#Unicode

အရှိန်အဟုန်နဲ့ တိုးတက်လာတဲ့ မြို့ပြဖွံ့ဖြိုးမှုတွေနဲ့အတူ အဆင့်မြင့်အိမ်ရာစီမံကိန်းကြီးတွေကလည်း ရန်ကုန်မြို့ရဲ့ နေရာအနှံ့အပြားမှာ ပုံစံမျိုးစုံနဲ့ ပေါ်ထွက်လာနေကြပါတယ်။ အဆင့်မြင့်အိမ်ရာစီမံကိန်းတွေဖြစ်တာနဲ့အညီ သူတို့ရဲ့အဆင့်မီနည်းစနစ်တွေနဲ့ တည်ဆောက်မှုပုံစံတွေ၊ ဝယ်ယူသူတွေအတွက် ပေးနိုင်မယ့် ဝန်ဆောင်မှုတွေကအစ အပြိုင်အဆိုင်တိုးတက်အောင် ဆောင်ရွက်လာကြတာလည်း မျက်မြင်ပဲ ဖြစ်ပါတယ်။

 ရန်ကုန်မြို့မှာရှိတဲ့ အထင်ကရ အိမ်ရာစီမံကိန်းတွေထဲက လူအများစုစိတ်ဝင်စားပြီး ဈေးကွက်ထဲမှာထင်ရှားတဲ့ စီမံကိန်းတချို့ကို ကောက်နုတ်ဖော်ပြလိုက်ပါတယ်။

The Peninsula Residences

အဆင့်မြင့်ဇိမ်ခံ အိမ်ခန်းပေါင်း ၉၆ ခုပါရှိတဲ့The Peninsula Residences Yangon  ဟာ ၁၀ ဧက ကျယ်ဝန်းပြီး ဆူးလေဘုရားလမ်းနဲ့ ဗိုလ်ချုပ်အောင်ဆန်းလမ်းဆုံရာ ရန်ကုန်မြို့လယ်ရှိYoma Central Development အတွင်းမှာ တည်ဆောက်အကောင်အထည်ဖော်လျက် ရှိပါတယ်။

စီမံကိန်း ပန္နက်တင်တာကို ၂၀၁၇ ခုနှစ် ဖေဖော်ဝါရီလက ပြုလုပ်ခဲ့ပြီး စီမံကိန်းကို ၂၀၂၁ ခုနှစ်မှာ အပြီးသတ် ဆောက်လုပ်မှာဖြစ်ပါတယ်။ ရန်ကုန်မြို့ရဲ့ သက်တမ်းအရှည်ဆုံးနဲ့ နာမည်အကြီးဆုံး ကိုလိုနီခေတ်အဆောက်အအုံဖြစ်တဲ့ ယခင် မီးရထားရုံးချုပ်ဟောင်းကို ပြန်လည်တည်ဆောက်မယ့်The Peninsula Residences Yangon မှာThe Peninsula Yangon  အမည်ရှိ ကမ္ဘာ့အဆင့်မီ ့သော Yoma Central  အဆင့်မြင့်ဟိုတယ်နဲ့အတူ  စုပေါင်းအိမ်ရာတွေလည်း ပါဝင်မှာဖြစ်ပါတယ်။

Yoma Central  ကို ကမ္ဘာ့ထိပ်တန်း နာမည်ကြီး ဆောက်လုပ်ရေးကုမ္ပဏီတွေဖြစ်တဲ့Bouygues ဆောက်လုပ်ရေးနဲ့Taise  ကော်ပိုရေးရှင်းတို့က ဆောက်လုပ်မှာဖြစ်ပါတယ်။ 

စီမံကိန်းရဲ့The Peninsula Yangon  အပိုင်းမှာ Hongkong and Shanghai Hotels က ၇၀ ရာခိုင်နှုန်း၊ ့Yoma Strategic  ကုမ္ပဏီက ၂၄ ရာခိုင်နှုန်းနဲ့FMI က ခြောက်ရာခိုင်နှုန်း အစုရှယ်ယာ ထည့်သွင်းကြမှာဖြစ်တယ်လို့လည်း ကုမ္ပဏီကထုတ်ပြန် ကြေညာထားပါတယ်။ 

The Peninsula Residences Yangon ကို မြန်မာ့ယဉ်ကျေးမှုအနုပညာနဲ့ ရှေးဟောင်းလက်ရာတွေကို အခြေခံပြီး ကမ္ဘာ့ထိပ်တန်း ဒီဇိုင်းဗိသုကာပညာရှင်တွေက တည်ဆောက်မှာ ဖြစ်ပါတယ်။ ဒါ့ပြင်Grade A အဆင့်ရှိ ရုံးခန်းတာဝါနှစ်ခုနဲ့ စီးပွားရေးလုပ်ငန်းသုံး ဟိုတယ်တွေကိုလည်း လက်လီ အရောင်းဆိုင်ခန်းတွဲတစ်ခုနဲ့ ဆက်စပ်တည်ဆောက်မှာ ဖြစ်ပါတယ်။

