တရုတ်နိုင်ငံ၊ ရှန်ဟိုင်းမြို့က ဖခင်တဦးဟာ ၂ နှစ်အရွယ်သမီးငယ်နဲ့ ကမ္ဘာလှည့် ခရီးထွက်ဖို့ ရည်ရွယ်ပြီး သူ့ကိုယ်ပိုင်ကုမ္ပဏီနဲ့ အိမ်ကို ရောင်းချခဲ့ပါတယ်။
ဇူချန်ဇီယာရိုအမည်ရ အဲဒီအမျိုးသားဟာ ပြီးခဲ့တဲ့ သြဂုတ်လကမှ ခုလို ခရီးထွက်ဖို့ အစီအစဉ်ကို စတင်ခဲ့တာလို့ စီစီတီဗွီသတင်းမှာ ဖေ်ာပြပါတယ်။
သူ့ရဲ့ ၂ နှစ်အရွယ် သမီးငယ်ကို ကမ္ဘာ့နေရာအနှံ့အပြား ခေါ်ဆောင်သွားပြီး ဒေသရှုခင်းတွေနဲ့ ဓလေ့ထုံးတမ်းတွေကို လေ့လာနိုင်ဖို့အတွက် ခုလိုရောင်းချခဲ့တာလို့ ဇူချန်ဇီယာရိုက ပြောပါတယ်။
သူတို့ရဲ့ခရီးစဉ်ဟာ ၅ နှစ်ကြာမြင့်မှာဖြစ်ကာ ပထမတနှစ်ကို နိုင်ငံတွင်းမှာ သွားလာမှာဖြစ်ပြီး ကျန်တဲ့လေးနှစ်ကိုတော့ နိုင်ငံခြားခရီးစဉ်တွေ သွားရောက်လည်ပတ်မှာ ဖြစ်ပါတယ်။
ပထမဆုံးခရီးစဉ်အဖြစ် သူတို့သားအဖဟာ တရုတ်နိုင်ငံတောင်ပိုင်း၊ ရှန့်ဇန်မြို့ကနေ အရှေ့မြောက်ပိုင်း ဂျီလင်ခရိုင်ထိ ကီလိုမီတာ ၉၀၀၀ ကျော် သွားရောက်မယ်လို့ ရည်မှန်းခဲ့ပေမယ့် စက်တင်ဘာလကုန်တဲ့အချိန်မှာ ဂျီလင်ခရိုင်ထိ မရောက်ရှိခဲ့ဘူးလို့ သတင်းမှာ ဖော်ပြပါတယ်။
ဇူချန်ဇီယာရိုဟာ အဲဒီခရီးစဉ်မှာ နောက်တွဲယာဉ်ကို အသုံးပြုပြီး ကမ်းရိုးတန်းတလျှောက် ခရီးဆန့်ခဲ့တာပါ။
အခုသွားခဲ့တဲ့ ခရီးစဉ်တလျှောက်မှာ တွေ့ရတဲ့သူတွေနဲ့ မိတ်ဆွေဖွဲ့ပြီး စီးပွားရေး အခွင့်အလမ်းတွေလည်း ရှာဖွေခဲ့တယ်လို့ သူကပြောပါတယ်။
Posted By : Wai Phyoe
Ref & Photo Credit : Dvb
Property Sales Event
နောက်ဆုံးရ သတင်းများ
For Sale
For Rent
New Homes
other properties
