ပြောင်းရွှေ့ ခဲ့ရသဖြင့် ပြောင်းရွှေ့ခံ ပြည်သူများ မှာ သောက်သုံးရေ ခက်ခဲခြင်း၊ အလုပ်အကိုင်ရှားပါးခြင်း၊ လက်ရှိ ကာလအထိ နေအိမ်ဆောက်လုပ်နေ ထိုင်နိုင်မှုမရှိသေးခြင်း စသည့် အခက်အခဲများရှိနေကြောင်းလည်း သိရသည်။
''အခုလို ခေတ်ကာလမှာတော့ ကျွန်တော်တို့ရဲ့ နစ်နာမှုတွေအတွက် ဆက်လက်လုပ်ဆောင်ပါမယ်''ဟု ယင်းအဖွဲ့ဥက္ကဋ္ဌ ဦးထွန်းရီက ပြော ကြားသည်။
အဆိုပါကိစ္စနှင့် ပတ်သက်၍ ဝါဝါဝင်းကုမ္ပဏီဥက္ကဋ္ဌထံဆက်သွယ် မေးမြန်းရာ အစည်းအဝေး တက်နေ သည်ဟု ဖြေကြားခဲ့ပြီး ယင်းကုမ္ပဏီ မှ မန်နေဂျာ မဆွေဇင်ဖြိုးကမူ မြန် မာ့ဂုဏ်ရောင် အိမ်ရာမှာ မြို့ရွာနှင့် အိုးအိမ်ဖွံ့ဖြိုးတိုးတက်ရေးဦးစီးဌာန နှင့်ဝါဝါဝင်းကုမ္ပဏီအကျိုးတူပူးပေါင်း လုပ်ကိုင်ခဲ့ခြင်းဖြစ်ကြောင်း ပြောကြားခဲ့သည်။
source : EMG
Property Sales Event
နောက်ဆုံးရ သတင်းများ
For Sale
For Rent
New Homes
other properties