ရှေးဟောင်းနဲ့ ခေတ်သစ်ဗိသုကာပညာရပ်တွေနဲ့ ပေါင်းစပ်တည်ဆောက်မ The Peninsula Residences Yangon မှာ အထပ်ပေါင်း ၂၆ ထပ်ပါရှိမှာဖြစ်ပြီး နိုင်ငံတကာ အဆင့်မီ  အသင့်နေထိုင်နိုင်တဲ့ ဝန်ဆောင်မှုအပြည့်ပါ လူနေအိမ်ခန်းတွေအပြင် Penthouse တွေလည်း ပါရှိမှာဖြစ်ပါတယ်။

ဘက်စုံအသုံးပြုနိုင်တဲ့ ဒီစီမံကိန်းမှာYoma Strategic က ၄၈ ရာခိုင်နှုန်း၊Mitsubishi ကုမ္ပဏီက ၃၀ ရာခိုင်နှုန်း၊FMI  က ၁၂ ရာခိုင်နှုန်း၊IFCက ငါးရာခိုင်နှုန်းနဲ့ ADB က ငါးရာခိုင်နှုန်း ရှယ်ယာပါဝင်ကြမှာ ဖြစ်ပါတယ်။

ဒီစီမံကိန်းမှာ အမေရိကန်ဒေါ်လာ သန်း ၇၀ဝ ကျော်ရင်းနှီးမြှုပ်နှံထားပြီး နိုင်ငံတကာကော်ပိုရေးရှင်းတွေနဲ့ ငွေကြေးအရ ထည့်ဝင်ရင်းနှီးမြှုပ်နှံသူတွေက ပူးပေါင်းပါဝင်ထားကြတယ်လို့လည်း သိရပါတယ်။ အဆိုပါစီမံကိန်းကိုMeeyahta Development Limited eJY HongKong and Shanghai Hotels တို့ ပူးပေါင်းဆောင်ရွက်နေတာ ဖြစ်ပါတယ်။

Emerald Bay

မြန်မာနိုင်ငံရဲ့ ထိပ်တန်း အဆင့်မြင့် အကြီးဆုံးစီမံကိန်းတစ်ခုဖြစ်တဲ့  Emerald Bay  အိမ်ရာစီမံကိန်းကိုSingapore Golden Paragon Investment Company  နဲ့ မြန်မာတက်လမ်းဆောက်လုပ်ရေးကုမ္ပဏီတို့ ပူးပေါင်းတည်ဆောက်နေတာဖြစ်ပြီး လက်ရှိမှာတော့ စီမံကိန်းရဲ့အဓိကလိုအပ်တဲ့ အခြေခံအဆောက်အအုံပိုင်းတွေကို တည်ဆောက်နေပြီ ဖြစ်တယ်လို့ သိရပါတယ်။

အဆိုပါစီမံကိန်းက သာကေတမြို့နယ်၊ သန်လျင်တံတားအဆင်းနေရာမှာ တည်ရှိနေပြီး သူ့ရဲ့မျက်နှာချင်းဆိုင် မြစ်ကမ်းတစ်ဖက်မှာဆိုရင် ရန်ကုန်ရဲ့ အထင်ကရ အိမ်ရာစီမံကိန်း တစ်ခုဖြစ်တဲ့Star City အိမ်ရာ တည်ရှိနေပါတယ်။ 

စီမံကိန်း အကျယ်အဝန်းကတော့ စုစုပေါင်း ၂၇ ဧကဖြစ်ပြီး စတုရန်းပေအားဖြင့် ၈ သန်းကျော် ကျယ်ဝန်းပြီး ရန်ကုန်မြစ်၊ ပဲခူးမြစ်နှင့် ပုဇွန်တောင်ချောင်း စတဲ့ မြစ်ချောင်း သုံးခုဆုံရာနေရာမှာ တည်ရှိနေပါတယ်။ စီမံကိန်းပြီးဆုံးသွားတဲ့အခါ ပင်လယ်ဝနဲ့ ရန်ကုန်မြို့ရဲ့ တန်ခိုးကြီးဘုရားတွေနဲ့ လှပတဲ့ ရှုခင်းတွေကို ခံစားကြည့်ရှုနိုင်မယ့် အဆင့်မြင့်ကွန်ဒိုတစ်ခု ဖြစ်လာနိုင်တဲ့ အလားအလာ ရှိနေပါတယ်။

