အဆောက်အဦဆောက်လုပ်သူတို့ ကျက်သရေမင်္ဂလာအဖြာဖြာပြည့်စုံ၍ စီးပွားလာဘ်လာဘ တိုးပွားစေရန်အလိုငှာ ကျွန်တော်ဖတ်မိသမျှလေး မျှဝေပေးပါရစေ။
အယူတော်ဟူသည့် အတိတ်၊ နိမိတ်၊ တဘောင်စသည်တို့ကို အယူကောက်၍ ဟောကြားသော အတတ်ပညာဖြစ်သည်။ ထိုအတတ်ပညာသည် နယ်ပယ်အသီးသီးတွင် ဝင်ဆန့်သည်။
မင်္ဂလာနေအိမ်ရှိ အဓိကပင်မတိုင်ကြီး ၆ တိုင်
အခြေခံတိုင်ကြီး ၆ တိုင်မှာ-
ဥရူတိုင်၊ ကြဌာန်းတိုင်၊ ညောင်ရမ်းတိုင်၊ သပြေတိုင်၊ ရဝေတိုင်နှင့် ကုမီ ္ဘးတိုင်
၁။ ဥရူတိုင် - တစ်အိမ်လုံးကို ဦးစီးရသောတိုင်ဖြစ်သည်။ ကျက်သရေအရှိဆုံးဖြစ်သည်။
၂။ ကြဌာန်းတိုင် - ဂုဏ်သရေရှိ ဧည့်ကောင်း ဆောင်ကောင်း၊ ရဟန်း သံဃာ၊ သူတော်ကောင်းဆရာသမားတို့ကျောမှီရာ တန်ခိုးကြီးနတ်ဝိဇ္ဇာဓိုရ်တို့ ကြွရောက်ကွန်းခိုရာဖြစ်သည်။
၃။ ညောင်ရမ်းတိုင် - ခေါင်းပေါင်း၊ ပဝါ၊ စိတ်ပုတီး၊ ဇာတာခြင်းနှင့် လွယ်အိတ်တို့ချိတ်ဆွဲရာ၊ ကိုယ်စောင့်နတ်၊ မိမိကို စောင့်ရှောက်သော ပရလောကမှ ဆွေမျို အမိအဘများနှင့် ဆရာသမားတို့၏ ဝိဉာဉ်များကွန်ခိုရာ၊ အိပ်မက်၊ အတိတ်နိမိတ်၊ အသိပေးခြင်းတို့ ပြုလုပ်လေ့ရှိသည်။
၄။ သပြေတိုင် - အန္တရာယ်တွန်းလှန်နိုင်ခြင်း၊ စီးပွားကောင်းခြင်း၊ ထိုးကွင်း မင်ကြောင်၊ အောင်သိဒ္ဓိ၊ ပီယသိဒ္ဓိအစရှိသည်တို့ ဆေးအင်းထိုးရာတွင် ဤတိုင်ကိုမှီ၍ထိုးရသည်။ ဘေးအန္တရာယ် ကာကွယ်သော နတ်တို့၏ ကွန်းခိုရာဖြစ်သည်။
၅။ ရဝေတိုင် - ဇနီးနှင့် သမီးတို့၏ အဝတ်အစား၊ လက်ဝတ်တန်ဆာ သိမ်းဆည်းရာ၊ ငွေကြေးရတနာများ စီးပွားစောင့်ကြပ်သူ ကွန်းခိုရာဖြစ်သည်။
၆။ ကုမီ ္ဘးတိုင် - အမင်္ဂလာတိုင်ဖြစ်သည်။ ရှေးခေတ်က မသဒ္ဓါသူ၊ ခိုးစားသူတို့ကို ဂုတ်ဖီးစာဟု ဆဲရေးတိုင်းထွာလေ့ရှိသည်။ ဤတိုင်တွင် ဆံပင်ဖားလျား၊ အပူသယ်လိုထမင်းမစားကောင်းပါ။ ပယောဂကုခြင်း၊ တန်ပြန်ဆေးတိုက်ကျွေးခြင်း၊ ပယောဂစက်ဖြတ်ခြင်းတို့ကို ဤတိုင်တွင်ပြုလုပ်ကြသည်။ နတ်စိမ်း၊ နတ်ဆိုးတို့ကွန်းခိုရာဖြစ်သည်။
Ref & Photo Credit : Social Media
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
