_.jpg)
ရန်ကုန်တိုင်းဝန်ကြီးချုပ် ဦးဆောင်ပြီး အသစ်ပြန်လည်ရေးဆွဲတဲ့ မဟာရန်ကုန်မြို့ပြဖွံ့ဖြိုးရေး မဟာဗျူဟာစီမံကိန်း ၂၀၄၀ မှာ စီးပွားရေးဗဟိုခွဲ (Sub-Centers) နေရာအဖြစ် ရန်ကင်း၊ ဒဂုံမြောက်၊ သန်လျင်တို့ကို လျာထားပါတယ်။
ရန်ကုန်တိုင်းဒေသကြီးအစိုးရအဖွဲ့ရဲ့ ၁ နှစ်တာ လုပ်ငန်းဆောင်ရွက်မှု မှတ်တမ်းဖော်ပြချက်အရ သိရတာပါ။ ရန်ကင်း၊ ဒဂုံမြို့သစ် တောင်/မြောက်လမ်းဆုံ၊ သန်လျင်-ကုလားဝဲ၊ သီလဝါ အထူးစီးပွားရေးဇုန် အရှေ့ဘက်တို့ ဖြစ်ပါတယ်။
စီးပွားရေးဗဟိုခွဲ (Sub-Centers)နေရာတွေ အကောင်အထည်ဖော်ရတာက မြို့လယ်ဗဟိုစီးပွားရေးဇုန် (CBD)သိပ်သည်းမှုကို လျှော့ချနိုင်ဖို့ ဖြစ်ပါတယ်။ ဒုတိယဗဟိုစီးပွားရေးဇုန် မင်းဓမ္မနဲ့ လူနေသိပ်သည်းမှု တစ်ဧကကို ၈၀ ဦးရှိတဲ့ အများပြည်သူနေရာ၊ စီးပွားရေးအဆောက်အအုံ၊ ရုံးခန်းတွေ၊ လူနေအိမ်ရာတွေပါဝင်တဲ့ စီးပွားရေးဗဟိုခွဲ(Sub-Centers)နေရာအဖြစ် ရန်ကင်း၊ ဒဂုံမြောက်၊ သန်လျင်တို့ကို ရွေးချယ်ခဲ့တာ ဖြစ်ပါတယ်။
လူနေသိပ်သည်းမှု တစ်ဧကကို ၄၈ ဦးရှိတဲ့ အလယ်အလတ် အထပ်တွေနဲ့ လုံးချင်းအိမ်ရာတွေ ပါဝင်တဲ့ မြို့သစ်စီကိန်းကို ကြည့်မြင်တိုင် တစ်ဖက်ကမ်း ဒလဘက်ခြမ်းနဲ့ လေးထောင့်ကန်တစ်ဝိုက်မှာ တည်ဆောက်ဖို့ လျာထားပါတယ်။
သည့်အပြင် ပို့ဆောင်ရေးစနစ်အမျိုးမျိုးကို ချိတ်ဆက်ပေးမယ့် ပို့ဆောင်ရေးအခြေပြုဖွံ့ဖြိုးရေး (Transit Oriented Development-TOD)ကိုလည်း ရေးဆွဲထားပါတယ်။ ပို့ဆောင်ရေးအခြေပြု ဖွံ့ဖြိုးရေး(TOD)မှာ မြို့ပတ်ရထားလမ်းပေါ်ရှိ ရန်ကုန်ဘူတာကြီး၊ ကြည့်မြင်တိုင်၊ အင်းစိန်၊ ဒညင်းကုန်း၊ မင်္ဂလာဒုံ၊ ရေကူး၊ မလွှကုန်းဘူတာတွေကို ဆောင်ရွက်မှာပါ။
ရန်ကုန်မြို့တော် စည်ပင်သာယာရေးကော်မတီနဲ့ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA)တို့ ၂၀၁၃ ခုနှစ် ဒီဇင်ဘာလမှာ မဟာရန်ကုန် မြို့ပြဖွံ့ဖြိုးရေးစီမံကိန်းကို ရေးဆွဲခဲ့ပါတယ်။ အဲဒါကို နောက်ဆုံးအခြေအနေနဲ့ ကိုက်ညီအောင် (The Project for Up dating the Strategic Urban Development Plan of the Greater Yangon)ကို ၂၀၁၆ ခုနှစ် ဩဂုတ်လ ၁ ရက်နေ့ကနေ ၂၀၁၆ ခုနှစ် ဒီဇင်ဘာ ၂၄ ရက်နေ့မှာ စီမံကိန်းအပြီးသတ် ရေးဆွဲပြီး ရန်ကုန်တိုင်းဒေသကြီးကို လွှဲပြောင်းပေးခဲ့ပါတယ်။
အသစ်ရေးဆွဲခဲ့တဲ့ မာစတာပလန်အရ အရင် ၂၀၁၃ ပလန်အဟောင်းမှာ ပါဝင်တဲ့ နေရာ ၇ ခုကို ပြန်လည်အခြေခံပြီး ရေးဆွဲခဲ့တာ ဖြစ်ပါတယ်။
Ref : Kumudra
Photo Credit : Social
Posted By : Ra Wai (Shweproperty.com)
Property Sales Event
နောက်ဆုံးရ သတင်းများ
For Sale
For Rent
New Homes
other properties