Emerald Bay  စီမံကိန်းမှာ နိုင်ငံတကာအဆင့်မီ ကျောင်းတွေ၊ အဆင့်မြင့်ရှော့ပင်းစင်တာ၊ အားကစားခန်းမ၊ ရေကူးကန်၊ အဆောက်အအုံခေါင်မိုးပေါ် တည်ဆောက်ထားတဲ့ ပန်းခြံကြီးတွေ၊ Central Club နဲ့JCGV ရုပ်ရှင်ရုံတွေ၊City Mart နဲ့ ကားတွေကို အလိုအလျောက် ရပ်နားနိုင်တဲ့ စနစ်နဲ့ အဆင့်မြင့်ကားပါကင်တွေလည်း ပါဝင်မှာ ဖြစ်ပါတယ်။

စီမံကိန်းကို ၂၀၁၉ ခုနှစ် မတ် ၃၀ ရက်က စတင်မိတ်ဆက်ခဲ့ပြီး ဒီစီမံကိန်းမှာ အဆင့်မြင့် အိမ်ခန်းပေါင်း ၆ဝ၀ဝ ကျော် ပါဝင်ပါတယ်။ နေထိုင်သူတွေအတွက် ကြယ်ငါးပွင့် အဆင့်ရှိတဲ့ လူနေမှုဘဝပုံစံကို ပေးစွမ်းနိုင်အောင် ဆောင်ရွက်ထားတဲ့ အဆင့်မြင့်ကွန်ဒို စီမံကိန်းတစ်ခုဖြစ်ပါတယ်။

Crystal Residence & Malikha Condo

မြန်မာနိုင်ငံရဲ့ အဆင့်မြင့် ဆောက်လုပ်ရေးလုပ်ငန်းတစ်ခုဖြစ်တဲ့Shwe Taung Real Estate က ဆောက်လုပ်နေတဲ့ Crystal Residence နဲ့Milikha Condo  နှစ်ခုဟာ အဆင့်မြင့် နေထိုင်မှုပုံစံတွေကို ပေးစွမ်းလာနိုင်မယ့် ရန်ကုန်ရဲ့ အထင်ကရ အိမ်ရာစီမံကိန်းတွေထဲမှာ အပါအဝင်ဖြစ်ပါတယ်။

ပြည်လမ်းနဲ့ ကျွန်းတောလမ်းကြား၊Junction Square Compound အတွင်းမှာတည်ရှိပြီး နိုင်ငံတကာအဆင့်မီ အသုံးအဆောင်တွေနဲ့ ဝန်ဆောင်မှုပေးထားတဲ့Crystal Residence ဟာလည်း ရန်ကုန်ရဲ့ မြို့ပြဖွံ့ဖြိုးတိုးတက်မှု လက္ခဏာတွေကို ဖော်ပြရာမှာ ထောက်ပံ့ပေးနိုင်တဲ့ နေရာတွေထဲက တစ်ခုဆိုလည်း မမှားပါဘူး။

Crystal Residence မှာ အဆင့်မြင့် လုံခြုံရေးစနစ်တွေနဲ့ အဆင့်မီတည်ဆောက်ထားတဲ့ နေအိမ်တွေအပြင် Grade A  အဆင့်ရှိတဲ့ ရုံးခန်းတာဝါနဲ့ တွဲလျက်တည်ရှိတာကြောင့် စီးပွားရေးလုပ်ငန်းရှင်တွေအတွက် အဆင်ပြေစေမယ့် အိမ်ရာတစ်ခုလည်း ဖြစ်ပါတယ်။

သင်္ဃန်းကျွန်းမြို့နယ်၊ ရတနာလမ်းမကြီးရဲ့ ဘေးမှာတည်ရှိတဲ့ မလိခအိမ်ရာသစ်ဟာ အချက်အချာကျတဲ့ အဓိကလမ်းမကြီးရဲ့ဘေးမှာတည်ရှိပြီး လုံးချင်းအိမ်လေးတွေကို သီးသီးသန့်သန့် ဆောက်လုပ်ထားတဲ့အတွက် ခေတ်မီလှပပြီး ဆိတ်ငြိမ်တဲ့နေရာတစ်ခုလည်း ဖြစ်ပါတယ်။

အိမ်ရဲ့တံခါးမကြီးကို လက်ဗွေစနစ်၊ ကတ်စနစ်တွေနဲ့ ဖွင့်လှစ်နိုင်တဲ့ အဆင့်မြင့်လုံခြုံရေးစနစ်ပါရှိပြီး အိမ်ကို အဝေးက စောင့်ကြည့်ထိန်းချုပ်လို့ရတဲ့ Smart Home System တွေနဲ့ ဆောက်လုပ်ထားတာကြောင့် အပြင်သွားနေချိန်၊ မိသားစုလိုက် ခရီးဝေးထွက်နေချိန်မှာ အိမ်ရဲ့လုံခြုံရေးကို စိတ်ပူစရာမလိုဘဲ စိတ်ချလက်ချ သွားရောက်နိုင်မှာပါ။

