လှည်းတန်းနှင့်လမ်းမ တော်မြို့နယ်တို့တွင် လူကူးခုံး ကျော်တံတားနှစ်စင်း ထပ်မံတည် ဆောက်သွားမည်ဟု သတင်းရရှိ သည်။
ကမာရွတ်မြို့နယ် လှည်း တန်းလမ်းဆုံအင်းစိန်လမ်းမပေါ် နှင့် လမ်းမတော်မြို့နယ် လမ်း သစ်လမ်းထိပ် ကမ်းနားလမ်းမကို ဖြတ်ကျော်သော တံတားနှစ်စင်း ကို မကြာမီဆောက်လုပ်သွားမည် ဟု ရန်ကုန်မြို့တော်စည်ပင်သာ ယာရေးကော်မတီအင်ဂျင်နီယာ ဌာန(လမ်း/တံတား)မှ တာဝန်ရှိ သူတစ်ဦးကပြောသည်။
‘‘ရှေ့နှစ်ထဲမှာတည်ဆောက်သွားမှာပါ။ အခု အဲဒီတံတားနှစ် စင်းအတွက် အသေးစိတ်ဒီဇိုင်း ရေးဆွဲနေတယ်’’ဟု ၎င်းကဆို သည်။
အဆိုပါ တံတားနှစ်စင်း ဆောက်လုပ်ရန် စည်ပင်သာယာ ၏ ၂၀၁၄-၁၅ ဘတ်ဂျက်တွင် ပါဝင်ထည့်သွင်းထားပြီး တည် ဆောက်ရေးလုပ်ငန်းများအတွက် ဘဏ္ဍာငွေရှိကြောင်း အဆိုပါဌာန မှူး ဦးတင်မောင်ကြည်က ပြော သည်။
တည်ဆောက်မည့်တံတား နှစ်စင်းကို သံကူကွန်ကရစ်အမျိုး အစားအဖြစ် ဆောက်လုပ်သွား မည်ဖြစ်ပြီး လမ်းသစ်လမ်းထိပ် တံတားမှာ စက်လှေကားပါဝင်ဖွယ်ရှိကြောင်းသိရသည်။
ယင်း တံတားနှစ်စင်း အ တွက်ကုန်ကျငွေမှာ ကျပ်သိန်းငါးထောင်ခန့်ရှိကြောင်း အထက်ပါတာဝန်ရှိသူကပြောသည်။
ရန်ကုန်မြို့တွင် ယခုနှစ် အတွင်း ခရေပင်လမ်းခွဲနှင့် ပန်း ဆိုးတန်းလမ်းထိပ်ကမ်းနားလမ်း ခုံးကျော်တံတားများကို တည် ဆောက်ဖွင့်လှစ်နိုင်ခဲ့ကာ ကမ္ဘာအေးဘုရားလမ်းမပေါ် ဂမုန်းပွင့် ရှေ့ ခုံးကျော်တံတားမှာ တည် ဆောက်ဆဲဖြစ်သည်။
‘‘အခု ထပ်ဆောက်မယ့် တံတားနှစ်စင်းပြီးရင် ဒီဘဏ္ဍာနှစ် ထဲမှာ တည်ဆောက်နိုင်ခဲ့တဲ့ တံတားငါးစင်း ဖြစ်သွားမှာပါ။ နောက်ဘယ်မှာထပ်ဆောက်မယ် ဆိုတာတော့ မရွေးချယ်ရသေး ဘူး။ ဆက်တော့ဆောက်လုပ်သွား မှာပါ’’ဟု လမ်းတံတားဌာနတာ ဝန်ရှိသူကဆိုသည်။
Ref : 7daydaily
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
