ဝါးတရာစက်မှုဇုန်အနီး ပြောင်းရွှေ့ရန်စီစဉ်နေသော ဘု ရင့်နောင်ကားကြီးဝင်းအတွက် ၎င်းတို့ပိုင်ဆိုင်သည့်လယ်မြေများ စွန့်လွှတ်ရ မည်ဆိုပါက ဂရန်အ မည်ပေါက်မြေပမာဏ ၅၀ ရာခိုင် နှုန်းကို ပြန်လည်ရလိုကြောင်း ဝါး တရာစက်မှုဇုန်အနီး လိန်ကုန်း ကျေးရွာမှ လယ်မြေပိုင်ရှင်လယ် သမားများက ပြောသည်။
ယာဉ်ကြော ပိတ်ဆို့မှု ကြောင့် ဘုရင့်နောင်ကားကြီးဝင်း ကို ဝါးတရာစက်မှုဇုန်အနီး ပြောင်းရွှေ့ပေးရန် ရန်ကုန်တိုင်း ဒေသကြီးအစိုးရက ရွေးချယ်ပေး ခြင်းကြောင့် ဒေသခံလယ်သမား ၂၄ ဦးက ယခုကဲ့သို့ တောင်းဆို ခြင်းဖြစ်သည်။အစိုးရတာဝန်ရှိသူများနှင့် တိုင်းလွှတ်တော် ကိုယ်စားလှယ် များက လယ်သမားများနှင့်ညှိနှိုင်း ရာတွင် မူလပိုင်ဆိုင်သည့်မြေပမာ ဏထက် ဂရန်အမည်ပေါက်မြေ ပမာဏ ၂၀ ရာခိုင်နှုန်း(သို့မဟုတ်)လျော်ကြေးငွေကို ပေးမည်ဟု ပြောထားသည်။
‘‘လယ်တွေက မိသားစုပိုင် ဖြစ်တာကြောင့် အစိုးရက သိမ်း လိုက်ရင် အားလုံးပြန်ခွဲရမှာတွေ ရှိတယ်။ ပြီးတော့ မြေပြန်လိုချင် တာက ကျွန်တော်တို့အနာဂတ် အတွက်ပဲ’’ဟု ဘုရင့်နောင်ကား ကြီးဝင်းစီမံကိန်းတွင် ပါဝင်သော လယ် ၈ ဧကပိုင်ရှင် ဦးရဲကျော်ဇောက ပြောသည်။
အစိုးရက ပြန်လည်ပေးမည့် ပမာဏနည်းပါး၍ လယ်သမား များအတွက် အဆင်မပြေသဖြင့် တိုးမြှင့်ပေးပါရန် တိုင်းဒေသကြီး အစိုးရကို တောင်းဆိုခြင်းဖြစ်ကာ တိုင်းဒေသကြီးအစိုးရက မဖြေရှင်းပေးနိုင်ပါက နိုင်ငံတော်၏အ တိုင်ပင်ခံပုဂ္ဂိုလ်ထံသို့ တင်ပြ တောင်းဆိုမည်ဟု လယ် ၅ ဧက ပိုင်ရှင် ဦးအေးကျော်က ပြော သည်။ ရန်ကုန်မြို့မှ မိုင် ၂၀ ခန့် အကွာအဝေးတွင်ရှိသော လိန် ကုန်းကျေးရွာအနီး လယ်မြေ ၄၅၇ ဧကကျော်ကို တပ်မတော်အစိုးရ က ၁၉၉၆ တွင် သစ်တောဝန်ကြီး ဌာနစီမံကိန်းများအတွက် သိမ်း ယူခဲ့သည်။
ထို့နောက် လယ်မြေဧက ၂၈၀ ကျော်တွင် သစ်အခြေခံစက် မှုလုပ်ငန်းများအပါအဝင် ဝါးတ ရာစက်မှုဇုန်ကို အကောင်အထည် ဖော်ပြီးနောက် ကျန်ရှိ လယ်မြေ ဧက ၁၆၉ ဧကကျော်ကို ထိုစဉ်က သစ်တောဝန်ကြီးဌာနပိုင်အဖြစ် အစိုးရက ဆက်လက် ရယူထား ခဲ့သည်။
အစိုးရ သိမ်းယူထားသည့် မြေဖြစ်သော်လည်း လယ်သမား များကို လယ်ဆက်လက်လုပ်ကိုင် ခွင့်ပေးထားခြင်းဖြစ်သည်။ အဆို ပါလယ်မြေများသည် တစ်နှစ် လျှင် လယ်တစ်ဧကမှ မိုးစပါးတင်း၅၀ ကျော်ပုံမှန်ထွက်သည့် လယ် မြေများဖြစ်သည်ဟု လယ်သမား များက ပြောသည်။
လက်ရှိတွင် လယ်မြေ ၁၆၉ ဧကကျော်ကို သယံဇာတနှင့် သ ဘာဝပတ်ဝန်းကျင်ထိန်းသိမ်းရေး ဝန်ကြီးဌာနက အစိုးရသို့ ပြန်လည်ပေး အပ်ခဲ့၍ မူလပိုင်ရှင် လယ်သ များက မြေပြန်လည်ရယူခွင့်ကို အစိုးရထံမှ ရရှိထားသည်။
ထို့ကြောင့် ဘုရင့်နောင်ကား ကြီးဝင်းကို ၎င်းတို့လယ်မြေများသို့ ပြောင်းရွှေ့လာမည်ဆိုပါက တောင်းဆိုထားသည့် ပမာဏ ထက် လျှော့မပေးနိုင်ကြောင်း လယ်သမားများက ပြောသည်။
ယာဉ်ကြော ပိတ်ဆို့မှုများ မဖြစ်စေရန် တပ်မတော်က မြေ ပြန်လည်တောင်းယူခြင်းကြောင့် ဘုရင့်နောင်ကုန်စည်ဒိုင်နှင့် ကား ကြီးဝင်းကို ဝါးတရာစက်မှုဇုန် အနီးသို့ ယခုနှစ်အတွင်း ပြောင်း ရွှေ့မည်ဟု ရန်ကုန်တိုင်းဝန်ကြီး ချုပ် ဦးဖြိုးမင်းသိန်းက မေလ ၂၀ ရက်တွင် ပြောကြားခဲ့သည်။
Ref : 7daydaily
Photo Credti : TTL
Posted By : Moe Thae'
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