အိမ်ဝယ်ရင် နှစ် ၆၀ ဂရန်အမည်ပေါက်နဲ့ မြေပါ အပိုင်ရမယ့် အိမ်ရာတစ်ခုဖြစ်တဲ့အတွက် အိမ်ဝယ်ပြီး မြေပိုင်ရှင်နဲ့ စကားပြောရမယ့် အခြေအနေတွေနဲ့ ကင်းဝေးသွားမှာပဲဖြစ်ပါတယ်။Smart  Home  System  နဲ့ ဆောက်လုပ်ထားတဲ့ မြန်မာနိုင်ငံက ပထမဆုံးအိမ်ရာတစ်ခုလည်း ဖြစ်ပါတယ်။

The Century Residence

အိမ်ရာစီမံကိန်းတွေကို အပြိုင်အဆိုင် အကောင်အထည်ဖော်ကြတဲ့ အခါ လူနေအိမ်ရာတွေကိုပဲ ဦးစားပေးတည်ဆောက်ကြတော့တာမဟုတ်ဘဲ ဟိုတယ်တွေ၊ ရုံးခန်းတာဝါတွေနဲ့ ဈေးဝယ်စင်တာတွေပါပြီး ပြည့်စုံတဲ့ မြို့ပြနေထိုင်မှုပုံစံတစ်ခုကို ဖော်ဆောင်လာကြပါတယ်။

တစ်နည်းအားဖြင့်One Stop Serviceလို့ ခေါ်ဆိုနိုင်တဲ့ နေထိုင်သူတွေက တစ်နေရာတည်းမှာ လုပ်ငန်းစီးပွားရေးအရရော ပြည့်စုံတဲ့လူနေမှုစနစ်ကိုပါ ရရှိနိုင်မယ့် တည်ဆောက်မှုပုံစံတွေကို ရန်ကုန်ရဲ့နေရာအတော်များများမှာ အကောင်အထည်ဖော်လာကြပါတယ်။

ရန်ကုန်“အင်းစိန်လမ်းမပေါ်က The Century residence  ဟာလည်း အဆင့်မြင့်အိမ်ရာစီမံကိန်းတစ်ခုနဲ့အတူ ဟိုတယ်တွေ၊ ရုံးခန်းတာဝါတွေနဲ့ ဈေးဝယ်စင်တာတွေကို ပေါင်းစပ်တည်ဆောက်ထားတဲ့ စီမံကိန်းကြီးတစ်ခုလည်း ဖြစ်ပါတယ်။

လက်ရှိမှာတော့ စီမံကိန်းကို တည်ဆောက်ဆဲဖြစ်ပြီး ၉၀ ရာခိုင်နှုန်းခန့် ပြီးစီးနေပြီဖြစ်ပါတယ်။ ဒါ့ပြင် အိမ်ခန်းစုစုပေါင်းရဲ့ တစ်ဝက်ကျော်ခန့်ကို ကြိုပွိုင့်အဖြစ် ရောင်းချထားပြီးဖြစ်ကာ အိမ်ခြံမြေဈေးကွက်ထဲမှာ စိတ်ဝင်စားသူများတဲ့  စီမံကိန်းတစ်ခုလည်း ဖြစ်ပါတယ်။

အချောသတ် လုပ်ငန်းစဉ်တွေဖြစ်တဲ့ အတွင်းအလှဆင်တဲ့ လုပ်ငန်းတွေကို အရည်အသွေးမြင့် ပစ္စည်းတွေနဲ့ အသေးစိတ်ခြယ်သနေပြီး ၂၀၂၀ ခုနှစ် ဧပြီလမှာ အလုံးစုံပြီးစီးဖို့ မျှော်မှန်းထားတယ်လို့လည်းThe Century residence ရဲ့ တာဝန်ရှိသူတစ်ဦးက ဆိုပါတယ်။

#Zawgyi

အရွိန္အဟုန္နဲ႔ တိုးတက္လာတဲ့ ၿမိဳ႕ျပဖြံ႕ၿဖိဳးမႈေတြနဲ႔အတူ အဆင့္ျမင့္အိမ္ရာစီမံကိန္းႀကီးေတြကလည္း ရန္ကုန္ၿမိဳ႕ရဲ႕ ေနရာအႏွံ႔အျပားမွာ ပုံစံမ်ိဳးစုံနဲ႔ ေပၚထြက္လာေနၾကပါတယ္။ အဆင့္ျမင့္အိမ္ရာစီမံကိန္းေတြျဖစ္တာနဲ႔အညီ သူတို႔ရဲ႕အဆင့္မီနည္းစနစ္ေတြနဲ႔ တည္ေဆာက္မႈပုံစံေတြ၊ ဝယ္ယူသူေတြအတြက္ ေပးႏိုင္မယ့္ ဝန္ေဆာင္မႈေတြကအစ အၿပိဳင္အဆိုင္တိုးတက္ေအာင္ ေဆာင္႐ြက္လာၾကတာလည္း မ်က္ျမင္ပဲ ျဖစ္ပါတယ္။

