ရန်ကုန်မြို့၏ ယဉ်ကြောပိတ်ဆို့မှုကို ဖြေရှင်းရန် ရည်ရွယ်ချက်ဖြင့် ရန်ကုန်မိုးပျံလမ်းမကြီး စီမံကိန်း(Yangon Elevated Expressway) ကိုအကောင်အထည်ဖော်ရန် အဆိုပြုလွှာခေါ်ယူမှုတွင် မြန်မာနိုင်ငံမှ ကုမ္ပဏီများ အပါအဝင် အခြားပြည်ပ (၁၂)နိုင်ငံမှ ကုမ္ပဏီ(၅၃)ခုက လုပ်ကိုင်လိုကြောင်း စိတ်ဝင်စား လျှောက်လွှာတင်မှုများ ရှိကြောင်း ဆောက်လုပ်ရေးဝန်ကြီးဌာနက ဇူလိုင်လ(၄)ရက်နေ့တွင် ၎င်း၏ လူမှုကွန်ရက်စာမျက်နှာမှတဆင့် သတင်းထုတ်ပြန်ခဲ့သည်။
အဆိုပါ စီမံကိန်း အဆိုပြုလွှာအား ပြည်တွင်းမှ ဆောက်လုပ်ရေးကုမ္ပဏီ (၁၆)ခုအပါအဝင် တရုတ်၊ ဂျပန်၊ ကိုရီးယား၊ အိန္ဒိယ၊ ထိုင်း၊ တူရကီ၊ မလေးရှား ၊ ပြင်သစ်၊ အင်ဒိုနီးရှား၊ ဖိလစ်ပိုင် နှင့် ဗီယက်နမ်နိုင်ငံတို့မှ ဆောက်လုပ်ရေး ကုမ္ပဏီများက လျှောက်ထားကြောင်း သိရသည်။
ပြည်တွင်းမှ လျှောက်ထားသည့်ကုမ္မဏီများတွင် Max Myanmar Co Ltd၊ A&H Development Co Ltd၊ Bagan Business Group Construction၊ Capital Development Co Ltd၊ China CAMC Engineering Co Ltd၊ Diamond palace Group၊ Ei Mon Construction၊ Future Creator Group၊ ရွှေတောင် ဆောက်လုပ်ရေးကုမ္မဏီ၊ သီလဝါအထူးစီးပွားရေးဇုန် အများပိုင်ကုမ္ပဏီများနှင့် အခြားကုမ္မဏီများစွာက စိတ်ဝင်တစား လျှောက်ထားကြကြောင်း သိရသည်။
သြဂုတ်လတွင် အရည်အသွေးပြည့်မှီစေရန် အခြေခံစစ်ဆေးမှုများ (Requests For Qulification) ထပ်မံတောင်းခံမည်ဖြစ်ပြီး ၊ ထို့နောက် ယခုနှစ် နောက်ဆုံး သုံးလပတ်အတွင်း စီမံကိန်းအဆိုပြုလွှာ (Requests For Proposal)ကို ထပ်မံခေါ်ယူသွားမည်ဖြစ်ကြောင်း ဆောက်လုပ်ရေးဝန်ကြီးဌာနက သတင်းထုတ်ပြန်ခဲ့သည်။
အဆိုပါ စီမံကိန်းသည် မြို့တွင်း ကမ်းနားလမ်း ၊ ရန်ကုန်မြို့စွန်က မင်္ဂလာဒုံ စက်မှုဇုံ ၊ အမှတ်(၃) လမ်း မင်္ဂလာဒုံ စက်မှုဇုံ ၊ ရန်ကုန်- မန္တလေး အဝေးပြေးလမ်း နှင့် ဟံသာဝတီလေဆိပ် တို့ကို ချိတ်ဆက်ထားသော ၄၀ ကီလိုမီတာရှိသည့် စီမံကိန်းတစ်ခုဖြစ်ကြောင်း ဆောက်လုပ်ရေးဝန်ကြီးဌာန Website မှ သိရသည်။
Written By : Hsu Myat May Zaw (ShweProperty.com)
Photo Credit : Thefinancialexpress
Posted By : Sint Sint (ShweProperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
