ရန်ကုန်တိုင်းအစိုးရအဖွဲ့နှင့် ပျိုမေ့အိမ်လူမှုဖွံ့ဖြိုးတိုးတက်ရေးအသင်းတို့ ပူပေါင်းဆောင်ရွက်နေသည့် ငွေကျပ်သိန်း ၃၀ တန် နေအိမ်အလုံး ၃၀၀ ခန့်ကို ဒုတိယအသုတ်အဖြစ် မြို့နယ်နှစ်မြို့နယ်မှ အိမ်ထောင်စုများထံ အပ်နှံလိုက်ပြီဖြစ်ကြောင်း သိရသည်။
'' အိမ်ရာမှာနေထိုင်တဲ့သူတွေ၊ လွှတ်တော်ကိုယ်စားလှယ်တွေနဲ့ ဌာနဆိုင်ရာတွေကို မတ်လ ၉ ရက်က လိုအပ်တဲ့ ဆွေးနွေးမှုတွေ ပြုလုပ်ခဲ့ပါတယ်။ ဒဂုံ (တောင်ပိုင်း) မြို့နယ်က အိမ်ထောင်စု ၁၇၄ စုထံ နေအိမ်တွေကို အပ်နှံခဲ့ပါတယ် '' ဟု ရန်ကုန်တိုင်းအစိုးရအဖွဲ့နှင့် ပျိုမေ့အိမ်လူမှုဖွံ့ဖြိုးတိုးတက်ရေးအသင်း ဒါရိုက်တာ ဒေါ်ဗန်လီဇာအောင်က ပြောသည်။
ပထမအကြိမ်အဖြစ် အိမ်ခြေ ၂၆၀ ကျော်ကို ရွှေပြည်သာမြို့နယ် ၁၉ ရပ်ကွက်မှ အိမ်ထောင်စုများထံ အပ်နှံခဲ့ပြီးနောက် ဒုတိယအကြိမ်အဖြစ် အိမ်ခြေ ၁၅၀ ကျော်ကို ဒဂုံ(အရှေ့ပိုင်း) မြို့နယ် ၁၃၀ ရပ်ကွက်မှ အိမ်ထောင်စုများထံသို့လည်ကောင်း၊ အိမ်ခြေ ၁၄၇ လုံးကို ဒဂုံ(တောင်ပိုင်း) မြို့နယ် ၁၄၆ ရပ်ကွက်မှ အိမ်ထောင်စုများထံသို့ လည်းကောင်း အပ်နှံခဲ့ပြီး ငွေကျပ်သိန်း ၃၀ တန် နေအိမ်များကို လှိုင်သာယာ၊ ဒဂုံဆိပ်ကမ်း၊ မြောက်ဥက္ကလာပနှင့် ရွှေပေါက်ကံတို့၌ ဆက်လက်လုပ်ဆောင်မည်ဖြစ်ကြောင်း သိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