 ရန္ကုန္ၿမိဳ႕မွာရွိတဲ့ အထင္ကရ အိမ္ရာစီမံကိန္းေတြထဲက လူအမ်ားစုစိတ္ဝင္စားၿပီး ေဈးကြက္ထဲမွာထင္ရွားတဲ့ စီမံကိန္းတခ်ိဳ႕ကို ေကာက္ႏုတ္ေဖာ္ျပလိုက္ပါတယ္။

The Peninsula Residences

အဆင့္ျမင့္ဇိမ္ခံ အိမ္ခန္းေပါင္း ၉၆ ခုပါရွိတဲ့The Peninsula Residences Yangon  ဟာ ၁၀ ဧက က်ယ္ဝန္းၿပီး ဆူးေလဘုရားလမ္းနဲ႔ ဗိုလ္ခ်ဳပ္ေအာင္ဆန္းလမ္းဆုံရာ ရန္ကုန္ၿမိဳ႕လယ္ရွိYoma Central Development အတြင္းမွာ တည္ေဆာက္အေကာင္အထည္ေဖာ္လ်က္ ရွိပါတယ္။

စီမံကိန္း ပႏၷက္တင္တာကို ၂၀၁၇ ခုႏွစ္ ေဖေဖာ္ဝါရီလက ျပဳလုပ္ခဲ့ၿပီး စီမံကိန္းကို ၂၀၂၁ ခုႏွစ္မွာ အၿပီးသတ္ ေဆာက္လုပ္မွာျဖစ္ပါတယ္။ ရန္ကုန္ၿမိဳ႕ရဲ႕ သက္တမ္းအရွည္ဆုံးနဲ႔ နာမည္အႀကီးဆုံး ကိုလိုနီေခတ္အေဆာက္အအုံျဖစ္တဲ့ ယခင္ မီးရထား႐ုံးခ်ဳပ္ေဟာင္းကို ျပန္လည္တည္ေဆာက္မယ့္The Peninsula Residences Yangon မွာThe Peninsula Yangon  အမည္ရွိ ကမာၻ႔အဆင့္မီ ့ေသာ Yoma Central  အဆင့္ျမင့္ဟိုတယ္နဲ႔အတူ  စုေပါင္းအိမ္ရာေတြလည္း ပါဝင္မွာျဖစ္ပါတယ္။

Yoma Central  ကို ကမာၻ႔ထိပ္တန္း နာမည္ႀကီး ေဆာက္လုပ္ေရးကုမၸဏီေတြျဖစ္တဲ့Bouygues ေဆာက္လုပ္ေရးနဲ႔Taise  ေကာ္ပိုေရးရွင္းတို႔က ေဆာက္လုပ္မွာျဖစ္ပါတယ္။ 

စီမံကိန္းရဲ႕The Peninsula Yangon  အပိုင္းမွာ Hongkong and Shanghai Hotels က ၇၀ ရာခိုင္ႏႈန္း၊ ့Yoma Strategic  ကုမၸဏီက ၂၄ ရာခိုင္ႏႈန္းနဲ႔FMI က ေျခာက္ရာခိုင္ႏႈန္း အစုရွယ္ယာ ထည့္သြင္းၾကမွာျဖစ္တယ္လို႔လည္း ကုမၸဏီကထုတ္ျပန္ ေၾကညာထားပါတယ္။ 

The Peninsula Residences Yangon ကို ျမန္မာ့ယဥ္ေက်းမႈအႏုပညာနဲ႔ ေရွးေဟာင္းလက္ရာေတြကို အေျခခံၿပီး ကမာၻ႔ထိပ္တန္း ဒီဇိုင္းဗိသုကာပညာရွင္ေတြက တည္ေဆာက္မွာ ျဖစ္ပါတယ္။ ဒါ့ျပင္Grade A အဆင့္ရွိ ႐ုံးခန္းတာဝါႏွစ္ခုနဲ႔ စီးပြားေရးလုပ္ငန္းသုံး ဟိုတယ္ေတြကိုလည္း လက္လီ အေရာင္းဆိုင္ခန္းတြဲတစ္ခုနဲ႔ ဆက္စပ္တည္ေဆာက္မွာ ျဖစ္ပါတယ္။

