သာသနာမြေအဖြစ်သတ်မှတ်ခြင်းမှာ အမျိုးအစား ကွဲသလို သာသနာမြေ သတ်မှတ်သည့် နည်းလမ်းများလည်း အမျိုးမျိုး ရှိတာ တွေ့ရပါတယ်။ မြန်မာဘုရင်များခေတ်ကတော့ ဝတ္တကံ မြေအဖြစ် ၃ မျိုး ၃ စား ခွဲခြားထားပါတယ်။ ဘုရားပုထိုးစေတီများ တည်ထားသည့် စေတီ ဝတ္တကမြေ၊ ပိဋိကတ်ဝတ္တကမြေ၊ သံဃာများ သီတင်းသုံးရန် ကျောငိး၊ ဇရပ် အသုံးပြုရန် ရည် ရွယ် လှူဒါနိးသည့် သံဃဝတ္တကသမြေ ဟု ဖြစ်ပါတယ်။ အင်္ဂလိပ်အစိုးရ၏ မြေနှင့် အခွန် တော်ဥပဒေများ မပြဌာန်းမီကပင် တည်ရှိလာသဖြင့် ဆက်လက် အသိအမှတ်ပြုခဲ့သော သာ သနာမြေများ၊ မြေနှင့်အခွန်တော်ဥပဒေများ ပြဌာန်းပြီးနောက် ဥပဒေအရ သတ်မှတ်ပေးခဲ့ သော သာသနာမြေများ၊ တရားဝင် သာသနာမြေမကျသေးသော်လည်း ဝိနည်းအရ အရာ မြောက်၍ သံဃမဟာနာယကအဖွဲ့၏ ညွှန်ကြားလွှာ ၂၂၊ ၂၉၊ ၃၃၊ ၄၁ များနှင့်အညီ သာသနာ မြေအဖြစ် အသိအမှတ်ပြုခံရမြေများ စသည်ဖြင့် အမျိုးမျိုးကွဲပြားပါတယ်။
သာသနာမြေ အဖြစ် သတ်မှတ်သည့်အခါ အစိုးရမှ စီမံချထားနိုင်သည့်မြေများ၊ မြေလွတ်မြေလပ်များတွင် တိုက်ရိုက် အခွန်လွတ်သာသနာဂရန် ရယူနိုင်သော်လည်း လယ်ယာမြေဖြစ်ပါက လန ၃၉ သို့မဟုတ် (လယ ၃၀) ခွင့်ပြုမိန့်များ ဦးစွာ ရယူပြီးမှ အခွန်လွတ်သာသနာ ဂရန် လျှောက် ထား နိုင်ပါတယ်။
အခုမေးခွန်းပါ သာသနာမြေကို ဘယ်မြေအမျိုးအစားပေါ်မှာ ဘယ်လိုနည်းနဲ့ ခွင့်ပြုချထား ခဲ့ တဲ့ သာသနာမြေလို့ မသိရပါဘူး။ ယင်းသာသနာမြေကို ဘယ်တုံးက မည်သည့်ကိစ္စအတွက် ဘယ်လိုသတ်မှတ်ပေးခဲ့ပြီး မည်သူများက မည်သည့်ကာလက မည်သို့သုံးစွဲခဲ့သည်၊ သံဃာ တစ်ပါးတည်းကို ပုဂ္ဂလိက လှူခဲ့တာလား၊ ကျောင်းကန် ဇရပ်အတွက် သံဃိက သဘော လှူခဲ့တာလား ဆိုတာလဲ အပြည့်အစုံ မသိရပါဘူး။ မြေပေါ်မှာ သာသနာနိက အဆောက် အဦးများလည်း မရှိ ၊ သာသနာမြေအနေဖြင့်လည်း မသုံး၊ လူတွေ နေထိုင်လာတာ နှစ်ပေါင်း ၅၀ ကျော်ဆိုပေမဲ့ မပြည့်စုံတဲ့ အမေးတစ်ခုတည်းအပေါ် အဖြေ တိတိကျကျ ပေးရန် ခက်ပါ တယ်။
