ကျန်းမာရေးနဲ့ ညီညွှတ်စေဖို့အတွက်ရယ်၊ အာဟာရပြည့်ဝတဲ့ အစားအစာတွေ ရရှိဖို့အတွက်တော့ မီးဖိုချောင်ဟာ အဓိကကျတဲ့ နေရာတခုပါ။ အစားအစာ အများစုကို ရေခဲသေတ္တာနဲ့ မီးဖိုချောင်မှာ အများဆုံး သိုလှောင် သိမ်းဆည်းတတ်ကြပြီး အခုဖော်ပြပေးမယ့် အစားအစာတွေကတော့ မီးဖိုချောင်ထဲမှာ မထားသင့်တဲ့ အစားအစာတွေပဲ ဖြစ်ပါတယ်။

(၁) ပြောင်းဖူး

အာဟာရ သိပ္ပံပညာရှင်တွေရဲ့ အဆိုအရ ပြောင်းဖူးကို အခန်းအပူချိန်ထဲမှာ ထားတဲ့အခါ ပြောင်းဖူးမှာပါဝင်တဲ့ သကြားဓာတ် ၅၀ရာခိုင်နှုန်းခန့်ဟာ ဆုံးရှုံးကုန်တယ်လို့ ဆိုပါတယ်။ ဒါကြောင့် ပြောင်းဖူးတွေကို သိမ်းဆည်းဖို့ အကောင်းဆုံးနဲ့ အာဟာရဓာတ် အပြည့်အဝ ရရှိစေမယ့် နည်းလမ်းကတော့ ရေခဲသေတ္တာထဲမှာ သိမ်းဆည်းဖို့ပဲ ဖြစ်ပါတယ်။

(၂) သစ်သီးယိုများ

သစ်သီးယို အများစုကတော့ အခန်းအပူချိန်ထဲမှာ ၄၈ နာရီကျော် ထားပြီးတဲ့နောက်ပိုင်းဆိုရင် စားသုံးဖို့ မသင့်တော်တော့တာကြောင့် မီးဖိုချောင်ထဲမှာ ကြာကြာ မထားသင့်တဲ့ အစားအစာ တမျိုး ဖြစ်ပါတယ်။

(၃) အစေ့အဆန်

အစေ့အဆန်တွေဟာဆိုရင်လည်း လေလုံတဲ့ဘူးတခုထဲထည့်ပြီး ရေခဲသေတ္တာထဲမှာ သိမ်းဆည်းထားမယ်ဆိုရင် ၆လလောက်အထိ ကြာရှည်ခံတဲ့ အစားအစာဖြစ်ပေမယ့် အခန်းအပူချိန်ထဲမှာဆိုရင်တော့ ကြာကြာထားပြီး မစားသုံးသင့်တဲ့ အစားအစာပဲဖြစ်ပါတယ်။



(၄) အုန်းဆီ

အုန်းဆီကို ရေခဲသေတ္တာထဲမှာ သိမ်းဆည်းဖို့ဆိုတာဟာ အနည်းငယ် ထူးဆန်းကောင်း ထူးဆန်းနိုင်ပေမယ့် အုန်းဆီတွေ ရေရှည်မှာ ဆီကြေးစော် မနံဖို့နဲ့ အာဟာရဓာတ်တွေ မဆုံးရှုံးစေဖို့အတွက်ကတော့ အခန်းအပူချိန်မှာ ထားခြင်းထက် ရေခဲသေတ္တာထဲမှာ သိမ်းဆည်းခြင်းက အသင့်တော်ဆုံးပဲ ဖြစ်ပါတယ်။

(၅) ငှက်ပျောသီး

မမှည့်သေးတဲ့ ငှက်ပျောသီးကို မီးဖိုချောင်ထဲမှာ ထားခြင်းက ကိစ္စ မရှိပေမယ့် စားလို့ရလောက်တဲ့ အနေအထားအထိ မှည့်နေပြီဆိုရင်တော့ အခန်းအပူချိန်က ငှက်ပျောသီးတွေကို မည်းသွားစေနိုင်တာကြောင့် ရေခဲသေတ္တာထဲမှာ ထားပေးသင့်ပါတယ်။

လေ့လာမှတ်သားစရာ အိမ်ခြံမြေဆောင်းပါးများ

ရှာလကာရည်ကို ထိရောက်စွာ အသုံးပြုနိုင်မယ့် နည်းလမ်း (၁၀) မျိုး

အိမ်သုံး ဓါတုပစ္စည်းများရဲ့ လျို့ဝှက်ချက်

သန့်ရှင်းဖို့လိုကို လိုအပ်တဲ့ အိမ်တွင်းပစ္စည်း(၆)မျိုး

အိမ်တွင်းအပင်လေးတွေ စိုက်ပျိုးပေးခြင်းကြောင့်ရရှိလာမယ့် အကျိုးကျေးဇူးများ

Credit By: Burma.Irrawaddy
Posted By : Ra Wai (ShweProperty.com)