ေရွးေဟာင္းနဲ႔ ေခတ္သစ္ဗိသုကာပညာရပ္ေတြနဲ႔ ေပါင္းစပ္တည္ေဆာက္မ The Peninsula Residences Yangon မွာ အထပ္ေပါင္း ၂၆ ထပ္ပါရွိမွာျဖစ္ၿပီး ႏိုင္ငံတကာ အဆင့္မီ  အသင့္ေနထိုင္ႏိုင္တဲ့ ဝန္ေဆာင္မႈအျပည့္ပါ လူေနအိမ္ခန္းေတြအျပင္ Penthouse ေတြလည္း ပါရွိမွာျဖစ္ပါတယ္။

ဘက္စုံအသုံးျပဳႏိုင္တဲ့ ဒီစီမံကိန္းမွာYoma Strategic က ၄၈ ရာခိုင္ႏႈန္း၊Mitsubishi ကုမၸဏီက ၃၀ ရာခိုင္ႏႈန္း၊FMI  က ၁၂ ရာခိုင္ႏႈန္း၊IFCက ငါးရာခိုင္ႏႈန္းနဲ႔ ADB က ငါးရာခိုင္ႏႈန္း ရွယ္ယာပါဝင္ၾကမွာ ျဖစ္ပါတယ္။

ဒီစီမံကိန္းမွာ အေမရိကန္ေဒၚလာ သန္း ၇၀ဝ ေက်ာ္ရင္းႏွီးျမႇဳပ္ႏွံထားၿပီး ႏိုင္ငံတကာေကာ္ပိုေရးရွင္းေတြနဲ႔ ေငြေၾကးအရ ထည့္ဝင္ရင္းႏွီးျမႇဳပ္ႏွံသူေတြက ပူးေပါင္းပါဝင္ထားၾကတယ္လို႔လည္း သိရပါတယ္။ အဆိုပါစီမံကိန္းကိုMeeyahta Development Limited eJY HongKong and Shanghai Hotels တို႔ ပူးေပါင္းေဆာင္႐ြက္ေနတာ ျဖစ္ပါတယ္။

Emerald Bay

ျမန္မာႏိုင္ငံရဲ႕ ထိပ္တန္း အဆင့္ျမင့္ အႀကီးဆုံးစီမံကိန္းတစ္ခုျဖစ္တဲ့  Emerald Bay  အိမ္ရာစီမံကိန္းကိုSingapore Golden Paragon Investment Company  နဲ႔ ျမန္မာတက္လမ္းေဆာက္လုပ္ေရးကုမၸဏီတို႔ ပူးေပါင္းတည္ေဆာက္ေနတာျဖစ္ၿပီး လက္ရွိမွာေတာ့ စီမံကိန္းရဲ႕အဓိကလိုအပ္တဲ့ အေျခခံအေဆာက္အအုံပိုင္းေတြကို တည္ေဆာက္ေနၿပီ ျဖစ္တယ္လို႔ သိရပါတယ္။

အဆိုပါစီမံကိန္းက သာေကတၿမိဳ႕နယ္၊ သန္လ်င္တံတားအဆင္းေနရာမွာ တည္ရွိေနၿပီး သူ႔ရဲ႕မ်က္ႏွာခ်င္းဆိုင္ ျမစ္ကမ္းတစ္ဖက္မွာဆိုရင္ ရန္ကုန္ရဲ႕ အထင္ကရ အိမ္ရာစီမံကိန္း တစ္ခုျဖစ္တဲ့Star City အိမ္ရာ တည္ရွိေနပါတယ္။ 

စီမံကိန္း အက်ယ္အဝန္းကေတာ့ စုစုေပါင္း ၂၇ ဧကျဖစ္ၿပီး စတုရန္းေပအားျဖင့္ ၈ သန္းေက်ာ္ က်ယ္ဝန္းၿပီး ရန္ကုန္ျမစ္၊ ပဲခူးျမစ္ႏွင့္ ပုဇြန္ေတာင္ေခ်ာင္း စတဲ့ ျမစ္ေခ်ာင္း သုံးခုဆုံရာေနရာမွာ တည္ရွိေနပါတယ္။ စီမံကိန္းၿပီးဆုံးသြားတဲ့အခါ ပင္လယ္ဝနဲ႔ ရန္ကုန္ၿမိဳ႕ရဲ႕ တန္ခိုးႀကီးဘုရားေတြနဲ႔ လွပတဲ့ ရႈခင္းေတြကို ခံစားၾကည့္ရႈႏိုင္မယ့္ အဆင့္ျမင့္ကြန္ဒိုတစ္ခု ျဖစ္လာႏိုင္တဲ့ အလားအလာ ရွိေနပါတယ္။

