အိမ်ရာများကို ဘဏ်ချေးငွေရယူပြီး ဝယ်ယူနိုင်ဖို့ စီစဉ်ပေးခဲ့တဲ့ Shwe Property ၏ “The Biggest Home Loan Expo” အိမ်ရာ အရောင်းပြပွဲကြီးကို မတ်လ(၁၆)ရက်နေ့ကနေ (၁၈)ရက်နေ့ထိ၊ ရန်ကုန်မြို့ဦးဝိစာရလမ်း ပေါ်က တပ်မတော် ခန်းမမှာ ကျင်းပခဲ့ပါတယ်။ ပြပွဲမှာ အမေရိကန်ဒေါ်လာ(၃၁.၂)သန်းရောင်းချခဲ့ပြီး အခန်းပေါင်း(၃၀၀)ကျော် ရောင်းချခဲ့ရကြောင်း သတင်းထုတ်ပြန်လိုက်ပါတယ်။
ပြပွဲမှာ ဆောက်လုပ်ရေးလုပ်ငန်းရှင်ပေါင်း (၅၀)ကျော်ရဲ့ ပရောဂျက်ပေါင်း(၃၀၀)ကျော်ကို ခင်းကျင်းပြသခဲ့ သလို၊ ဆောက်လုပ်ရေးလုပ်ငန်းသုံးပစ္စည်းများ၊ ကြမ်းခင်း၊ ကြွေပြားခင်း၊ အိပ်ခန်းသုံးပစ္စည်းများကို ရောင်းချ ပေးတဲ့ ကုမ္ပဏီတွေလည်း ပါဝင်ခဲ့ပါတယ်။ ဒါဟာ ပြပွဲကြီးတစ်ခုထဲမှာ တိုက်ခန်းတွေ၊ ကွန်ဒိုတွေအပြင် အခြား အိမ်ခန်းနဲ့ ဆက်စပ်တဲ့ပစ္စည်းတွေကိုပါ ရွေးချယ်ခွင့်ရမယ့် အခွင့်အရေးတစ်ခုလို့လည်း ပြောနိုင်ပါတယ်။
ပြပွဲရဲ့ ထူးခြားချက်ကတော့ AYA Bank နဲ့ ချိတ်ဆက်ပြီး အိမ်ခန်းဝယ်ယူနိုင်ဖို့ Banking Partner အနေနဲ့ ပါဝင်ပြီး ပြပွဲရက်(၃)ရက်လုံးမှာ အိမ်ရာချေးငွေ ထုတ်ချေးပေးဖို့ အဆင်သင့်ရှိနေခဲ့ပါတယ်။ အိမ်ရာဝယ်ယူလိုသူ အများ အပြားလာရောက်ပြီး တိုက်ရိုက်ဝယ်ယူမှုတွေနဲ့ စုံစမ်းမှုတွေမြင့်တက်ခဲ့တာဟာ The Biggest Home Loan Expo ဆိုတဲ့ အိမ်ရာအရောင်းပြပွဲကြီးကို အောင်မြင်မှုတစ်ခုအဖြစ် ပုံဖော်နိုင်ခဲ့တာပါ။
“ ကျွန်တော်တို့ရဲ့ သုံးရက်ကြာကျင်းပခဲ့တဲ့ ဒီပွဲမှာ အမေရိကန်ဒေါ်လာ (၃၁.၂)သန်း ရောင်းချနိုင်ခဲ့မှု စာရင်း ဝင်ခဲ့ပါတယ်၊ ဒီပမာဏထဲမှာ ကျွန်တော်တို့ပွဲမှာ ပါဝင်ခဲ့တဲ့ SMT Construction အနေနဲ့ အမေရိကန်ဒေါ်လာ (၁၃.၄)သန်း ရောင်းချခဲ့ရတယ်” လှို့ Shwe Property ရဲ့ Managing director, Kevin Goos က အတည်ပြုခဲ့ပါတယ်။
အနည်းဆုံး အသက် (၂၀) နဲ့ (၅၀) နှစ်ကြားရှိတဲ့ ပုံမှန်ဝင်ငွေရှိတဲ့သူ မြန်မာနိုင်ငံသားတိုင်း AYA Home Loan အစီအစဉ်ကို လျှောက်ထားခွင့်ရှိပြီး အိမ်ပိုင်ဆိုင်ဖို့အတွက် ဘဏ်ချေးငွေထုတ်ချေးပေးတဲ့ တစ်ခုတည်းသော ဘဏ်အဖြစ် ဒီပြပွဲမှာ ပါဝင်ခဲ့ပါတယ်။
