ရန်ကုန်တိုင်းအစိုးရက ပထမအကြိမ်အဖြစ် မြေကွက် ၅၀၀ ကို ရောင်းချပေးခဲ့ရာတွင် မြေကွက်လျှောက်ထားသူ ၁၂,၁၅၈ ဦးရှိသည့်အနက် ဇန်နဝါရီလကုန်တွင် ဝယ်ယူခွင့်ရရှိသူစာရင်း ထုတ်ပြန်ခဲ့ရာ ၆၄၀ ကျော်သာ အချက်အလက်ပြည့်စုံကြောင်း သိရသည်။
မြေကွက်ဝယ်ယူခွင့်လျှောက်လွှာများကို လျှောက်လွှာကို ဝယ်ယူသူ၏အမည်နှင့် တင်သွင်းရာတွင် လျှောက်ထားသူ၏အမည်တို့ တူ၊ မတူနှင့် အဆိုပြုဈေးနှုန်း၊ ငွေကြေးအထောက်အထား၊ စီးပွားရေးလုပ်ငန်း လုပ်ကိုင်မည်ဆိုပါက လုပ်ငန်းအဆိုပြုချက် ပါ၊မပါ တို့ကို အဓိကစစ်ဆေးခဲ့ကြောင်း ရန်ကုန်မြို့တော် စည်ပင်သာယာရေးကော်မတီတွဲဖက်အတွင်းရေးမှူး ဦးသန်းက ပြောသည်။
ဝယ်ယူခွင့်ရရှိသော မြေကွက်များကို လျှောက်ထားသူအမည်ဖြင့် ရောင်းချမည်ဖြစ်ပြီး ၃ နှစ်အတွင်း နာမည်ပြောင်းခွင့်မရှိကြောင်း၊ မြေကွက်တစ်ကွက်ပေါ်တွင် အပြိုင်အဆိုင်လျှောက်ထားခြင်းရှိပါက စီမံခန့်ခွဲမှုကော်မတီက လျှောက်ထားသူ၏ အဆိုပြုချက်များကို စိစစ်၍ အချက်အလက်များ အသင့်လျော်ဆုံး လျှောက်ထားသူအား ရွေးချယ်မည်ဖြစ်ကြောင်း ကြေညာထားသည်။
လက်ရှိတွင် ရန်ကုန်တိုင်းအစိုးရက ဒဂုံမြို့သစ် အရှေ့ပိုင်းနှင့် တောင်ပိုင်း၊ ဒဂုံမြို့သစ်ဆိပ်ကမ်း၊ ဒလ၊ ရွှွေပြည်သာ၊ မြောက်ဥက္ကလာပ၊ လှိုင်သာယာ၊ ဆိပ်ကြီးခနောင်တို၊ ကျောက်တန်းမြို့နယ် စုစုပေါင်းမြို့နယ် ၉ ခုတို့တွင် မြေကွက် ၁၀၀ ကျော်ကို ထပ်မံရောင်းချမည်ဖြစ်ကြောင်း ဖေဖော်ဝါရီလ ၇ ရက်တွင် ရန်ကုန်တိုင်းအစိုးရက ကြေညာထားကြောင်း သိရသည်။
မြေကွက်များကို ဝယ်ယူလိုသူများအနေဖြင့် ရန်ကုန်တိုင်းအတွင်းရှိ နီးစပ်ရာ မြို့နယ်စည်ပင်သာယာရေးကော်မတီရုံး၊ မြို့နယ်သာယာရေးအဖွဲ့ရုံးတို့တွင် လျှောက်လွှာများကို မတ်လ ၆ ရက် နောက်ဆုံးထား၍ တင်သွင်းရမည်ဖြစ်သည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