Emerald Bay  စီမံကိန္းမွာ ႏိုင္ငံတကာအဆင့္မီ ေက်ာင္းေတြ၊ အဆင့္ျမင့္ေရွာ့ပင္းစင္တာ၊ အားကစားခန္းမ၊ ေရကူးကန္၊ အေဆာက္အအုံေခါင္မိုးေပၚ တည္ေဆာက္ထားတဲ့ ပန္းၿခံႀကီးေတြ၊ Central Club နဲ႔JCGV ႐ုပ္ရွင္႐ုံေတြ၊City Mart နဲ႔ ကားေတြကို အလိုအေလ်ာက္ ရပ္နားႏိုင္တဲ့ စနစ္နဲ႔ အဆင့္ျမင့္ကားပါကင္ေတြလည္း ပါဝင္မွာ ျဖစ္ပါတယ္။

စီမံကိန္းကို ၂၀၁၉ ခုႏွစ္ မတ္ ၃၀ ရက္က စတင္မိတ္ဆက္ခဲ့ၿပီး ဒီစီမံကိန္းမွာ အဆင့္ျမင့္ အိမ္ခန္းေပါင္း ၆ဝ၀ဝ ေက်ာ္ ပါဝင္ပါတယ္။ ေနထိုင္သူေတြအတြက္ ၾကယ္ငါးပြင့္ အဆင့္ရွိတဲ့ လူေနမႈဘဝပုံစံကို ေပးစြမ္းႏိုင္ေအာင္ ေဆာင္႐ြက္ထားတဲ့ အဆင့္ျမင့္ကြန္ဒို စီမံကိန္းတစ္ခုျဖစ္ပါတယ္။

Crystal Residence & Malikha Condo

ျမန္မာႏိုင္ငံရဲ႕ အဆင့္ျမင့္ ေဆာက္လုပ္ေရးလုပ္ငန္းတစ္ခုျဖစ္တဲ့Shwe Taung Real Estate က ေဆာက္လုပ္ေနတဲ့ Crystal Residence နဲ႔Milikha Condo  ႏွစ္ခုဟာ အဆင့္ျမင့္ ေနထိုင္မႈပုံစံေတြကို ေပးစြမ္းလာႏိုင္မယ့္ ရန္ကုန္ရဲ႕ အထင္ကရ အိမ္ရာစီမံကိန္းေတြထဲမွာ အပါအဝင္ျဖစ္ပါတယ္။

ျပည္လမ္းနဲ႔ ကြၽန္းေတာလမ္းၾကား၊Junction Square Compound အတြင္းမွာတည္ရွိၿပီး ႏိုင္ငံတကာအဆင့္မီ အသုံးအေဆာင္ေတြနဲ႔ ဝန္ေဆာင္မႈေပးထားတဲ့Crystal Residence ဟာလည္း ရန္ကုန္ရဲ႕ ၿမိဳ႕ျပဖြံ႕ၿဖိဳးတိုးတက္မႈ လကၡဏာေတြကို ေဖာ္ျပရာမွာ ေထာက္ပံ့ေပးႏိုင္တဲ့ ေနရာေတြထဲက တစ္ခုဆိုလည္း မမွားပါဘူး။

Crystal Residence မွာ အဆင့္ျမင့္ လုံၿခဳံေရးစနစ္ေတြနဲ႔ အဆင့္မီတည္ေဆာက္ထားတဲ့ ေနအိမ္ေတြအျပင္ Grade A  အဆင့္ရွိတဲ့ ႐ုံးခန္းတာဝါနဲ႔ တြဲလ်က္တည္ရွိတာေၾကာင့္ စီးပြားေရးလုပ္ငန္းရွင္ေတြအတြက္ အဆင္ေျပေစမယ့္ အိမ္ရာတစ္ခုလည္း ျဖစ္ပါတယ္။

သဃၤန္းကြၽန္းၿမိဳ႕နယ္၊ ရတနာလမ္းမႀကီးရဲ႕ ေဘးမွာတည္ရွိတဲ့ မလိခအိမ္ရာသစ္ဟာ အခ်က္အခ်ာက်တဲ့ အဓိကလမ္းမႀကီးရဲ႕ေဘးမွာတည္ရွိၿပီး လုံးခ်င္းအိမ္ေလးေတြကို သီးသီးသန္႔သန္႔ ေဆာက္လုပ္ထားတဲ့အတြက္ ေခတ္မီလွပၿပီး ဆိတ္ၿငိမ္တဲ့ေနရာတစ္ခုလည္း ျဖစ္ပါတယ္။

