ဗေဒင်မိတ်ဆွေတွေ အိုးပိုင်အိမ်ပိုင်နဲ့ နေလိုတယ်လို့ လာလာပြောကြတာရှိတယ် အဲဒီလိုလာပြောရင်တော့ အောက်ကယတြာတွေကို လုပ်ခိုင်းလိုက်ပါတယ်။
ဘုန်းကြီးကျောင်း၊ ဆေးရုံ၊ စာသင်ကျောင်းများဆောက်တဲ့ အခါမှာ တတ်နိုင်သလောက်လှူပေးပါ။ဘိုးဘွားရိပ်သာတွေမှာ မိမိတတ်နိုင်သလောက်လှူပေးပါ။
လမ်းဘေးရေအိုးစင် သို့မဟုတ် ဘုန်းကြီးကျောင်းမှာ သောက်ရေအိုးလှူပေးပါ အထူးယတြာအနေဖြင့် အောက်ဖေါ်ပြပါ အတိုင်းလည်းလုပ် ကိုယ်တိုင်လည်း လုံ့လစိုက်ငွေရှာပေါ့ဗျာ။
ပထမ နည်းလမ်း
အုန်းသီးခွံနှင့် စာကလေးအိမ် ဆောက်လုပ်ရမယ် အပြင်ကတော့ အုန်းဆံကြိုးနှင့် ချဉ်ပြီး အိမ် တံစက်မြိတ်မှာ တွဲလောင်း ချည်ထားဗျာ။
နေ့တိုင်းတော့ အဲဒီငှက်အိမ်လေးတွေမှာ နေကြတဲ့ ငှက်ကလေးတွေကို အစာကျွေး ကျွေးရင်းနဲ့ ကျွန်ုပ် သည်လည်း အိုးပိုင်အိမ်ပိုင်နှင့် အမြန်နေနိုင်ရပါစေလို့ ဆုတောင်းပေတော့ ဒါ နံပါတ်(၁) ယတြာပဲ။
ဒုတိယ နည်းလမ်း
ညောင်ပင်ကြီးကြီး တစ်ပင်ကို ရှာ၊အဲဒီ ညောင်ပင် မှာသွားပြီး သန့်ရှင်းရေးတွေ ဘာတွေလုပ် ပြီးရင် နောက်နေ့ကျရင် အဲဒီညောင်ပင်ကြီးမှာ ရုက္ခဇိုးစင် သွားလှူရမယ်။
လှူတဲ့ ရုက္ခဇိုးစင်မှာလဲ မကြာမကြာသွားပြီး ကောက်ညှင်းပေါင်းတို့ ဖယောင်းတိုင်တို့ အမွှေးတိုင်တို့ ပန်းတို့ တတ်နိုင်သလောက် သွားလှူပြီးရင် ။
ရုက္ခဇိုးနတ်မင်းဆီမှာ အိုးပိုင် အိမ်ပိုင် တစ်လုံးနဲ့ အမြန်နေရပါလို၏လို့ ဆုတောင်းရမယ် နောက်အောက်က ဂါထာကို ၃၇ ခေါက် နေ့စဉ်ရွတ်ပေးပါ ။
ရုက္ခဇိုးဂါထာတော်
အာကာသဋ္ဌာန ဘူမဋ္ဌာစ ရုက္ခဋ္ဌာစ မဟိဒ္ဓိကာ ဣဒ္ဓိမန္တော စ ယေ ဒေဝါ မံ ပါပေတု ပတိစ္ဆိတံ။
ခုနှစ်ရက် သားသမီး အားလုံးလည်း အိုးပိုင်အိမ်ပိုင်များနဲ့ အဆင်ပြေစွာ နေထိုင်နိုင်ကြပါစေကြောင်း အကြံပေးပြီး မေတ္တာပို့သ အပ်ပါတယ် ။
Ref : Manawmaya
Photo Credit : Bankrate
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