သာသနာမြေအဖြစ် တရားဝင် သတ်မှတ်ထားခဲ့သည့်မြေ ဆိုခဲ့လျှင်တော့ ယခု ပြော တဲ့ (ဝ.၉၆) ဧက အဝန်းအဝိုင်းလေးမှာ သာသနာနိက အဆောက်အအုံ မရှိတာ မသုံးစွဲတာ ကို မူတည်ပြီး မသုံးသပ်ဘဲ ဦးပိုင် အဝန်းအဝိုင်းတစ်ခုလုံး၏ အနေအထားအရ ပြောရပါမယ်။ သာသနာမြေမှန်ရင်တော့ သာသနာမြေကျူးအဖြစ် ဆိုင်ရာ သံဃအဖွဲ့အစည်းနှင့် ပြဿနာ ရှင်းရမှာ ဖြစ်ပါတယ်။ ခွင့်ပြု ချထားပေးသည့် သံဃာ၊ အဖွဲ့အစည်းအနေဖြင့် လက်ရှိသုံးစွဲခြင်း သာသနာမြေအဖြစ် လက်ရှိထားခြင်းမရှိလျှင်တော့ သာသနာမြေအဖြစ် ကျထားတာ မှန်ပေမဲ့ ရဟန်းကိုရည်စူး၍ ပုဂ္ဂလိကလှူဒန်းခဲ့မြေဖြစ်ပါမူ ထိုရဟန်းမှ စွန့်ပစ်ရာရောက်သည့် အတွက် “အသာမိက” မြေအဖြစ်သို့ ရောက်ပြီး အရာတော်မြေဖြစ်သွားပါတယ်။
ထို့အတူ သာသနာ မြေအဖြစ် မြေနှင့်အခွန်တော်ဥပဒေများ၊ အောက်မြန်မာပြည် မြို့နှင့်ကျေးရွာမြေများ ဥပဒေ များအရ အခွန်လွတ်ဂရန် Land Revenue II/ Grant 1 ဖြင့် ချထားမြေဖြစ်က ယင်းဂရန် စာချုပ်တွင် ဖေါ်ပြထားသည့် “ ယခုစာချုပ်အရ ပေးအပ်သောမြေအား ပေးအပ် ချထားသည့် ကိစ္စရပ်မှတစ်ပါး အခြားကိစ္စအတွက် အသုံးပြုလျှင် မြေနှင့်တကွ မြေတွင် ဆောက်လုပ် တည် ရှိထားသည့် အဆောက်အဦများကိုပါ အစိုးရမှ ပြန်လည် သိမ်းယူနိုင်သည်.”. shall be liable to be resume by the Government if the land or the building are any at time used for any purpose other than the specific purpose or purposes for which they are granted…ဟူသော စည်းကမ်းချက်နှင့် Land Revenue II/ Grant 1B –အရ ပေးအပ်သော သာသနာဂရန်ဖြစ်က “ချပေးသည့် နည်းလမ်းအတိုင်း အသုံးမပြုပါက ဤဂရန် ပျက်ပြယ်မည်”.. This grant will be void if the land is not used for the consecration of a baddha thein.ဟူသည့် အချက်များအရ သာသနာမြေအဖြစ် ချထားသော်လည်း အသုံးမပြု နှစ်ရှည်လများ စွန့်လွှတ်ထားပါက အစိုးရမှ ပြန်သိမ်းယူနိုင်ပါတယ်။ ယင်း သာသနာဂရန်အဖြစ်မှ ပယ်ဖျက်မြေကို လက်ရှိနေထိုင်သူများ ဂရန်လျှောက်နိုင်ပါတယ်။ ရ မရ တော့ အာမ မခံနိုင်ပါဘူး။
Ref By: DVB Lawlab
Posted By: Ra Wai (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
