အိမ်ခန်းပေါင်း ၃၀၀၀ တည်ဆောက်ရေးစီမံကိန်း ပထမအဆင့်စီမံကိန်းကို မြေဧက ၆၉ ဒသမ ၅ ဧကတွင် ဆောက်လုပ်မည်ဖြစ်ကြောင်း သိရသည်။
အဆိုပါစီမံကိန်းကို နေပြည်တော်ဇမ္ဗူသီရိမြို့နယ်၊ ဉာဏသိဒ္ဓိရပ်ကွက် ပျဉ်းမနား-တောင်ညိုလမ်း တောင်ဘက်တွင် တည်ဆောက်မည်ဖြစ်ပြီး နိုင်ငံ့ဝန်ထမ်းများအငြိမ်းစားယူသည့်အချိန်တွင် စိတ်ချမ်းသာစွာ အမှန်တကယ်နေထိုင်နိုင်ရန် ရည်ရွယ်ဆောက်လုပ်ခြင်းဖြစ်သည်။
အိမ်ခန်းတစ်ခန်းလျှင် စတုရန်းပေ ၆၅၀ ဖြင့် အိမ်ခန်း ၂ ခန်း၊ ဧည့်ခန်း၊ မီးဖိုခန်း၊ ရေချိုးခန်း၊ သန့်စင်ခန်း များပါဝင်ပြီး ရိုးရိုးလှေကား၊ အရေးပေါ်ထွက်ပေါက်လှေကားများနှင့် သံကူကွန်ကရစ်(၄)ထပ် အဆောက်အဦစုစုပေါင်း (၁၈၉)လုံး ဆောက်လုပ်သွားမည်ဖြစ်ကြောင်း သိရသည်။
ဝယ်ယူလိုသော အငြိမ်းစားဝန်ထမ်းများအနေဖြင့် အိမ်ခန်းတန်ဖိုး၏ ပထမအရစ်ကျ ၂၀ ရာခိုင်နှုန်း သို့မဟုတ် ၃၀ ရာခိုင်နှုန်းကို ကနဦးပေးသွင်းရမည်ဖြစ်ပြီး ကျန်ငွေကို အရစ်ကျငွေပေးသွင်း ရောင်းချသွားရန် လျာထားကြောင်း သိရသည်။
အိမ်ခန်း ၃၀၀၀ တည်ဆောက်ရေးစီမံကိန်း ဆောင်ရွက်ရန်အတွက် အဆောက်အဦဒီဇိုင်းပုံစံကို ဆောက်လုပ်ရေး ဝန်ကြီးဌာန၊ မြို့ရွာနှင့်အိုးအိမ်ဖွံ့ဖြိုးရေးဦးစီးဌာန အဆိုပြုရေးဆွဲထားသော အဆောက်အဦဗိသုကာပုံစံဖြစ်ပြီး အဆောက်အဦအရည်အသွေးကောင်းမွန်စေရေး စစ်ဆေးရန်အတွက် ပြင်ပ third party QA/ QC အဖွဲ့များ ငှားရမ်းဆောင်ရွက်မည်ဖြစ်ကြောင်း သိရသည်။
မြန်မာနိုင်ငံဆောက်လုပ်ရေး လုပ်ငန်းရှင်များအသင်းချုပ်နှင့် လိုင်စင်ရကန်ထရိုက်တာများအသင်းချုပ်တို့ကို လုပ်ငန်းအပ်နှံတည်ဆောက်မည်ဖြစ်ပြီး အသင်း(၂)သင်း၏ စီမံခန့်ခွဲမှုဖြင့် စီမံကိန်းစတင်ချိန်မှ (၁)နှစ်အတွင်း လုပ်ငန်းများ ပြီးစီးအောင် ဆောင်ရွက်ကြရမည်ဖြစ်ကြောင်းသိရသည်။
အိမ်ခန်း ၃၀၀၀ တည်ဆောက်ရေးစီမံကိန်း တည်ဆောက်နိုင်ရန် ပန္နက်တင်မင်္ဂလာကို မတ်လ ၂၁ ရက် နံနက် ၉ နာရီခွဲအချန်တွင် ကျင်းပပြုလုပ်ခဲ့ကြောင်း သိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
