မွန်ပြည်နယ်မော်လမြိုင်မြို့ ကြာအင်းကျေးရွာတွင်ဗညားဒလတန်ဖိုးသင့်အိမ်ရာစီမံကိန်းကို အကောင်အထည်ဖော်ဆောင်ရွက်လျက်ရှိပါသည်။
ဧရိယာ (၁၉.၂ဝ)ဧက ကျယ်ဝန်းပြီး မြို့ပြဖွံ့ဖြိုးရေးနှင့် အိမ်ရာဖွံ့ဖြိုးတိုးတက်ရေးအတွက် အကောင်အထည်ဖော်ထူထောင်ဆာင်ရွက်ရန်လျာထားပြီး Conceptual Development Plan များရေးဆွဲထားပါသည်။
၎င်းမြေပေါ်တွင် မွန်ပြည်နယ်အစိုးရအဖွဲ့ တည်ဆောက်ရေးစီမံကိန်း ကြီးကြပ်မှုကော်မတီမှ ဦးစီး၍ Ba Nyar Da La Housing Project Phase 1ဆောင်ရွက်ပြီးဖြစ်၍ Ba Nyar Da La Housing Project Phase 2 ကို ဆက်လက်အကောင်အထည်ဖော်ဆောင်ရွက်မည်ဖြစ်သဖြင့် စီမံကိန်းဆောင်ရွက်လိုသည့် ပြည်တွင်းမှ ပင်မရင်းနှီးမြှုပ်နှံတည်ထောင်လိုသူ (Master Developer)၏ စိတ်ဝင်စားမှုအဆိုပြုလွှာ (EOI) ကို တင်သွင်းရန်ဖိတ်ခေါ် ထားကြောင်းသိရသည်။
စီမံကိန်းမြေအား ထိရောက်အကျိုးရှိစွာ အကောင်အထည်ဖော်နိုင်မည့် ကျွမ်းကျင်မှုနှင့် လုပ်ကိုင်နိုင်စွမ်းရှိသော ကုမ္ပဏီအဖွဲ့အစည်းများသည် Ba Nyar Da La Housing Project Concept Plan အပေါ်အခြေခံ၍ တည်ဆောက်ရေး၊ဈေးကွက်ရှာဖွေရေး ရင်းနှီးမြှုပ်နှံမှုနှင့် စီမံခန့်ခွဲမှုလုပ်ငန်းများ ဆောင်ရွက်လိုကြောင်း အဆိုပြုလွှာကို တင်သွင်းရမည်ဖြစ်ပါသည်။
အသေးစိတ်အချက်အလက်များနှင့် ညွှန်ကြားချက်ပုံစံများကိုဆောက်လုပ်ရေးဝန်ကြီးဌာန၊မြို့ပြနှင့် အိမ်ရာဖွံ့ဖြိုးရေးဦးစီးဌာန ၊မွန်ပြည်နယ်ညွှန်ကြားရေးမှူးရုံး(သို့မဟုတ်)ပြည်နယ်အစိုးရအဖွဲ့ရုံး၊မွန်ပြည်နယ်တွင် EOI လျှောက်လွှာကို (၂၈.၁၂.၂ဝ၁၈) ညနေ (၄းဝဝ)နာရီ နောက်ဆုံးထား၍ တင်သွင်းရမည်ဖြစ်ကြောင်း သိရသည်။
ကနဦးရွေးချယ်ခံရသည့် Short Listed Firm စာရင်းကို ရွေးချယ်ရေးဘုတ်အဖွဲ့မှ စိစစ်ရွေးချယ်ပြီးနောက်ထုတ်ပြန်ကြေညာမည်ဖြစ်ကြောင်းလည်းသိရသည်။
စုံစမ်းလိုပါက ဆက်သွယ်ရန်ဖုန်းနံပါတ်- ညွှန်ကြားရေးမှူးရုံး၊ မြို့ပြနှင့် အိမ်ရာဖွံ့ဖြိုးရေးဦးစီးဌာန၊မော်လမြိုင်မြို့မွန်ပြည်နယ် (ဝ၅၇-၂ဝ၂၂၆၆၂ ၊ဝ၅၇-၂ဝ၂၅၉၅၃) နှင့် ညွှန်ကြားရေးမှူးရုံး၊ ပြည်နယ်အစိုးရအဖွဲ့ရုံး၊မော်လမြိုင်မြို့မွန်ပြည်နယ် (ဝ၅၇-၂ဝ၂၁၄၈၁) သို့ဆက်သွယ်နိုင်ကြောင်းသိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
