ကျွန်တော်တို့ဟာ မကြာခင်မှာ ရွေ့လျားနိုင်တဲ့မြို့တွေကို မြင်တွေ့ရဖို့ရှိပါတယ်။
စပိန်နိုင်ငံ၊မက်ဒရစ်မြို့က ဗိသုကာကျောင်းသား Manuel Dominguez ဟာ တစ်နေရာကနေ တစ်နေရာကနေ ရွေ့လျားသွားလာနိုင်မယ့် မြို့တစ်မြို့ကို ဒီဇိုင်းရေးဆွဲခဲ့ပါတယ်။
သူ့ရဲ့ မြို့တော်ဒီဇိုင်းမှာ တင့်ကားတွေ ရွေ့လျားသွားလာတဲ့အခါအသုံးပြုတဲ့ ချိန်းကြိုးတွေကို ထည့်သွင်းအသုံးပြုထားတာ ဖြစ်ပါတယ်။
ဒီမြို့ဟာ ကောင်းကျိုးအများအပြားကို ဆောင်ကျဉ်းပေးနိုင်မှာဖြစ်တယ်လို့Dominguez က ဆိုပါတယ်။
“ ကျေးလက်နဲ့မြို့ပြက လူဦးရေကို ဟန်ချက်ညီအောင် ထိန်းညှိပေးနိုင်သလို၊ သဘာဝပတ်ဝန်းကျင် ပြန်လည်ထိန်းသိမ်းပေးမယ့်အပြင် အလုပ်အကိုင်အသစ်တွေကိုပါ ပေးစွမ်းသွားနိုင်မှာပါ” လို့Dominguez က ပြောကြားပါတယ်။
ယခုဒီဇိုင်းကို ‘Very Large Structre’ လို့အမည်ပေးထားပြီး မြို့ခံတွေအတွက် အတောမသတ်တဲ့အလုပ်အကိုင်အသစ်တွေ ဖန်တီးပေးနိုင်ဖို့မြို့က ရွေ့လျားပေးသွားနိုင်မှာဖြစ်ပါတယ်။ ကျေးလက်နဲ့မြို့ပြ လူဦးရေတွေကို ပြန်လည်ချိတ်ဆက်ပေးဖို့အတွက် အထောက်အကူပြုနိုင်မှာ ဖြစ်တယ်လို့သိရပါတယ်။
ဒီ ရွေ့လျားမြို့တော်မှာ သာမန်မြို့တွေလိုပဲ အားကစားဆိုင်ရာအဆောက်အဦးတွေ၊ စားသောက်ဆိုင်တွေ၊ တက္ကသိုလ်တွေ၊ ဆေးရုံတွေနဲ့စာကြည့်တိုက်တွေ ပါဝင်မှာဖြစ်ပါတယ်။ လေအားလျှပ်စစ်တာဘိုင်တွေ၊ ဆိုလာပြားတွေနဲ့ဟိုက်ဒရိုဂျင် ဓာတ်အားပေးစက်ရုံတွေကနေရရှိတဲ့ သန့်ရှင်းတဲ့ ပြန်လည် ပြည့်ဖြိုးမြဲစွမ်းအင်ကို အသုံးပြုထားတယ်လို့ဆိုပါတယ်။
Ref : Thit Htoo Lwin
Posted By : Wai Phyoe Aung
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