အိမ္ရဲ႕တံခါးမႀကီးကို လက္ေဗြစနစ္၊ ကတ္စနစ္ေတြနဲ႔ ဖြင့္လွစ္ႏိုင္တဲ့ အဆင့္ျမင့္လုံၿခဳံေရးစနစ္ပါရွိၿပီး အိမ္ကို အေဝးက ေစာင့္ၾကည့္ထိန္းခ်ဳပ္လို႔ရတဲ့ Smart Home System ေတြနဲ႔ ေဆာက္လုပ္ထားတာေၾကာင့္ အျပင္သြားေနခ်ိန္၊ မိသားစုလိုက္ ခရီးေဝးထြက္ေနခ်ိန္မွာ အိမ္ရဲ႕လုံၿခဳံေရးကို စိတ္ပူစရာမလိုဘဲ စိတ္ခ်လက္ခ် သြားေရာက္ႏိုင္မွာပါ။

အိမ္ဝယ္ရင္ ႏွစ္ ၆၀ ဂရန္အမည္ေပါက္နဲ႔ ေျမပါ အပိုင္ရမယ့္ အိမ္ရာတစ္ခုျဖစ္တဲ့အတြက္ အိမ္ဝယ္ၿပီး ေျမပိုင္ရွင္နဲ႔ စကားေျပာရမယ့္ အေျခအေနေတြနဲ႔ ကင္းေဝးသြားမွာပဲျဖစ္ပါတယ္။Smart  Home  System  နဲ႔ ေဆာက္လုပ္ထားတဲ့ ျမန္မာႏိုင္ငံက ပထမဆုံးအိမ္ရာတစ္ခုလည္း ျဖစ္ပါတယ္။

The Century Residence

အိမ္ရာစီမံကိန္းေတြကို အၿပိဳင္အဆိုင္ အေကာင္အထည္ေဖာ္ၾကတဲ့ အခါ လူေနအိမ္ရာေတြကိုပဲ ဦးစားေပးတည္ေဆာက္ၾကေတာ့တာမဟုတ္ဘဲ ဟိုတယ္ေတြ၊ ႐ုံးခန္းတာဝါေတြနဲ႔ ေဈးဝယ္စင္တာေတြပါၿပီး ျပည့္စုံတဲ့ ၿမိဳ႕ျပေနထိုင္မႈပုံစံတစ္ခုကို ေဖာ္ေဆာင္လာၾကပါတယ္။

တစ္နည္းအားျဖင့္One Stop Serviceလို႔ ေခၚဆိုႏိုင္တဲ့ ေနထိုင္သူေတြက တစ္ေနရာတည္းမွာ လုပ္ငန္းစီးပြားေရးအရေရာ ျပည့္စုံတဲ့လူေနမႈစနစ္ကိုပါ ရရွိႏိုင္မယ့္ တည္ေဆာက္မႈပုံစံေတြကို ရန္ကုန္ရဲ႕ေနရာအေတာ္မ်ားမ်ားမွာ အေကာင္အထည္ေဖာ္လာၾကပါတယ္။

ရန္ကုန္“အင္းစိန္လမ္းမေပၚက The Century residence  ဟာလည္း အဆင့္ျမင့္အိမ္ရာစီမံကိန္းတစ္ခုနဲ႔အတူ ဟိုတယ္ေတြ၊ ႐ုံးခန္းတာဝါေတြနဲ႔ ေဈးဝယ္စင္တာေတြကို ေပါင္းစပ္တည္ေဆာက္ထားတဲ့ စီမံကိန္းႀကီးတစ္ခုလည္း ျဖစ္ပါတယ္။

လက္ရွိမွာေတာ့ စီမံကိန္းကို တည္ေဆာက္ဆဲျဖစ္ၿပီး ၉၀ ရာခိုင္ႏႈန္းခန္႔ ၿပီးစီးေနၿပီျဖစ္ပါတယ္။ ဒါ့ျပင္ အိမ္ခန္းစုစုေပါင္းရဲ႕ တစ္ဝက္ေက်ာ္ခန္႔ကို ႀကိဳပြိဳင့္အျဖစ္ ေရာင္းခ်ထားၿပီးျဖစ္ကာ အိမ္ၿခံေျမေဈးကြက္ထဲမွာ စိတ္ဝင္စားသူမ်ားတဲ့  စီမံကိန္းတစ္ခုလည္း ျဖစ္ပါတယ္။

အေခ်ာသတ္ လုပ္ငန္းစဥ္ေတြျဖစ္တဲ့ အတြင္းအလွဆင္တဲ့ လုပ္ငန္းေတြကို အရည္အေသြးျမင့္ ပစၥည္းေတြနဲ႔ အေသးစိတ္ျခယ္သေနၿပီး ၂၀၂၀ ခုႏွစ္ ဧၿပီလမွာ အလုံးစုံၿပီးစီးဖို႔ ေမွ်ာ္မွန္းထားတယ္လို႔လည္းThe Century residence ရဲ႕ တာဝန္ရွိသူတစ္ဦးက ဆိုပါတယ္။

Ref & Photo Credit : Myanmar Times

Posted By : Sint Sint (ShweProperty.com)