ရန်ကုန်တိုင်းဒေသကြီး စုပေါင်းပိုင် အဆောက်အအုံဆိုင်ရာ(ကွန်ဒို) မှတ်ပုံတင်ရုံးကို ယခုလ (၇)ရက်က စတင်ဖွင့်လှစ်ခဲ့ပြီးနောက် စုပေါင်းပိုင်အဆောက်အအုံ တည်ထောင်သူလုပ်ငန်းလိုင်စင် လျှောက်ထားလာသည့် ကုမ္ပဏီများအနက် (၁၂)ခုကို ပထမအကြိမ်အဖြစ် လုပ်ငန်းလိုင်စင် စတင်ထုတ်ပေးသွားမည်ဖြစ်ကြောင်း အဆိုပါ မှတ်ပုံတင်ရုံးမှ သိရသည်။
အဆိုပါ ကုမ္ပဏီ (၁၂)ခုကို (၉-၁-၂၀၁၉)ရက်နေ့တွင် ပြုလုပ်သော ရန်ကုန်တိုင်းဒေသကြီး စုပေါင်းပိုင်အဆောက်အအုံဆိုင်ရာ စီမံခန့်ခွဲရေးကော်မတီအစည်းအဝေး (၁/၂၀၁၉)အရ ခွင့်ပြုပေးလိုက်ခြင်းဖြစ်ကြောင်း သိရသည်။ “ လုပ်ငန်းလိုင်စင်လျှောက်တဲ့ ကုမ္ပဏီ (၁၆)ခု ရှိတဲ့အနက် (၉)ရက်နေ့မှာ လုပ်တဲ့ စီမံခန့်ခွဲရေးကော်မတီ အစည်းအဝေးမှာ (၁၂)ခုကို ခွင့်ပြုပေးလိုက်တာပါ။
ကျန်တဲ့ကုမ္ပဏီ (၄)ခုကို လိုင်စင်မပေးတာမဟုတ်ပါဘူး။ လာရောက်လျှောက်ထားတဲ့အခါမှာ အချက်အလက်တချို့ ကျန်ရှိနေတာကြောင့်ပါ။ အဲ့ဒါတွေ ပြန်တင်ပြီးရင် လိုင်စင်ချထားပေးမှာပါ။ ခုကြေညာတဲ့ ကုမ္ပဏီ (၁၂)ခုကလည်း ခွင့်ပြုလိုက်တာဖြစ်ပေမယ့် လောလောဆယ် လိုင်စင်တော့ မထုတ်ပေးရသေးပါဘူး “ ဟု မှတ်ပုံတင်အရာရှိ ဦးဝေစံသိန်းက ပြောသည်။
ပထမဆုံးအကြိမ် လိုင်စင်ချထားပေးမည့် ကုမ္ပဏီများမှာ Shwe Taung Development Co.,Ltd ၊ Sae Paing Development Co.,Ltd ၊ တက်လမ်းကုမ္ပဏီ ၊ ဒဂုန်အင်တာနယ်ရှင်နယ် ကုမ္ပဏီလီမိတက် ၊ ရွှေဇမ္ဗူဒိပ်ဆောက်လုပ်ရေး ၊ Myanmar Imperial Vega Co.,Ltd ၊ One One One Co.,Ltd ၊ Mandalay Golden Wings Construction Ltd ၊ Living Square Construction Co.,Ltd နှင့် နေကမ္ဘာမြန်မာဆောက်လုပ်ရေး ကုမ္ပဏီတို့ ဖြစ်ကြောင်းသိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
