မြေလွတ်၊ မြေလပ်နှင့် မြေရိုင်းများ စီမံခန့်ခွဲမှု ဥပဒေတွင် အားမခံကြေးနှင့် မြေခွန် သတ်မှတ်ခြင်း ကြီးကြပ်ခြင်း နှင့် အခွန်ကောက်ခံခြင်းများကို ဗဟိုကော်မတီက တာဝန်ယူဆောင်ရွက်လျက်ရှိသည်။
မြေလွတ်၊ မြေလပ်နှင့် မြေရိုင်းများ စီမံခန့်ခွဲမှု ဥပဒေ အခန်း(၅) တွင်ပါဝင်သော အာမခံကြေးနှင့် မြေခွန် အကြောင်း သိမှတ်စရာများကို ဖော်ပြပေးလိုက်ပါတယ်။
ဥပဒေ၏ အခန်း(၅) အာမခံကြေးနှင့် မြေခွန်
၁၃။ ဗဟိုကော်မတီသည်မြေလွတ် ၊ မြေလပ် နှင့် မြေရိုင်းများ လုပ်ပိုင်ခွင့် ၊ အသုံးပြုခွင့်ရရှိသူက လုပ်ငန်း အမျိုးအစားအလုပ် ပေးသွင်းရမည့် အာမခံကြေးနှုန်းထားကို သတ်မှတ်ရမည် ဟုဥပဒေတွင်ပြဌာန်းထားသည်။
၁၄။ ဗဟိုကော်မတီသည် မြေလွတ်၊ မြေလပ်နှင့် မြေရိုင်းများလုပ်ပိုင်ခွင့်၊ အသုံးပြုခွင့် အတွက် ကောက်ခံရမည့် မြေခွန်နှုန်းထားနှင့် သင့်တင့်သော မြေခွန်ကင်းလွတ်ခွင့်ပြုသည့်ကာလကို လုပ်ငန်းအမျိုးအစား၊ သီးနှံအမျိုးအစား အလိုက် သတ်မှတ်သည်။
၁၅။ ဦးစီးဌာနသည်-
(က)မြေလွတ် မြေလပ်နှင့် မြေရိုင်းများလုပ်ပိုင်ခွင့် အသုံးပြုခွင့်ရရှိသူထံမှ မြေခွန်ကို လုပ်ငန်းအမျိုးအစား၊ သီးနှံအမျိုးအစားအလိုက် မြေခွန်ကင်းလွတ်ခွင့် ကုန်ဆုံးသည့်နေ့မှစ၍ စည်းကြပ်ခြင်းနှင့် ကောက်ခံခြင်းပြုရမည် ဟု ဥပဒေတွင် ဖော်ပြထားသည်။
(ခ) မြေလွတ် မြေလပ်နှင့်မြေရိုင်းများလုပ်ပိုင်ခွင့် အသုံပြုခွင့်ရရှိသူ၏ မြေခွန်ပေးသွင်းခြင်းကို ကြီးကြပ်စစ်ဆေးရမည် ဟုလည်း ပါဝင်သည်။
Written By : Win Kyaw Kyaw (ShweProperty.com)
Photo Credit : Wikipedia
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