“AYA Bank အိမ်ရာချေးငွေကဏ္ဍရဲ့ ကျွမ်းကျင်ပညာရှင်တွေကိုယ်တိုင် အိမ်ရာချေးငွေထောက်ပံ့ဖို့ ဆောက်လုပ်ရေး လုပ်ငန်းရှင်တွေနဲ့ လုပ်ငန်းလုပ်ဆောင်မှုတွေ အနီးစပ်ဆုံးပြုလုပ်ခဲ့တာဟာ မြန်မာနိုင်ငံမှာ ပထမဦးဆုံးစတင်တဲ့ ပြပွဲတစ်ခုလည်း ဖြစ်ပါတယ်။ အရင်တုန်းကတော့ အိမ်ဝယ်မယ့်သူတွေဟာ ကနဦး ပေးငွေတွေအများကြီး ပေးဆောင်ရခဲ့ရပေမယ့် အခုချိန်မှာတော့ ဘဏ်ချေးငွေထောက်ပံ့မှုနဲ့ လွယ်ကူ စေခဲ့ပါပြီ။ တန်ဖိုးသင့် တိုက်ခန်းတွေဝယ်ယူမှုပေါင်း (၈၃) ရာခိုင်နှုန်းကျော်ဟာ အလယ်အလတ်လူတန်းအလွှာ တွေဖြစ်ပြီး တန်ဖိုးအားဖြင့်ဆိုရင် ကျပ်သိန်း(၃၅၀)ကနေ (၇၀၀)ကြားဝန်းကျင် ရှိပါတယ်” လို့ Shwe Property ရဲ့ Managing Director ဖြစ်သူ Kevin Goos က ဆိုပါတယ်။
တန်ဖိုးမျှတတဲ့ တိုက်ခန်းတွေကိုရောင်းချပေးနေတဲ့ တိုးတက်သာဆောက်လုပ်ရေးရဲ့ Deputy Managing Director ကိုသက်နိုင်ဦးကလည်း “ ကျွန်တော်တို့ Developer တွေနဲ့ Customer တွေကို Shwe Property က ဂရုစိုက်ပေးပါတယ်။ ဒီပွဲမှာ အခန်း(၇)ခန်း (၈)ခန်းလောက် ရောင်းချနိုင်ခဲ့ပါတယ်” လို့ ပြောပါတယ်။
တန်ဖိုးသင့်အိမ်ရာတွေကို ကျပ်သိန်း(၁၈၀)ကနေ စတင်ရောင်းချပေးနေတဲ့ Sun Myat Tun Construction လည်း Shwe Property ရဲ့ ပြပွဲတိုင်းမှာ ပါဝင်ရောင်းချခဲ့ပြီး ဒီတစ်ခေါက်ပွဲမှာလည်း တိုက်ခန်းပေါင်း (၄၆)ခန်း၊ သိန်းပေါင်း (၁၇၀၀)ကျော် ရောင်းချခဲ့တယ်လို့ Sun Myat Tun Construction ရဲ့ Marketing Executive အိဖူးငုံကျော်က အတည်ပြုပြောကြားခဲပါတယ်။
တက်သစ်နေဝန်းဆောက်လုပ်ရေးကလည်း အိပ်ခန်း(၃)ခန်းရောင်းချခဲ့ပြီး တန်ဖိုးအားဖြင့် ကျပ်သိန်း(၃၂၀၀) ကျော်ရှိတယ်လို့ တက်သစ်နေဝန်းဆောက်လုပ်ရေးရဲ့ မန်းနေးဂျင်းဒါရိုက်တာ ဒေါ်နုထွေးဦးက ဆိုပါတယ်။
လာမယ့် မတ်လ (၃၁)ရက်နေ့ကနေ ဧပြီလ (၂)၇က်နေ့ထိ AYA Home Loan Launch Event ကို Novotel Hotel မှာ ကျင်းပသွားဦးမှာပါ။ အဆိုပါပြပွဲမှာလည်း အိမ်ခြံမြေကုမ္ပဏီပေါင်း (၃၀)ကျော်က အိမ်ရာအခန်းပေါင်း (၂၀၀၀)ကျော် ပြသရောင်းချသွားမှာဖြစ်ပါတယ်။
Written By : Wut Yee Htun (ShweProperty.com)
Posted By : Ra Wai (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
