ရန်ကုန်တိုင်းဒေသကြီး ကွန်ဒိုမီနီယံ စီမံခန့်ခွဲရေးကော်မတီက တတိယအကြိမ်အဖြစ် ကွန်ဒိုတည် ဆောက်ခွင့်လုပ်ငန်းလိုင်စင်အား ကုမ္ပဏီ ရှစ်ခုကို ခွင့်ပြုလိုက်ကြောင်း မြို့ပြနှင့် အိုးအိမ်ဖွံ့ဖြိုးရေး ဦးစီးဌာနမှ မတ်လ၁၂ရက်တွင် သိရသည်။
စုပေါင်းပိုင်အဆောက်အအုံဆိုင်ရာမှတ်ပုံတင်ရုံးမှ ပြီးခဲ့သည့်ဇန်နဝါရီလမှစ၍ လုပ်ငန်းလိုင်စင်များချ ထားပေးလျက်ရှိရာ စုစုပေါင်းလိုင်စင်ရကုမ္ပဏီ ၂၇ခုအထိရှိလာပြီဖြစ်ကြောင်း သိရသည်။ " လုပ်ငန်းလိုင်စင်က လျှောက်ထားတဲ့ကုမ္ပဏီတွေထဲက သတ်မှတ်ချက်နဲ့ ကိုက်ညီတဲ့ကုမ္ပဏီတွေကို ခွင့်ပြုလိုက်တာပေါ့။ လိုင်စင်ပေး အပ်ပွဲအခမ်းအနားလည်း လုပ်ဖို့ရှိပါတယ်" ဟု ရန်ကုန်တိုင်းဒေသကြီး ကွန်ဒိုမီနီယံ စီမံခန့်ခွဲရေးကော်မတီမှ တာဝန်ရှိသူတစ်ဦးက ပြောသည်။
တတိယအကြိမ်မြောက်လုပ်ငန်းလိုင်စင်ချထားပေးသည့်ကုမ္ပဏီများမှာ Yangon Golden Paragon Investment Company Limited, United GP Development Company Limited, Aspidin Construction & Trading Company Limited, SCW Development Group Limited, Htun Myat Aung Company Limited, Sustin Company Limited ,Moon Sum Company Limitedနှင့်A1 Construction Company Limitedတို့ဖြစ်ကြောင်း သိရသည်။ ယခင်က လိုင်စင်ချပေးခဲ့သည့် ကုမ္ပဏီ ၁၉ခုအနက် အချို့မှာ ကွန်ဒိုခန်း များ မှတ်ပုံတင်ခြင်းလုပ်ငန်းစဉ် စတင်ဆောင်ရွက်နေကြပြီ ဖြစ်ကြောင်း သိရသည်။
Ref & Photo Credit : Pyi Myanmar
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
